fríggjadagur 6. juli 2012síða 94

vika 28 l 9. juli 2012 46 Vikutema Vestanstevna Noyddist at flyta til Vágs Hann, ið byrjaði klædnahandilin í Vatnsoyrum, var John Poulsen. Tað gjørdi hann í 1948, sum sostatt er fyri yvir 60 árum síðan. John Poulsen hevur eina áhuga­ verda søgu. Hon byrjar við, at undir krígnum hevði Vatnsoyrar ein heilt serligan leiklut fyri eingilskmenninar. Bygdin varð nevniliga vald at vera ein av høvuðsbústøðunum hjá bretsku hermonnunum, og vórðu mong av húsunum nýtt til at hýsa hermonn­ unum. Av tí sama máttu fleiri fólk í Vatnsoyrum flyta, og John valdi at flyta suður til Vágs, har hann hevði eina systir. Seldi úr egnum sethúsum Tá kríggið endaði í 1945, flutti John aftur til Vatnsoyrar og arbeiddi í byrjanini sum skraddari, ið hann eisini hevði lært til. Trý ár seinni læt hann upp egnan handil í sínum sethúsum, har hann seldi innflutt klæði. Í byrj­anini seldi hann somuleiðis klæði, ið hann hevði skraddað og seymað við síðurnar av tí innflutta. Seinni gjørdust sethúsini ov lítil til økta søluvirksemið, og læt hann í 1968 byggja gula klædnahandilin í Vatnsoyrum, har handilin hevur húsast til tann dag í dag. John Poulsen í dag Fyri 14 árum síðani andaðist John Poulsen, og hava eftirkomarar tikið yvir. Gongdin hevur verið støðug og góð øll árini, og nógv fólk leita sær á gólvið hjá John Poulsen, oyggjafólk sum avoyggjafólk. Øll eiga at fara til Slætta­nesar Føroyingar tíma ikki at gjalda fyri nakað, so tað eru mest útlendsk ferðafólk, sum venda sær til okkara. Soleiðis tekur Anne Sophie Nordendal, leiðari fyri Felagið Vágar, til, sum eisini verður kallað Vága Kunningars­ tova. Nú summarið er í hæddini, hava kunningarstovurnar kring landið nógv at gera. Øðrvísi er tað ikki við kunningarstovuni í Vágunum. – Okkara arbeiði er í stuttum at kunna og menna ferðavinnu­tiltøk í Vágunum, sigur Anne Sophie. – Vit hava serstakliga nógv at gera nú fyri tíðina. Eitt nú orðna og samskipa vit bílegg­ingar av ferðum, gisting, ból og biti og annað, sigur Anne Sophie. Mykines nummar 1 Sambært Anne Sophie er tað serliga eitt ferðamál, sum slær øll hini um at vera mest um­tókta ferðamál. Talan er sjálv­sagt um fuglaparadísið Myki­nes. – Tað er eingin ivi um, at Mykines er staðið, har flest ferða­ fólk velja at fara til. Tá hugsi eg mest um útlendsk ferðafólk, tí føroyingar vilja helst ikki gjalda fyri nakað, sigur Anne Sophie flenn­andi. – Men tá skal tað so eisini sigast, at nógvir føroyingar velja at gera sær dælt av okkara tilboði at fara út til Tindhólm, sigur Anne Sophie. Kvøldsólin sum úr ævintýri Eitt av undirfeløgunum hjá Felag­ num Vágar er Vága Gongu­felag, sum í síðstu viku var ein langan túr. – Túrurin í síðstu viku var stutt sagt av eini aðrari verð. Vit gingu Norðri á Fjøllum, og vóru vit 44 í tali. Talan var um ein strævnan túr, men sam­stund­is ein heilt eina­ standi vakran túr. Staðið, vit gingu til, kallast Urðargjógv, og hava miðvingar seyð har. Vit sótu og nutu kvøldsólina fara niður, og sjónin var eins og tikin úr fagr­asta ævintýri, sigur Anne Sophie og viðmælir øllum føroyingum at gera meira burt­ur úr at vitja okkara heimland. – Um eg skal viðmæla føroy­ ingum ein ávísan túr, so er tað at fara til Slættanesar. Har eiga allir føroyingar at hava verið, tí ikki er túrurin einans framúrskarandi, men hann er eisini gjørligur fyri so at siga øll, ið eru gongufør, sigur Anne Sophie. Opna postrutuna aftur Fyri seks árum síðan opnaði gása­ dalstunnilin, og fyri nøkrum árum undan varð postrutan millum Bø og Gásadals niðurløgd. – Um alt gongur sum ætlað, so vóna vit, at tað fer at vera gjørligt at opna gomlu postrutuna aftur um ikki ov langa tíð. Hetta er ein fittur og søguligur túrur, sum tekur einar 2-3 tímar at ganga. Men inntil ta tíð vóna vit, at ferðafólk – føroysk sum útlendsk – fara at gera enn meira nýtslu av tilboðunum frá Felagnum Vágar, sigur Anne Sophie Nordendal smílandi. Vilmund Jacobsen Turid Gaardlykke Davidsen í Sandavági hevur selt skógvar í fimm ár. Handilin, sum kallast Pastell, er í kjallaranum í sethúsunum á Sondum 19 í Sanda­ vági. – Handilin liggur væl fyri inni í bygd­ini, og eg haldi, at sølan yvirhøvur gongur væl. Hon heldur ikki, at neyðugt er hjá fólki, sum mangla skógvar, at fara av bygdini at keypa, tí hon hevur skógvar bæði til kvinnur, menn og børn – ja, til allar aldursbólkar. Langur leygardagur – Nú vestanstevna stundar til, fáa viðskiftafólk, sum keypa sandalur og ballerina-skógvar hjá okkum, 25% í avslátri alla vikuna. Haraftrat fara vit at hava opið frá klokkan 10-20 leygardagin á vestanstevnu, og tá verður tilboðið eisini galdandi. Áðrenn vit fara til skógvamerkini, sum Turid selur, kunnu vit nevna, at hon øll árini eisini hevur selt kurvar við góðgæti og kaffi, sum verður malið úr heilum kaffibønum. – Eg keypi góðgæti úr útlandinum og pakki tað í kurvar eftir ynski hjá teimum sum keypa, sigur hon. Ymisk skógvamerki Turid Gaardlykke Davidsen selur fleiri ymisk merki av skóm. – Til kvinnuna havi eg eitt nú skógvar av merkjunum, gabor, marco tozzi og duffy. Til menn havi eg merkini, andre, cavalet og britich kniths – og til børn eru merkini eitt nú kangaroos, viking, kennedy og primigi. - Jú, eg eri væl nøgd við gongdina, og eg vænti nógv fólk inn á gólvið, nú vestanstevna verður næsta vikuskifti, sigur Turid Gaardlykke Davidsen, sum eigur handilin Pastell í Sandavági. Guli klædnahandilin hjá John Poulsen Vatnsoyrar er nokk kendast fyri leguhúsið Zarepta og fyri at vera einasta bygd í Føroyum uttan útsýni yvir hav. Men Vatnsoyrar hevur tó annað at bjóða, eitt nú ein av elstu klædnahandlunum í Vágunum, John Poulsen. Her hevur man møguleikan at keypa klæðir til bæði kvinnur og menn, ung sum eldri. Skógvar til øll í Sandavági - Nú vestanstevna stundar til, fáa viðskiftafólk, sum keypa sandalur og ballerina-skógvar hjá Pastell í Sandavági, 25% í avslátri alla vikuna. Haraftrat fara vit at hava opið frá klokkan 10-20 leygardagin á vestanstevnu, og tá verður tilboðið eisini galdandi, sigur handilseigarin - Jú, eg eri væl nøgd við gongdina, og eg vænti nógv fólk inn á gólvið, nú vestanstevna verður næsta vikuskifti, sigur handilseigarin í Sandavági, Turid Gaardlykke Davidsen ... Pastell hevur langan leygardag á vestan­stevnu...