mánadagur 6. august 2012síða 4

Mánadagur 6. august 2012 · Nr. 90 4 Sosialurin Hugskot og viðmerkingar – send sms til 225000 trygging.fo Vit ynskja Pál Joensen góða eydnu við OL luttøkuni í London í summar. Høvuðssamstarvsfelagi hjá Svimjisambandi Føroya Góða eydnu í London, Pál - og góða ólavsøku Svimjisambandið og Tryggingarfelagið misnýta Pál Svimjing Pál Joensen hevur seinastu vikurnar verið í London, har hann hevur luttikið í OL. Men Pál er ein av fáum svimjarum á professionellum støði, sum ikki hevur ein høvuðsstuðul. Hóast tað kann tykjast sum, at Tryggingarfelagið Føroyar er høvuðs­stuðul hjá Pál Joensen, so er tað kortini ikki veruleikin. Trygg­ingarfelagið er høvuðsstuðul hjá Svimjisambandið Før­ oyar, og fær harvið loyvi til at nýta myndir av Páli – uttan at Pál fær eitt oyra fyri ómakin. Barbara Holm Pál Joensen hevur seinastu vikurnar sett Føroyar á heims­ ­kortið, nú hann hevur verið til OL í London. Hóast mynd­ ir av Pál vóru at síggja á nær­ um øllum føroyskum tíð­inda­ portalum, stórskíggjum og bløðum, so hevur Pál Joensen ongan høvuðsstuðul. Fleiri fyritøkur hava verið sera sjónligar í samband við OL luttøkuna hjá Pál – har­ ímillum Tryggingarfelagið Før­oyar, sum hevur havt fleiri lýsingar í bløðunum, á portal.fo og aðrastaðni, har tey vísa eina mynd av Páli, og samstundis ynskja honum góða eydnu. Tryggingarfelagið er høv­ uðs­stuðul hjá Svimjisam­ bandi Føroya, sum hevur giv­ ið Tryggingini loyvi til at nýta myndir av Páli sum teimum lystir – uttan at Pál hevur fingið nakrar pengar fyri hetta. Hetta hevur fingið øði í mong, og ein teirra er Jón Bjarnason, venjari hjá Pál. Hetta er beinleiðis gro­ teskt, og kemur undir mis­ nýtslu av Pál, heldur Jón Bjarnason. Jón Bjarnason visti ikki av hendingini, fyrr enn eitt umboð frá Danska Svimji­ sam­bandið spurdi hann um fíggjarligu støðuna hjá Pál. Umboðið hjá Danska Svim­ji­sambandinum vísti á, at donsku Rikke Møller Ped­ ersen og Jeanette Ottesen, sum svimja fyri danska lands­liðið, báðar eru við í einari lýsing hjá Danish Crown, sum í hesum døgum ynskir teimum hjartans eyd­ nu á OL. Tær báðar fáa eina góða løn fyri hesar lýsing­ arnar. Aðrastaðni kemur tað ikki uppá tal, at professionellir svimjarar skulu stilla upp til myndatøkur og annað, uttan at fáa løn fyri tað, sigur Jón Bjarnason. Eisini formaður í SuSvim Marlon Kjærbo heldur, at Pál er blivin misnýttir hesar dag­ arnar. Eftir hansara tykki er tað Tryggingarfelagið, sum hevur misnýtt Pál, og tað við “good­ will” frá Svimjisambandi­ num. Tryggingarfelagið hevur profilerað seg við Pál Joen­ sen, og Svimjisambandið hev­ur gjørt eitt álvarsamt mistak við at loyva hesum, sigur Marlon Kjærbo. Sambært Marlon Kjærbo er støðan tann, at Pál Joensen ikki hevur fingið nakran per­ sónligan fíggjarligan stuð­ul í samband við OL. Svimjisambandið hevur skyldina Pál Joensen hevur í dag ongan høvuðsstuðul. Eingin áhugi hevur verið fyri at stuðla honum, hóast hann var einasti føroyingurin í OL. Tað er heilt ótrúliga flott av føroyingum, at eingin pri­ vat fyritøka vil stuðla Pál, heldur Kaj Joensen, pápi Pál Joensen, speiskliga fyri. Jón Bjarnason heldur, at Svimjisambandið hevur ábyrgd­ina av, at eingin vil stuðla Pál. Tú kanst gott siga, at Svim­ jisambandið hevur skyld­ina av, at Pál ongan høvuðsstuðul hevur, sigur Jón Bjarnason. Hetta sigur hann, tí hann metir tað verða sera óheppið, at Svimjisambandið kann gera avtalur við sterkar fyri­ tøkur uttanum Pál. Tryggingarfelagið og aðr­ ar fyritøkur stuðla Svimji­ sam­bandinum, og har fáa tær loyvi til at nýta myndir av Pál so galið tær vilja, sigur Jón Bjarnason. Jón Bjarnason heldur, at Svimjisambandið beinleiðis misnýtir Pál, og fær pening inn orsaka av hansara harða arbeiði. Svimjisambandið brúkar ikki pengarnar uppá Pál, og neyvan uppá nakran annan svimjara í Føroyum, so eg ivist í hvat hasir pengarnir yvirhøvur fara til, sigur Jón Bjarnason. Hann leggur aftrat, at eftir hansara tykki eigur hatta málið at enda í rættinum, so ein dómari kann taka støðu til, um Svimjisambandið hev­- ur loyvi til at brúka myndir av Páli, sum teimum lystir. barbara@ras2.fo Tryggingarfelagið føroyar er høvuðssamstarvsfelagi hjá Svimjisambandi Føroya Pál Joensen ol luTTakari Góða eydnu í London, Pál