leygardagur 13. mars 2004síða 24

46 Nr. 51 - 13. mars 2004 Nr. 51 - 13. mars 2004 47 Innilæstar vakurleikadrottningar Nýggi leikurin hjá Grímu, Vakurleika- drottningin úr Lee- nane, er ein tikkandi bumba sum hóttir við at bresta heima hjá tær sjálvum SJÓNLEIKUR Anna V. Ellingsgaard ave@post.olivant.fo "At skriva sjónleikir er eitt slag av tignarligum ar- beiðsloysi", sigur unga, írska leikskaldið Martin McDonagh. Ella segði, áðrenn heimurin fekk eyguni upp fyri hansara skaldagávum, og hann gjørdist eitt av heimsins mest lovandi leikskøldum í nýggjari tíð. Soleiðis gongur tað í ævintýrum, men ikki í sjónleikunum hjá McDon- agh. Har verður tað við dreymin um stóra kærleik- an, eydnuna og at sleppa burtur. Tignarligur blørðubruni Vit eru í lítla køkinum í lítla húsinum í lítlu írsku bygdini Leenane. Her ganga tey fýra Mag, Maureen, Pato og Ray og mala runt í hvør sínum lítla heimi, har tey hvør sær hava útnevnt seg sjálvan til heimsmeistara. Blørðu- brunin hjá gomlu Mag hevur eina serstaka tign yvir sær, piparmoyggin Maureen er Øskufían sum bíðar eftir prinsinum, Ray er týdningarmikli boðberin av slatri og fríggjarabrøv- um, og Pato kallar sína hálvsvøku piparmoyggj vakurleikadrottning. So- leiðis gera tey øll neyðsýn til dygd, tí so sleppa tey undan at royna nakað nýtt. At yvirliva sum innilæstar vakurleikadrottningar er betri, enn als ikki at yvir- liva. Í bakgrundini hoyra vit lagið "Spinning Wheel". Lívið melur í klingur, inntil Pato órógvar rútmuna eina løtu og fær lívið hjá hinum trimum at mala um seg og dreymin um at sleppa burtur frá sær sjálvum og sínum leiklutunum. Lat upp for fanin! Men trongdin at halda hvør øðrum fast í hesum leik- lutum er sterkari enn dreymurin um, at okkurt nýtt skal henda. Tú veist, hvat tú hevur, men ikki hvat tú fært so best man vera at verða verðandi her. Og møðgurnar Mag og Mau- reen hava hvørja aðra. Mag gevur dóttrini støðuga ringa samvitsku fyri ikki at hava nóg stóra viðring fyri henn- ara sjúkum, og Maureen gevur mammuni skyldina fyri at hon ongan sjeik hevur. Soleiðis halda tær hvørja aðra sum gíslar í einum spæli, har fígginda- skapurin teirra millum er høvuðsreglan, sum skal káva út yvir, at spælið snýr seg um nakað heilt annað. Á sama hátt sum smarta kaskettin og stóru orðini hjá Ray káva út yvir eitt bygdafrell og slatrivætti, sum onki fær í lag. Tað er so deiligt at standa og skrála "Lat so hesa hurðina upp, for fanin", tá tað bara er hurðin inn í trygga lítla heimin hjá Mag og Maure- en og ikki út í stóru verð, man buldrar á. Avdúking Leikskaldið McDonagh hevur eitt serligt hegni at eyðgleiða typir, vit øll kenna, uttan at gera tær til keipumyndir. Niðriundir søgugongdini og persónun- um fjalir seg ein røð av øðrum søgum og persón- um, sum spakuliga fáa myndina at støkka sundur. Tað, sum við fyrsta eygna- brá, er so einfalt, at tað ríður á markinum til tað keðiliga, verður ein tikk- andi bumba, og Vakurleika- drottningin úr Leenane er onki undantak. Tikkandi bumbur er onki nýtt fyri áskoðarar. Vit mest sum vænta tað. Men vit vænta ikki, at tær bresta inni hjá okkum sjálvum, og tí skakar Vakurleikadrottn- ingin teg meir, enn tú vilt verða við. Leenane kundi verið tín heimbygd, og Mag minnir teg ivaleyst um ommusystir tína. Vit kenna typirnar, umhvørvið og eru øll nóg bygdaslig til at duga reglarnar, sum fáa spælið, vit øll spæla, at síggja út sum okkurt annað. Martin McDonagh hevur gjørt tað til sína sergrein at avdúka spælið og okkum øll. Og Gríma hevur tikið avdúkingina eitt hóttandi fet nærri okkum sjálvum við Vakuleikadrottningini úr Leeane, sum verður frumframsýndur næsta leygardag kl. 19. Leikarar: Maureen: Ria Tórgarð Mag: Laura Joensen Pato: Kári Øster Ray: Hans Tórgarð Egi Dam hevur leikstjórnað og týtt leikin og Eyðun Jóhannesen, og Kári Øster hava staðið fyri pallmynd- ini. Búi Dam hevur gjørt írska eyðkennislagið til leikin Ria Tórgarð sum piparmoyggin og Kári Øster sum heimafturkomni verðismaðurin Mynd: Anna V. Ellingsgaard Piparmoyggin og riddarin av tí Hvíta hestinum Mynd: Anna V. Ellingsgaard TÍÐINDASKRIV Borgarar í Tórshavnar kommunu hava tikið stig til at savna inn undirskriftir ímóti ætlanini at flyta tey meira enn 100 ára gomlu húsini hjá Anton Degn, Degn´s Hús, á Tinghúsveg- num og í staðin byggja eini miðbýarhús í fimm hædd- um. – Vit halda, at hesin bygningurin fer at mis- prýða umhvørvið við Ting- húsvegin, Tinghúsvøllin, Tinghúsið og Vaglið og mæla tí frá, at Tórshavnar býráð gevur byggiloyvi til ætlanina, sigur Ingi Mohr, fyrrverandi býráðslimur. Hann er ein av teimum, ið hevur tikið stig til at savna undirskriftir fyri at mót- mæla ætlanini. Ístaðin verður mælt til at fríðka og varðveita hugna- liga umhvørvið í hjartanum í høvuðsstaðnum, Tí Dei- ligu Havn. Bløð at skriva undir áheitanina til Tórshavnar býráð liggja frammi frá 12. til 20 mars í handlum, kioskum, bensinsølum, tænastustovnum, kaffístov- um og aðrastaðni. Fyri stigtakararnar Ingi Mohr TÍÐINDASKRIV Seinastu árini er tað blivið alsamt meiri vanligt, at føroyingar velja at ættleiða børn úr útlondum. Fyri bæði foreldur og børn byrj- ar ein nýggj tilvera saman, sum í onkrum lutum brýtur frá tí hjá "vanligum" før- oyskum familjum. Ætt- leiddu børnini koma frá ymiskum londum og eru ymisk til aldurs, tá tey koma til Føroya og hvørt einstakt hevur sína bak- grund og viðføri frá lívin- um, áðrenn tey blivu ætt- leidd - hetta kann vera meiri og minni kent. Leygardagin 3. apríl frá kl. 9 til umleið kl. 17 verður fjølbroytt tiltak fyri bæði børn og vaksin í leguhúsunum í Nesvík. Málbólkurin eru familjur við ættleiddum børnum, ættleidd ella tey, ið ætla at ættleiða. Umframt at hava stovnandi fund av føroysk- um ættleiðingarfelag, verð- ur hetta eisini ein hugna- dagur við ymiskum á skránni, og ein góður møguleiki at tosa saman. Okkurt verður fyri børnini - spøl, sangur o.a. Fyri tey vaksnu verður umframt fundin viðkomandi fyri- lestur v.m. Ætlanin er, at felagið á fjølbroyttan hátt skal verða við til at samskipa felags áhugamál hjá limunum. Tað kann verða við hugna- løtum, fyrilestrum, upp- lýsing um ættleiðing, net- verki, umboðan mótvegis myndugleikum o.s.fr. Tað er ein mammubólkur í Havn, sum hevur tikið stig til tiltakið. Fyrsta stigið varð tikið í mai mánaða í fjør, tá ein fyrireikandi fundur varð hildin í Komm- unuskúlanum í Havn. Á hesum fundinum varð ein fyrireikingarbólkur mann- aður, og hava tey arbeitt við ymiskum ætlanum viðvíkj- andi stovnanini av felag- num - hesum fara tey at greiða nærri frá hendan dagin. Fyrireikarnir vóna, at nógv fara at vísa tiltakinum áhuga og at eitt føroyskt felag fyri ættleiðing fær eina góða byrjan. Tilmelding og møguligir spurningar hjá Anniku tlf. 310 649 ella Nitu tlf. 312 705. Freistin at tekna seg er sunnudagin 21. mars. Vaksin 200 kr., børn ókeypis. Morgunmatur, døgurði og millummál er við í luttøkugjaldinum. Mikukvøldið fekk løg- reglan fráboðan um rok á Vertshúsinum, og í samráð við starvsfólkið máttu politistarnir lata staðið aftur av trygdaráðum. Eingin kom til mein í bar- daganum, og málið verður nú kannað Tey, sum mikukvøldið høvdu leitað sær oman í Vertshúsið í miðbýnum í Havn, fingu alt annað enn eitt hugnaligt kvøld, hóast dramatikkinum ikki bilti nakað. Fyri einstakar kund- ar á Vertshúsinum hetta kvøldið gjørdist blóðið í so heitt, og úrslitið var, at farið varð til hendurs inni á sjálvum Vertshúsinum. Sambært øðrum stjóranum, Óla Svend Nolsøe, komu sjey mans inn og vildu kon- frontera onkran av kundun- um við okkurt, men løg- reglan fekk beinanvegin skil á støðuni. Løgreglan fekk fráboðan um 11 tíðina mikukvøldið, og í samráð við starvsfólk varð av trygdaráðum av- gjørt at evakuera og lata staðið aftur. Rokið var tó ikki størri enn so, at tveir løgreglumenn megnaðu at fáa tamarhald á støðuni, og tíbetur var eingin skaði av bardaganum á Vertshúsin- um. Løgreglan upplýsir, at málið nú verður kannað, bæði við ljósi varpaðum á einstaklingarnar, sum voldu ófriðin, men eisini á Vertshúsið, sum við lóg hevur skyldu at varðveita húsfrið og hava trygdina í hásæti. Kundi hent sunnudag í kirkjuni Annar stjórin á Verts- húsinum, Óla Svend Nolsøe, sigur, at slíkum er ein verjuleysur fyri. - Slíkar hendingar kunnu tað saman fara fram sunnu- morgun í kirkjuni, og talan var um vanligan vertshús- ófrið uttan nakað álvar- samt, sigur Óla Svend. Eingin kom til skaða, og einki brotnaði inni á Verts- húsinum. HíS Nei til miðbýarhús við Tinhúsvegin! – Varðveitið Degn´s Hús Føroyskt ættleiðingarfelag verður nú stovnað Rok á Vertshúsinum C M Y K 47 46 HAVNAR BIO Tlf. 31 19 56 www.bio.fo Leygardagin 13.03.kl. 2100 Leygardagin 13.03.kl. 2330 Sunnudagin 14.03.kl. 2000 Sunnudagin 14.03.kl. 2230 Billettprísur: 65,- kr. Leygardagin 13.03.kl. 1630 Leygardagin 13.03.kl. 1845 Sunnudagin 14.03.kl. 1700 Sunnudagin 14.03.kl. 1830 Leygardagin 13.03.kl. 1900 Leygardagin 13.03.kl. 2115 Sunnudagin 14.03.kl. 2045 Leygardagin 13.03.kl. 2315 Sunnudagin 14.03.kl. 2300 Billettprísur: 45,- kr. Leygardagin 13.03.kl. 1700 Sunnudagin 14.03.kl. 1630 – Seinasta sýning Frumsýning Fríggjadagin 23.04. kl. 1800 Fríggjadagin 23.04. kl. 2045 Fríggjadagin 23.04. kl. 2330 Leygardagin 24.04.kl. 1800 Leygardagin 24.04.kl. 2045 Leygardagin 24.04.kl. 2330 Sunnudagin 25.03.kl. 1700 Sunnudagin 25.03.kl. 1945 Sunnudagin 25.03.kl. 2230 Mánadagin 26.04.kl. 1700 Mánadagin 26.04.kl. 1945 Mánadagin 26.04.kl. 2230 Týsdagin 27.04.kl. 1700 Týsdagin 27.04.kl. 1945 Týsdagin 27.04.kl. 2230 Mikudagin 28.04.kl. 1700 Mikudagin 28.04.kl. 1945 Mikudagin 28.04.kl. 2230 Hósdagin 29.04.kl. 1700 Hósdagin 29.04.kl. 1945 Hósdagin 29.04.kl. 2230 Forsølan er byrjað KOMANDI FILMUR Leygardagur kl. 19.05: »Mary Celeste« – ein gáta av havinum Ein dagin í november í 1872 fór amerikanska briggin »Mary Celeste« úr New York við kós ímóiti Gibraltar-sundinum. Tríggjar vikur seinni varð skipið funnið rekandi norðan fyri Azorurnar. Tað vísti seg, at skipið var mannleyst, og hetta gjørd- ist byrjanin til eina sanna gátu. Sunnudagur kl. 14.15: Framvið ánni Jógvan Gerðalíð Tað eru ikki so nógv ár síð- an, Klaksvíkin ikki var býur. Men nú er alt broytt. Í hesi sendingini fer Jógv- an Gerðalíð at greiða frá gomlum býlingum og hendingum framvið Borð- oyavík. Fyrra sending. Leygardagin kl. 17: Sjómansend- ingin Vitin Í hesari aðru sendingini av hinari kanarisku oynni Tenerife, hoyra vit m.a. um, hvønn týdning hetta oyggjalandið í Atlantshavi hevði fyri rannsóknar- og handilsferðirnar hjá spani- ólum og øðrum sjófarandi londum á sinni. Eisini eru vit við, tá ið M. C. gongur og roynir at slota seg fram á slóðina hjá eini eldri havnakonu, sum vegna heilsusakir heldur til her suðuri í hitanum ein rúman part av árinum. Læknin, Rodmundur í Liða sleppur at spæla eitt- hvørt slag av náttarravni, og tónleikurin í sendingini er merktur av hugadámi- num um tað æviga várið í Himmiríki. Endursent verður sunnu- dagin kl. 15 og hósdagin kl. 16.