mánadagur 30. juli 2012síða 20

Mánadagur 30. juli 2012 · Nr. 87 20 Sosialurin Hugskot og viðmerkingar – send sms til 225000 Ítróttarblaðið Seks sigrar endaðu í høvuðsstaðnum Kappróður Veteranarnir vunnu, 6-mannaførini vunnu, dreingirnir vunnu, og genturnar í barnaróðrinum vunnu Jóannes Hansen Leingi varð hildið – og tølini søgdu tað eisini - at talan var um rættuliga soltið róðrarár hjá høvuðsstaðnum. Tað hevur mangan runnið meiri gull í kassan hjá Havnar Róðrarfelag, sum er størsta og sigursríkasta felagið av øllum, enn tað hevur gjørt i ár, og onkuntíð hevur tað roynst betri hjá bæði Argja Róðrar­ felag og Róðrarfelagnum Knørri, enn tað hevur gjørt í ár. Men nú punktum er sett fyri kappróðrinum í 2012 vísa tølini, at fleiri FM heiti eru vunnin til høvuðsstaðin: 6-mannafarið Lómur hjá Argja Róðrarfelag er suverenur meistari, og dreingirnir á Drekanum hjá Havnar Róðrarfelag vunnu tøttu FM kappingina ímóti Jallinum hjá Róðrarfelagnum Knørri. Jallurin er sera sannførandi FM vinnari í barnakappingini hjá gent­ um. Tað restaði bara eitt stig í fulla úrtøku, og á Ólavsøku var Jallurin tvey sekund undan Huldu, og so vann Havnar Róðrarfelag báðar veterankappingarnar. Í master kappingini millum 10-mannaførini vann Havnarbáturin allar tríggjar róðrarnar, og í master kappingini millum 6-mannaførini við kvinnum varð Lómur hjá Argja Róðrarfelag meistari. Á Ólavsøku var tað annars Gongurólvur hjá Havnar Róðrarfelag, sum var fyrst­ ur á mál, og Lómur endaði eisini aftanfyri Sølmund. Kortini gekk tað akkurát hjá Lómi at vinna FM. Og so megnaðu kvinnurnar á Herningi at vinna gullmerkini á Ólavsøku. Drekin Treytin var tann, at Drekin skuldi vinna seg framum Jallin. Um tað eydnaðistg, so var tað nóg mikið at vinna FM. Tað eydnaðist Drekanum at vinna. Hann legði seg á odda beinanvegin, og tað endaði við trivaligum sigri. Drekin vann fyri fjórðu ferð, og á Ólavsøku var tíðarmunurin aftur til Jallin størri, enn hann hevur verið í undanfarnu kappingum. Undanfarnu ferðirnar hava vest­ mannadreingir umborð á Havfrúnni verið um reppið at tikið Jallin. So­ leiðis var tað eisini hesa ferð, men tað gekk heldur ikki hesa ferð. Drekin var fremstur, tá ið bát­ arnir komu á Molan, og síðani øktist munurin stútt og støðugt. Á máli­ num var Drekin tað mesta av tveimum bátslongdum undan Jalli­ num. Harvið endaðu báðir bátarnir við sama stigatali, og tí var tað ólavsøkusigurin hjá Drekanum, sum var avgerandi fyri, hvør skuldi vinna FM. Lómur Sólskinssøgan um menninar um­ borð á 6-mannafarinum á Argjum endaði soleiðis, sum hon byrjaði á Norðoyastevnu. Báturin, sum ongantíð hevur vunnið nakran róður, og sum tað ikki varð roknað við nakrantíð fór at vinna nakran róður, gjørdi bart. Lómur vann á Norðoyastevnu, Lómur hevur vunnið allar hinar róðrarnar, og á Ólavsøku var Lómur aftur sannførandi vinnari. FM heitið varð vunnið við átta stigum aftur til Riddaran, sum var næst­ bestur. Fyrra helmingin av teininum bjóðaði Riddarin úr Miðvági ordu­ liga av. Riddarin var tað mesta av einari hálvari bátslongd framman­ fyri, tá ið startspurturin var gott og væl av. Men so fór at styttast, og á Molanum vóru bátarnir stavn um stavn. Síðani gekk tað bara ein veg: Lómur legði seg á odda og økti stútt og støðugt um leiðsluna, og á málinum vóru argjamenn væl meiri enn eina bátslongd frammanfyri Riddaran. Herningur Tað var ikki lukkuligt, sum Hern­ ingur hjá Róðrarfelagnum Knørri leikaði í. Knørrakvinnurnar, sum áður hava vunnið so nógv við Jarnbardi, gjørdu orduliga bart, tá ið tær vunnu við meiri enn hálvari aðrari bátslongd. Meistararnir á Páll Fanga hava vunnið allar róðrarnar fyrr í summ­ ar, men í dag royndist tað ikki so væl. Páll Fangi fekk ikki so góðan start. Tað eydnaðist tó bátinum úr Klaksvík at stríða seg av fjórða og aftasta sessinum og fram á næst­ fremsta plássið, sum Páll Fangi vann í tættari kapping við Hvessing og Rádna. Kappróður Lómur vann ein sannførandi sigur á ólavsøku Mynd: Álvur Haraldsen Miðvingur var best av øllum Trý FM heiti fóru vestur eftir – eitt til Miðvágs, eitt til Vestmanna og eitt til Kvívíkar Tríggir bátar vunnu FM við full­ ­um stigatali. Umframt 6-manna­ farið Lóm hjá Argja Róðrarfelag vóru tað 5-mannafarið Hav­ frúgvin úr Vestmanna við kvinn­um og 8-mannafarið Mið­ vingur. Í 50 ár hevur Útvarpssteypið verið handað, og tað verður tað framvegis. Tá ið steypahandanin var eftir róðurin ólavsøkuaftan, handaði Kaj Leo Holm Johanne­ sen løgmaður Útvarpssteypið til 8-mannafarið Miðving. Um fleiri bátar eru javnir í stigum, tá ið róðrarárið er liðugt, so verður steypið handað tí báti­ num, sum hevur víst besta avrikið á Ólavsøku. Henda heiðurin vann Mið­ vingur, sum vann FM við full­ um stigatali. Miðvingur hevur vunnið FM tvær ferðir áður – í 1988 og 1993 – men hetta var fyrsta ferðin, at tað eydnaðist 8-mannafarinum úr Miðvági at vinna meistaraskapin við fullum stigatali. Junkarin Kvívík er gomul kapp­róðrar­ bygd. Kvívíkingur og Junkarin hava vunnið nógvar sigrar og FM heiti. Í ár hevur tað verið dreingja­ manningin í barnaróðrinum, sum hevur drigið gull og skreyt til Kvívíkar. Junkarin hevur vunnið allar róðrarnar, og allar ferðirnar hevur tað verið í tættari kapping við Fípuna Føgru úr Klaksvík. Tí var tað longu undan Ólavsøku greitt, at FM gullið fór til Kvívíkar. Klaksvíkingar hava hildið seg havt møguleika at vinna hvørja ferð, síðani teir á Norð­ oyastevnu orduliga vórðu sett­ ir upp á pláss, men Junkarin hevur støðugt megnað at hildið tørn um oddasessin. Ólavsøkuaftan megnaði Fípan Fagra at taka Junkaran og harvið at vinna fyri fyrstu ferð í ár. Havfrúgvin Kvinnurnar úr Vestmanna hava verið sera sannførandi alt kappingarárið, og heldur ikki í ólavsøkuróðrinum var nakar slingur í valsinum hjá teimum úr Vestmanna. Havfrúgvin legði seg fram­ um kappingarneytarnar bein­ an­vegin, og hvíti báturin við grøna stokkinum og gulu rond­ ini helt tørn um odda­sessin allan tann stutta róðrarteinin. Tá ið bátarnir fóru framvið Molanum varð munurin aftur til næstu bátarnar stútt og støðugt øktur, og á málinum var Havfrúgvin tað mesta av tveimum bátslongdum fram­ manfyri Blik av Argjum, sum allar sey ferðirnar hevur vunn­ ið silvurplássið. Miðvingur Undan ólavsøkuróðrinum var tað ávísur spenningur um, um tað fór at eydnast Miðvingi eisini at vinna síðsta róðurin, ella um tað fór at eydnast onkrum av avbjóðarunum at gera bart. Argjabáturin hevur verið fremsti avbjóðarin mest sum alt kappingarárið. Upp undir Ólavsøku vórðu Kvívíkingur og Nevið Reyða nevndir sum møguligir out­ sidarar, men tá ið alt kom til alt, so var tað eingin, sum skalaði Miðving. Hann var meiri enn eina bátslongd undan næsta avbjóðaranum. Nevið Reyða var væl við og eina løtu á odda, og tað eyd­nað­ ist Nevinum, sum var mannað við royndum rógvarum, ið áður hava eitt nú verið við Klaks­ víkingi, at vinna tøttu kapp­ ingina um næstfremsta plássið við Argjabátin og Kvívíking.