fríggjadagur 10. august 2012síða 48

nr. 92 · 10. august 2012 16 VIKUSKIFTI www.sf.fo Takk fyri Takk fyri Av fýra ymiskum pallum undirhildu føroyskir og útlendskir tónleikarar í tríggjar dagar á Summar Festivalinum 2012. Vit fingu stórar og lívligar konsertir, vit fingu hugnaligar tónleikaløtur, vit fingu gykl og kæti, vit fingu tað góða og gamla, tað unga og fríska, tað kula og ókenda. Tað hava verið sterkar og vakrar upplivingar og gott undirhald til alla føroysku familjuna. Tað er hugaligt at skipa fyri einum so stórum tónleikatiltaki, har so nógv fólk spæla við, og so uppliva at fólk streyma til festivalin í túsundatali. Veðrið var somuleiðis til vildar og setti serliga góðan dám á tann stórbæra og fólksliga Summarfestivalin. Ein vøkur takkarheilsan til tykkum øll, sum av hjartans huga sungu, undirhildu og spældu á Summarfestivalinum. Til pallsmiðir, tøkningar, eftirlitsfólk, sløkkiliðið, sjúkrahúsið, samarittar og løgregluna. Til øll arbeiðsfólk og skilafólk, sum við góða orðinum og gerninginum royna at gera sítt besta. Til Klaksvíkar Býráð, Kunningarstovuna og Klaksvíkar Havn fyri eitt mennandi samstarv og viljan at hugsa frameftir og lyfta í felag Ein hjartans tøkk til allar ónevndar og ókendar vertir, familjur og húseigarar, sum aftur í ár hava víst hjartarúm og latið dyrnar á víðan vegg fyri festivalgestum. Takk til okkara trúføstu samstarvsfelagar, stuðlar og sponsorar, sum hava lagt lunnar til ein livandi og væl fyriskipaðan festival. Og ein stór og vøkur tøkk til allar festivalgestir, sum hava vitjað og sett dám á býin. Takk fyri nógva tónleikin, sangin, vinarlagið, veitslurnar og ta vøkra samveruna. Takk øll somul fyri eitt minniligt og ríkt vikuskiftið. Takk fyri ein góðan Summarfestival, har tónleikurin skal ljóma og kærleikin blóma! ViT HiTTAST AFTur 8. – 10. AuguST 2013 – Har Hittini Hittast