fríggjadagur 13. juli 2012síða 84

vika 29 l 16. juli 2012 36 OL-blaðið Vit ynskja Pál Joensen góða eydnu við OL luttøkuni í London í summar trygging.fo Tað var franski undirvísarin og søgumaðurin, Pierre de Coubertin, sum í 1894 legði lunnar undir olympisku leikirnar og rørsluna, tá hann kom við uppskoti um at taka uppaftur gomlu, griksku sið­venj­ una við leikum fjórða hvørt ár í meira nútímans útgávu. Coubertin var forseti í altjóða olympisku nevndini, IOC, frá 1896 til 1925. Fyrstu ferð summar­ leikirnir aftur vóru í einum býi, sum hevði hýst teimum áður, var í 1924 í París Síðani 1984 hava føroyskir svimjarar kvali­fiserað seg til paralympisku leik­ ir­nar á hvørjum ári. Onkuntíð hava fleiri svimjarar verið við og onkuntíð bara hin eini, og í ár er tað bara 23 ára gamli Ragnvaldur Jensen, sum er ætt­aður av Sandi, ið hevur svomið so mikið góðar tíðir, at hann sleppur við til paralympisku leikirnar í London, sum verða frá 29. august til 9. sep­ tember. Sum svimjari hevur hann ígjøgnum árini verið við til bæði EM- og HM- kappingar, umframt aðrar kappingar undir IPC, og tað var í EM-kappingini í Týsklandi í fjør, tá hann vann bronsu, at hann fekk so mikið góða tíð í 100 metra bringusvimjing, at tað gav eitt pláss í paralympisku leikunum. – Ragnvaldur hevur svomið í nógv ár, og hesi gott og væl tvey árini, eg havi verið venjari hjá honum, hevur hann í øllum lutum tikið seg fram, sigur venjari hansara, Rúni Gaardbo, ið tey flestu munnu kenna sum fót­ bólts­dómari, men sum eisini fæst sera nógv við svimjing og hevur verið høvuðsvenjari síðani 1995. – Sjálvt um hann hevur roynt eitt sindur av hvørjum, so eru hetta hans­ ara fyrstu paralympisku leikir, so hetta verður sera spennandi. Um vónirnar, so kunnu vit siga, at um tað gongst væl, kemur Ragnvaldur í hálvfinaluna, og um tað gongst øgiliga væl, kann hann fáa eitt finalupláss. Men so skal alt ganga upp, so hann verður millum átta teir bestu, ið sleppa allan vegin í finaluna. Tað er tó ikki ómøguligt. Rúni sigur, at Ragnvaldur gongur høgt upp í svimjingina og er íðin undir venjing. Umframt at venja í hylinum einar seks til átta ferðir um vikuna, ger hann eisini nógv við styrkivenjing, so tilsamans man talan vera um eina 10 venjingar hvørja viku. Nógv skal til At fáa so góðar tíðir, at tað røkkur til paralympisku leikirnar, er í sjálvum sær eitt gott avrik, ið ikki er blivið minni við árunum, tí sum við øllum øðr­um ítrótti, er framgongdin stór hjá teimum bestu, so tað skal alsamt meira og meira til, fyri at sleppa upp í part heilt har frammi. Tað sigur Katrin Dagbjartsdóttir, ið sjálvur hevur verið við til fleiri paralympiskar leikir, fyrst sum svimjari og síðani sum venjari. – Fyrr var tað soleiðis, at kláraðu vit kravtíðirnar í einari grein, so kundu vit sleppa at svimja við í fleiri kappingum. Tí ber til at siga, at vit sum svimjarar vóru priviligeraðir, tí vit sluppu við til nógv fleiri kappingar, enn tey gera í dag, nú krøvini bara blíva harðari og harð­ari, sigur Katrin. – Av tí sama er verri og verri hjá okk­um at hava svimjarar við millum teir allarfremstu. Vit vóru so nógv, tá eg svam sjálv, at vit høvdu ikki bara eina góða elitu, men eisini eina breidd. Hetta krevur nógva og miðvísa venj­ ing í áravís, so vit mugu bara vóna, at Ragnvaldur kann geva íblástur, so enn fleiri halda seg framat. Paralympisku leikirnir í London, sum eru aftan á summarleikirnar har, eru eisini sera stórir, tí ikki færri enn 4.200 ítróttarfólk úr 160 londum eru við, og kappast verður í 20 ymsum ítróttar­greinum. Eisini hesum leikum geva fjølmiðlar stóran ans, tí væntandi verða umleið 6.500 fjølmiðlafólk til staðar, umframt at tvær milliónir at­ gongu­merki eru sett til sølu. Kappast verður á fleiri leikvallum, sum eru gjørdir burturav til OL og para­lympisku leikirnar, harav olympiski leik­vøllurin er tann størsti, við plássi fyri 80.000 áskoðarum. Og tá Ragnvaldur skal svimja sína kapping, verð­ur tað í sama hyli, sum Pál Joensen hevur svomið sínar kappingar nakrar dagar frammanundan, í eini stórari og flott­ari høll, við plássi fyri túsundtals áskoðarum. hilmarjan@sosialurin.fo Fremsti ÍSB-svimjarin í løtuni, 23 ára gamli Ragnvaldur Jensen, skal til paralympisku leikirnar í London frá síðst í august til fyrst í september, har hann skal kappast í 100 metra bringusvimjing Ragnvaldur eisini til London Ragnvaldur Jensen, sum skal umboða Føroyar á paralympisku leikunum í London eftir OL, svam seg til plássið í EM-kappingini í Týsklandi í fjør, tá hann vann bronsu í 100 metra bringusvimjing Mynd: Álvur Haraldsen