fríggjadagur 27. juli 2012síða 69

21 SummarFestivalurin Vikutema Ein rúgva av børnum fara at hita upp til ársins Summar­ festival við kulum og vøkrum dansitrinum og fara síðani at seta sín dáma á festligan, litfagran og larmandi leygardag. Hevur tú hug at hita upp til ársins Summarfestival við kulum og vøkrum dansitrinum? So hevur tú møguleika at melda teg til Dansilandið, har tú fært eina stuttliga, læruríka og minniliga uppliving og nýggj vinfólk. Tiltakið er fyri dansiglað børn í aldrinum 7-12 ár. Tað er ikki eitt krav at tú dugir at dansa, bara tú tímur og ert fyrireikað/ur uppá ein stuttligan, læruríkan og avbjóðandi dag á festivalinum. Tað verður dansibólkurin Hóps, sum kemur at undirvísa. Genturnar, ið manna bólkin, hava dansað og framført í fleiri ár, og hava drúgvar royndir innan dans og koreografi bæði innan- og uttan fyri føroysku landoddarnar. Børnini, sum melda seg til dansiskúlan fara at læra nøkur grundtrin innan ymsikar dansigreinar, umframt at tey fáa forkunnuga vitjan í steðginum, drykkju­vørur og frukt. Eisini koma børnini at hava ein leiklut í stóra Karnevalinum leygar­ dagin, har tey seta hol á festliga átakið við at framføra í Badmintonhøllini, fáa ókeypis andlitsmáling og síðani koma tey at ganga á odda í skrúðgonguni oman ímóti Vágsbøi har stóra barnakonsertin við Kulum Rótum og Trølla Pæturiog Ommuni byrjar kl 16.00. Les meira um tilmelding á heimasíðuni hjá Summarfestivalinum. Skrá fyri Silvalandið Hósdagur 2. august Kl. 17.00 Silvalandið letur upp Kl 17.00 Djóragarðurin letur upp Kl. 22.30 Silvalandið letur aftur Fríggjadagur 3. august Kl. 17.00 Silvalandið letur upp Kl. 17.00 Djóragarðurin letur upp Kl. 18.45 Silvi vitjar Kl. 19.00 Klovnurin Buubuu undirheldur og syngur Kl. 22.30 Silvalandið letur aftur Leygardagur 4. august Kl. 13.00 Silvalandið letur upp Kl. 13.00 Djóragarðurin letur upp Kl. 13.30 Dansigentur upptraðka Kl. 13.45 Andlitsmáling og uppseting til karneval. Kl. 14.00 Karnevalið byrjar úr Badmintonhøllini. Silvi, klovnar, dansarar, tónleikarar verða í skrúðgonguni. Øll eru vælkomin at luttaka og seta sín dám. Kl. 16.00 Stórt barnatiltak á Stóra palli á Vágsbøi Kl. 17.30 Klovnurin Buubuu undirheldur og syngur. Kl. 17.50 Silvi vitjar Kl. 18.00 Silvi kastar lut Kl. 19.00 Kaptein Gardar vitjar Kl. 19.30 Myndatøka við Kaptein Gardar Kl. 20.00 Gykl við Ásbjørn Kl. 22.30 Silvalandið letur aftur Hetta bjóðar Silvalandið Hoppiborgir, el bilar, andlitsmáling, klovnar, djór, trøll, trampolin, ymiskt undirhald, pony ríðing og helst nógv afturat Føroya fittasti klovnur Klovnurin BuuBuu, ið er Føroya fittasti klovnur, gleðir seg ómetaliga nógv til at vitja á ársins Summarfestivali. Seinastu tíðina hevur hann fyrireikað seg, og kemur hann á Summarfestivalinum at  prát við børnini, gykla, virka við til eina løgna søgu, og so fer hann at syngja nakrar spildurnýggjar barnasangir. Barnasangirnir eru um dagarnar í vikuni og um ein fittan hund, sum rýmdi norð í Hvannasund, og eitt fitt mæ, ið fór til Selatraå. BuuBuu kemur á ein litríkan og stuttligan hátt at seta sín dám at at børnini, og familjurnar á Summarfestivalinum fáa eina ógloymandi løtu. Hvat ið fer at henda veit ongin við vissu. Men øll kenna Trølla Pætur og ta garrvillu Ommuna, og har tey eru kann alt henda. Og oftani er tað við buldur og brak. Um tey fara at syngja, spæla rock and roll ella og finna heilt annað fáa vit at síggja, tá ið stuttligu og populeru trøllini trína fram á pallin á Vágsbøi til stóra barna og familjukonsert leygardagin klokkan 16.