fríggjadagur 6. juli 2012síða 70

vika 28 l 9. juli 2012 22 Hús & Heim Vikutema Tað eru einans 14 ár, síðan Føroyar høvdu monopol á tryggingarmarknaðinum. Síðani P/F Trygd varð endurstovnað í 1998, er tryggingarmarknaðurin í Føroyum nærum kollveltur. - Tryggingarnar og tænasturnar eru vorðnar munandi betri, samstundis sum kostnaðurin á tryggingum er fallin munandi, sigur 33 ára gamli stjórin í P/F Trygd Vilmund Jacobsen Virkandi stjóri í P/F Trygd er 33 ár gamli toftamaðurin, Janus Thomsen. Vikublaðið hevur spurt Janus, hvør vegurin hjá honum hevur verið fram til stjórastarvið í tryggingarfelagnum. Eins og flestu ungdómar gekk hann tey fyrstu 10 árini í skúla í heim­ bygdini. Seinni gjørdist hann mate­ mat­iskur studentur í Hoydølum. Men 10. floksprógv og students­ prógv er ikki nóg mikið til at gerast virkandi stjóri í tryggingarfelag. Janus Thomsen hevur eisini lisið hægri lestur á Copenhagen Business School, og útbúgvingarligi førleikin hjá honum í stjórastarvinum er tað, sum rópt verður Ha.dat og seinni eisini cand.merc.mcm. Lestur og arbeiði Janus Thomsen var eisini virkin sum ungdómur, meðan hann gekk í fólka­ skúla og miðnámsskúla. Í summar­frí­ tíðini arbeiddi hann á Fiskamarknaði Før­oya, har uppgávan bæði var at landa og skilja fisk. Tá hann var vorðin studentur, gekk leiðin niður til Hull í Onglandi, har hann í eitt hálvt ár arbeiddi á ymiskum verksmiðjum. – Heimaftur komin úr Onglandi fekk eg starv hjá Profa Farvum í Saltangará. Her var eg í stívliga eitt ár, til eg fór niður til Danmarkar at lesa. Í Keypmannahavn starvaðist eg eftir skúlatíð hjá Navi Partner, sum mennir loysnir til bókhaldsskipanina, Navision. Haraftrat starvaðist eg í tvær summarferiur sum avloysari hjá Føroya Banka. Eftir loknan lestur í Keyp­manna­ havn fekk Janus starv hjá Trygd sum marknaðarfólk í februar 2007. – Tey næstu árini tók eg við ábyrgd­ ini av privatkundadeildini og síðani samanløgdu privat-og vinnudeildini. Sostatt fingu vit miðsavna alla sølu og tænastu til bæði privat og vinnu í somu deild, sigur hann. Stór avbjóðing Tað var í mai í 2011, at nevndin í Trygd heitti á Janus um fyribils at taka við sum stjóri til ein varandi loysn varð funnin. Hetta hendi, eftir at táverandi stjórin segði seg úr starvi. – Hetta ljóðaði sum ein spennandi uppgáva, og eg játtaði. Janus Thomsen sigur, at hann trívist sera væl í starvinum, samstundis sum hann viðgongur, at stjórastarvið hevur við sær stórar avbjóðingar. – Jú, uppgávurnar eru spennandi og avbjóðingarnar stórar fyri ein ung­ an mann. Hann leggur dent á, at Trygd hevur nógv sera dugnalig starvsfólk. – Dagliga virksemi við sølu og ráð­geving um tryggingar, um­framt við­gerð av skaðum hvílir á starvs­fólk­ unum, sum hvønn dag gera eitt gott arbeiði fyri at nøkta tørvin hjá trygg­ ingartakarunum. Janus sigur, at sum dagligur leiðari av eini fyritøku er hansara fremsta mál at syrgja fyri, at starvsfólkini fáa røkt sínar uppgávur til fulnar, soleiðis at tey fáa givið viðskiftafólkunum eina so góða tænastu sum tilber. – Hava starvsfólkini tað gott og hava neyðugu amboðini og ar­ beiðsumstøðurnar til at gera eitt gott arbeiði, er lætt hjá teimum at veita eina góða tænastu til viðskiftafólkini, sum soleiðis eisini gerast væl nøgd. Meginparturin av tíðini hjá stjór­ anum fer til at samskifta við leið­ ararnar og starvsfólkini á Trygd, so øll í felag fáa lyft tær uppgávur, sum eru í einum tryggingarfelag. Úr monopolinum – Eg vil lýsa virksemi hjá Trygd sum verandi av serstakliga stórum týdn­ ingi. Tað eru einans 14 ár, síðan Før­ oyar høvdu monopol á trygg­ingar­ marknaðinum. Síðani Trygd varð end­urstovnað í 1998, er trygg­ingar­ marknaðurin í Føroyum nærum koll­ veltur. Janus leggur dent á, at trygg­ing­ arnar og tænasturnar eru vorðnar mun­andi betri, samstundis sum kostn­aðurin á tryggingum er fallin mun­andi. Í dag bjóðar Trygd allar vanligar trygg­ingar, bæði til privata húsarhaldið og vinnulívið í Føroyum. – Vit síggja tað sum eina av okk­ara fremstu uppgávum at veita kapp­ing á tryggingarmarknaðinum hvønn dag og harvið menna bæði okk­um sum tryggingarfelag og trygg­ ingar­marknaðin sum heild. Tað er jú einans við kapping, at tú veruliga mennir teg, sigur stjórin í P/F Trygd, Janus Thomsen. Tað er jú einans við kapping, at tú veruliga mennir teg Kapping skapar menning Navn: Janus Thomsen Aldur: 33 ár Hjúnafelagi: Jóhanna Thomsen Børn: 3 dreingir Starv: Konstitueraður stjóri í P/F Trygd vikustjórin – Eg vil lýsa virksemi hjá Trygd sum verandi av serstakliga stórum týdningi, sigur virkandi stjórin, Janus Thomsen