mikudagur 1. august 2012síða 14

Mikudagur 1. august 2012 · Nr. 88 14 Sosialurin Hugskot og viðmerkingar – send sms til 225000 Nøvn 24. juni fylti Elsebeth Malena Syderbø í Klaksvík 90 ár. Hóast nakað av tíð er liðin, vil eg fegin koma við einari heilsan og siga nøkur orð um hesa stillføru álitiskvinnu. Lena, sum hon vanliga verð­ur nevnd, er ættað úr Kun­oy. Dóttir Siggu Malenu og Dánial Julius Poulsen. Hon var bert níggju ára gomul tá pápin doyði av lungnabruna, og tað kom at merkja hana alt lívið. Tey vóru níggju systkin. Fimm beiggjar og fýra systrar. Lena er elst av systrunum, og tí kom nógv at hvíla á hennara herðum frá barni av. Hon lærdi at binda longu níggju ára gomul og m.a. bant hon teimum eldru beiggjunum nógv hosupør, tá teir skuldu til skips. Hon var mammuni Siggu ein stór hjálp. Sum ung tænti Lena á Før­ oya Fólkaháskúla í Havn. Her hevði hon eina góða tíð, hóast ófriðartíð var. Hon plagar at greiða frá, tá bumbað varð í Sandagerði. Og hon tosar eisini mangan um fólkini, sum myndaðu Háskúlan, Ras­mus Rasmussen, Símun av Skarði og konuna Sonnu. Tað krógvast ikki, at hon hevur sera stóra virðing fyri teim­um fólkunum. Lena giftist við Johan Syd­ erbø, sum eisini var kun­oy­ ingur og tey fingu mong góð og rík ár saman. Níggju eru børnini: Dánial, Jonly, Sigurd, Hemming, Jógvan, Birgir, Pavla, Jørleiv og Frank. Og tað hevur sanniliga fruktað væl. Ommubørnini eru 30 í tali og langommubørnini 24. Johan doyði fyri 10 árum síð­ ani. Stutt eftir at tey vóru gift, bygdu Lena og Johan sær hús á Stongunum í Klaksvík. Har hevur gestablídnið altíð verið avbera stórt, og orðatakið um hjartarúm og húsrúm kann av sonnum verða brúkt um hetta heimið. Umframt tað stóra húskið, búðu stundum onnur í familjuni eisini her. Lena røkti heimið til fulnar, og tað gjørdi, at maðurin Jo­ han kundi leggja alla orku í at skaffa teimum dagliga breyðið í munnin. Lena býr framvegis í heim­ inum á Stongunum. Hon fylg­ ir framvegis væl við í øllum viðurskiftum í samfelagnum. Hon situr undir hvørjari røðu í Løgtinginum, tí er Ting­ið saman, er Tingvarpið frá í stovuni hjá Lenu. Og tá hennara viðmerkingar falla, er lítil ivi um hennara politiska lit. Hon er eitt brenn­andi fullveldisfólk. Lena hevur sera gott minni. Hon minnist hvønn tann ein­asta føðingardag, brúd­leyps­dag og aðrar merk­ is­dagar í familjuni. Tað andaliga fyllir nógv. Lena hoyrir hvønn tann ein­ asta morgunlestur í Út­varp­ inum. Stundum lurtar hon bæði fyrru ferð og seinnu ferð hann verður sendur. Men tað er fast, at klokkan fimm minuttir yvir 10 situr hon við blýanti og pappíri, klár at skriva sálmanummrini niður, og so syngur hon við av fullum hjarta. Tað ger hon eisini, tá guðstænasta er í Útvarpinum sunnumorgun. Og í sjónvarpinum fer heldur ikki ein guðstænasta aftur við borðinum. Og sunnudag hyggur hon eisini eftir DR- kirken í DR1. Hóast Lena sum sagt hevur búð í Klaksvík í mong ár, hevur hon framvegis eina serliga kenslu fyri heim­ bygdini Kunoy. At fara í kirkju í Kunoy sigur henni nakað heilt serligt, og hon setir seg altíð í bonkin, har húskið plagdi at hava sítt fasta pláss. 90 ára føðingardagurin fall á ein sunnudag, og tí var tað náttúrligt, at Lena og hennara kæru byrjaðu stóra dagin við at fara í kirkju í heimbygdini hjá føð­ ingardagsbarninum. Hendan dagin prædikaði viðar­eiðis­ prestur Kirsten Donskov Felter, og føðingardagsbarið fekk eisini eina heilsan í sjálv­ari prædikuni. Eftir guðstænastuna varð døgurði fyri teimum nærm­astu í bygdarhúsinum í Haraldssundi. Og klokkan fýra var opið hús har. Mong, skyldfólk og kenningar, nýttu høvi at koma at heilsa upp á føðingardagsbarnið. Og hóast Lena ger lítið burtur úr sær sjálvari, so er hon ógviliga glað fyri dagin. At enda vil eg takka Lenu Syderbø fyri nógvar góðar løtur, og vónandi verða tær nógvar afturat. vinur Lena Syderbø, Klaksvík, 90 ár 90 ára føðingardagur Hósdagin 23. august verður Arnhold Olsen úr Fuglafirði, búsitandi á Skála, 90 ár. Dagurin verður hildin kl. 19 í bygdarhúsinum í Leirvík. Tey, sum vilja halda dagin saman við føðingardagsbarninum, verða biðin um at siga frá á tlf 441252 innan 16. august. 90 ára føðingardagur Tað hevði glett meg at hitt familju, vinir og kenningar á 90 ára degi mínum tann 4. aug. Frá kl 18.00 til 23.00 eri eg stødd í húsum Kongs­havnar Kvinnufelags á Glyvravegi 4 á Glyvrum. Tit eru vælkomin, men vinarliga sigið mær frá á tlf. 22.31.81 ella 58.44.73 í sein­asta lagi 1. aug. Vinarliga Betta Eið, Nes Hvalba Gullbrúdleyp Leygardagin hin 4. august 2012 hava Elsebeth og Niels Pauli Danielsen verið gift í 50 ár. Í tí sambandi verður opið hús í Leguhúsinum í Nesvík frá kl. 14, hvar ið øll eru vælkomin. 80 ára føðingardagur Hósdagin 2. august fyllir Gerda Petersen úr Norðragøtu, búsitandi í Esbjerg, 80 ár. Dagurin verður hildin saman við børnum við familju. Føðingardagin er Gerda stødd hjá dóttirini Joan Joen­sen, Merkurvænget 5, 6710 Esbjerg V.