mikudagur 11. juli 2012síða 23

23 Mikudagur 11. juli 2012 · Nr. 79 Sosialurin Hugskot og viðmerkingar – send sms til 225000 Ítróttur evropa league upptakt Pætur Albinus Oddaliðið í Effodeildini framdi eitt satt megnaravrik, tá ið teir í síðstu viku vunnu 3-1 ímóti armenska Gandzasar í Europa League. Teir vóru á odda 3-0 í hálvleikinum og høvdu hópin av málmøguleikum til at tryggja sær eitt enn betri út­ gangs­støði, men 3-1 skal als ikki for­ smáast. EB/Streymur hevur áður fingið góð úrslit á útivølli í Evropa. Fyrra­ árið taptu teir tepurt 0-1 ímóti Kalmar FF í Svøríki, og í fjør spældu teir málleysan javnleik ímóti Qara­ bag í Aserbadjan. Sambært venjaranum hjá EB/ Streymi, Heðini Askham, so verður tað eitt verjukent útgangsstøði ímóti Gandzasar í morgin í royndini eftir at fáa eitt úrslit, sum minnir um tað í fjør. – Vit fara niður har og trúgva 100% upp á tað. Vit minnast ein dyst í Baku í fjør, tá ið vit ikki komu fram um miðjuna allan fyrra hálvleik, men fingu ein 0-0-javnleik og enntá høvdu møguleika at vinna dystin. Allir vóru ernir aftaná dystin, og tað er einum slíkum úrsliti vit fara eftir í hesum dystinum, segði Heðin Askham eftir 3-1-sigurin í síðstu viku. Verjan avgerandi Uppleggið hjá EB/Streymi verður eftir hesi útsøgnini rættiliga verju­ kent, og tað er til at skilja. Verjan hjá EB/Streymi stóð seg væl í fyrra dystinum, og hetta hóast at vanligu miðverjarnir, Egil á Bø og Marni Djurhuus, ikki vóru við vegna skaða. Teir verða eiheldur við í hes­um dystinum, men tað er ikki verri enn so, at tað aftur hesaferð letur dyrnar upp fyri frálíku avloys­ arunum frá fyrra dystinum, Árna G. Olsen og Gert Hansen. Hinvegin er Sorin Anghel nú aftur tøkur og gevur Heðini Askham ein luksus-trupulleika, hvørs hann skal velja teir somu 11 í byrj­unar­uppstillingina ella lata rumenska stríðs­mannin sleppa at royna seg. Men hesin trupulleikin loysir seg kanska sjálvan, tí Arnbjørn Hansen hevur fingið vøddaskaða. Spælir vandamikli kollfirðingurin dystin hóskvøldið, er vandi fyri, at skaðin versnar og Arnbjørn sostatt ikki verður tøkur, tá landskappingin byrjar aftur. Dysturin verður spældur á Gandzasar Stadium í Kapan í morg­ in kl.16 føroyska tíð. albinus@sosialurin.fo EB/Streymur hevur góðan møguleika Fótbóltur EB/Streymur hevur við einum 3-1-sigri í fyrra dystinum góð kort í hondini, tá ið teir í morgin skulu spæla returdyst á útivølli ímóti armenska Gandzasar í Europa League Arnbjørn Hansen er við í Armenia, men spælir neyvan dystin í annaðkvøld vegna vøddaskaða Mynd: Álvur Haraldsen Tróndur Arge Chelsea liðskiparin, John Terry, er ákærdur fyri at hava brúk rasistiskan málburð móti Queens Park Rangers verju­ leik­aranum, Anton Ferdinand. Sakin fyllir nógv í ensku fjøl­miðlinum. John Terry hevur millum annað mist lið­skipara­ bandið á enska landsliðnum, sum ein avleiðing av sakini. Tað var í dystinum millum QPR og Chelsea tann 23. oktobur í fjør, at sjón­varps­ myndir hjá millum annað Sky Sports vístu John Terry rópa eitt hvørt eftir Anton Ferdinand, eftir at hesir báðir høvdu ein minni samanstoyt í brots­teiginum hjá QPR. Rópini kundu tulkast sum rasistiskur mál­burður. Eitt løgreglufólk, sum ikki var til arbeiðis, valdi at melda málið og tí hevur løgreglan tikið málið upp. Í rættinum er komið fram, at John Terry nýtti niðursetandi ensku orðini “F****** black c***”, men ógreitt er í hvørjum samanhangi. Sambært BBC, so vil John Terry verða við, at hann spurdi um Anton Ferdinand helt seg hava kalla hann “a f****** black c*** ”, og tí er talan ikki um eina rasistiska viðmerking. Verjin hjá John Terry vil hava rættin at síggja burtur frá málinum, tí prógvuni eru ógreið. Í Westminister Magistrates’ Court eru tey ósamd og sakin heldur fram. John Terry sigur seg verða óðan um rasistisku ákærurnar. Hann vísur millum annað á, at hann sjálvur spælir á liðið saman við fleiri myrkum leik­ arum og hevur hjálpt til við hjálparfelagsskapinum hjá millum annað Didier Drogba, sum er ættaður úr afrikanska land­inum, Fílabeinsstrondin. Í rættinum er eisini komið fram, at Anton Ferdinand eftir samanstoytin í brotsteiginum rópti eftir John Terry og mill­ um annað royndi at arga hann við eini hending, har John Terry sigst hava verið dekan ov góður við damuna hjá tá­ ver­andi liðfelaganum, Wayne Bridge. Enska fótbóltssambandið tekur ikki málið upp fyri enn rætt­urin er komin til eina niður­støðu. Hóast John Terry í mesta lagið kann fáa áleið 20.000,- krónur í bót, so hevur málið eina nógv størri symbolskan týdning fyri 31 ára gamla verjuleikaran. – Eg havi verið kallaður nógv í mínari tíð báði á og uttan­fyri vøllin, men at kalla meg rasist, tað góðtaki eg ikki. Eg vil ikki hava Anton Ferdinand ella nakran annan at halda slíkt um meg, sigur John Terry sambært BBC. trondur@sosialurin.fo John Terry óður um rasistiskar ákærur Fótbóltur Í hesum døgum verður ein sak um rasistiskan málburð í einum Premier League dysti viðgjørd í London John Terry og Anton Ferdinand