mánadagur 30. juli 2012síða 24

Mánadagur 30. juli 2012 · Nr. 87 24 Sosialurin Hugskot og viðmerkingar – send sms til 225000 Ólavsøkan í myndum Ólavsøkan gekk væl Um niggju tíðina í morgun fóru tær sein­ astu leivdirnar av ólavsøkuni heim at leggja seg. Tá vóru fólkini í reinhaldinum hjá Tórshavnar kommuna fyri langari tíð síðan farin til verka at rudda býin aftur, við góðari hjálp frá ungdómi í arbeiði. Ólavsøkutiltøkini eydnaðust sum heild væl, og nógv fólk var í býnum bæði fríggja­ kvøldið og ólavsøku­dagarnar. Hóast ovurhonds nógv hevur verið at gjørt hesar dagarnar letur politiið væl at. Flestu uppgávurnar hava verið at fara út at taka avdottin fólk upp, og í nøkrum førum varð ringt eftir sjúkrabili, tí fólk vóru dottin í fylsskapi og fingið smærri snuddir. – Samarittarnir hjá Reyða Krossi vóru okkum ein ómetalig stór hjálp, sigur vaktleiðarin hjá politinum í dag. Samarittarnir tóku sær av øllum, sum ikki orkaðu at standa á beinunum í miðbýnum. Tey hjálptu teimum á føtur, og nøkur vórðu tikin við til hølini hjá Reyða Krossi at hvíla seg eina løtu. Politiið var aðrastaðni og tóku upp avdottin fólk, sum vórðu koyrd heim. Sunnunáttina gistu fýra fólk í brum­ mu­ni, ein í nátt. Tað heldur politiið ikki vera nógv. Talið hevur verið fallandi sein­astu árini og vísir hóast alt, at tey flestu duga betur at drekka nú. Bara eitt harðskapsmál var á ólavsøku. Tað var seinastu nátt, tá ið ein varð sligin og misti eina tonn. Politiið veit, hvør sló, og viðkomandi verður skuld­ settur fyri harðskap. Sunnunáttina var eitt innbrot á Venj­ ingarskúlanum, har ein 18 ára gamal maður varð sæddur fara avstað við teldu­ ­útgerð. Hann varð tikin beinan­vegin. Systrarnar báðar í føroyskum klæðum Havnar kirkja var fullsett, langt áðrenn prestarnir, løg­tingsfólkini og lands­ stýrisfólkini komu Løgtingsformaðurin Jógvan á Lakjuni Børnini hugnaðu sær óført Ikki øll hildu ólav­søku­røðuna vera líka spennandi