fríggjadagur 3. august 2012síða 47

nr. 89 · 3. august 2012 15 Gongdin í málinum: 04.11.2011 Sambært løgregluni er einki frætt frá Dánjal Petur Hansen, eisini nevndur Piddi, síðani fríggjanáttina umleið klokkan 3. 08.11.2011 Løgreglan eftirlýsir Pidda umvegis fjølmiðlarnar. 12.11.2011 Løgreglan gevst at leita eftir Pidda. Skálafjarðar Sløkkilið heldur tó fram at leita 14.11.2011 Kriminalteknikarar koma til Føroya at gera kanningar í málinum 15.11.2011 Ein 32 ára gamal maður verður handtikin. Løgreglan hevur illgruna um, at hann kann setast í samband við horvna Pidda 16.11.2011 32 ára gamli maðurin verður varðhaldsfongslaður í tvær vikur, skuldsettur fyri manndráp ella í øðrum lagi “harðskap við deyðanum sum avleiðing” 19.11.2011 Arbeiðið við at tryggja tekinsku sporini í málinum endar 20.11.2011 Útvið 400 fólk savnast til minningarhald uttanfyri heimið hjá Pidda í Saltangará 29.11.2011 32-ára gamli maðurin, sum bleiv varðhaldsfongslaður 16. november, játtar sjálvboðin, at varðhaldsfongslingin av honum verður longd við fýra vikum. Síðani tá hevur varðhaldsfongslingin verið longd fýra vikur hvørja ferð 19.12.2011 Løgreglan ger kanningar í Norðoyartunlinum og finnur blóð, ið stavar frá Pidda, aftanfyri ein betongskúr í tunlinum 24.06.2012 Minningarhald fyri Dánjali Peturi Hansen verður hildið í Glyvra Kirkju 18.07.2012 Løgreglan fer undir kanningar í Neshaganum á Toftum í samband við horvna Pidda 30.07.2012 Fýra servandir hundar, ið eru vandir til at finna niðurgrivnar lutir, koma til Føroya í samband við kanningarnar í Neshaganum 03.08.2012 Varðhaldsfongslaði maðurin hev­ ur í dag, fríggjadagin 3. august, sitið varðhalds­fongslaður í 262 dagar Morð í Føroyum Eftir seinna heimsbardaga hava hesir drápstilburðir í Føroyum. 1967: Ein 22 ára gomul norsk kvinna, búsitandi í Havn, verður dripin við skoti av fyrrverandi unnusta sínum, ein 23 ára gamal føroyingur. Drápsgrundin tykist at hava verið øvundsjúka, har maðurin skeyt seg sjálvan eftir drápið og læt eftir seg skilnaðarbræv. 1970: Ein 24 ára gamal føroyingur stingur tvær ungar gentur og ein 30 ára gamlan mann, sum kom gentunum til hjálpar. Hendingin fór fram í Klaksvík, har onnur gentan og maðurin doyðu. 1979: Ein grønlendingur verður stungin til deyðis av nøkrum unglingum uttan fyri TB-húsið á Tvøroyri eitt dansikvøld. 1984: Ein grønlendsk kvinna verður skotin og dripin av unnusta sínum uttanfyri húsini í Kollafirði. Kvinnan sat í bilinum og maðurin fór inn eftir byrsuni og skeyt hana. 1988: Ein ungur maður á Tvøroyri skeyt unnustu sína við byrsu. Málið varð viðgjørt sum eitt sonevnt øvundsjúkumorð. 2005: Ein sálarliga sjúkur maður setti eld í húsini, har hann búði í Sørvági. Bæði hann og mamma hansara doyðu, og er hetta skrásett sum víðkað sjálvmorð. Her verður leitað á brennistøðini í Leirvík fyri at finna spor í málinum um horvna Pidda Savnsmynd