fríggjadagur 20. juli 2012síða 92

vika 30 l 23. juli 2012 44 Ólavsøka 2012 Vikutema Pætur Albinus Vit hava Tórshavn Martathon, FM og fleiri regluligar kappingar fyri renn­ arar, men so hava vit eisini nakr­ar meiri siðbundnar kappingar. Flag­ dags­renningin og kanska serliga ólav­ søku­renningin, har at kalla øll tjóðin er savnað í høvuðsstaðnum og ger tað trongt hjá teimum umleið 300 rennaru­num at renna í friði. - Men tað er jú sjarman við tí, halda rennararnir. Nú við flís Fyri fyrstu ferð fáa luttakararnir í ólav­søku­renningini útflýggjað eina flís, kanska betur kent sum eitt chip, sum teir skulu seta á sín vinstra skógv áðrenn renningin byrjar. Flísin lætt­ir ógvuliga nógv um arbeiðið hjá fyri­ reikar­unum og førir flísin sjálv tíðina hjá hvørjum einstøkum renn­ara inn í skipan­ina. Tað sama við aldurs­bólk­i­ num. - Vit royndu hetta í hálvum mara­ thon í Klaksvík, har tað ikki vóru so nógvir rennarar við. Vit royndu eisini skipanina í firmarenningini í mai- mánaði, og í báðum førum gekk tað ógvuliga væl, sigur Niels Jákup Jakob­ sen úr Bragdinum, sum er ein av fyri­ skipar­un­um av ólavsøkurenningini. Hetta er ikki ein bílig skipan, sum tey hava útvegað sær, og tískil heita tey á allar rennararnar at lata flísina aft­ur, tá ið kappingin er av. 300 rennarar Hetta er 26. árið á rað, at skipað verð­ ur fyri ólavsøkurenningini. Kappingin bleiv uppafturtikin í 1987, og síðani tá hevur hon verið á hvørjum árið. Luttakaratalið hevur svingað ímill­um 290 og 400 rennarar, men fyri­skip­ ar­arnir fyrireika seg upp umleið 300 lut­taka­rar í ár. Teinurin, ið runnin verður hjá teim­ um vaksnu, er fimm kilometrar. Talan er um ein tein, sum verður runnin sjey ferðir niðri á Skálatrøð og út á Bakka. Tey yngru renna á hesum sama øki, men teinar, ið eru 600m og 1200m til longdar. Tað er rættiliga trongt at renna á hes­um teininum og luttakararnir eru nógv­ir í tali, men fyriskipararnir hava bor­ið so í bandi, at øll verða deild í sín aldursbólk. Hetta merkir, at allir bólk­ar, sum renna, kappast ímóti sær sjálvum. Rennur tú í einum bólki, so eru rennararnir í tínum bólki tínir kapp­ingarneytar – talan er tískil ikki um eina felags rennikapping, men um fleiri kappingar fyri teir ymisku aldurs­ bólk­ar­nar. Nógvir útisetar Í ólavsøkurenningini er teinurin ikki eins langur sum vit kenna tað í øðrum kapp­ing­um, men hóast hetta, so eru tað mest royndir rennarar, ið royna seg. Eitt nú er tað eingin, sum gongur á teininum. Eitt, sum merkir feltið av rennarum, er, at tað eru nógvir útisetar við. Før­ oy­ingar uttanlands, sum eru komin heim í summarfrí og njóta ólavsøkuna, dáma væl at renna við. Tað er einki at taka seg aftur í, at ólavsøkurenningin er ein siðvand kapp­ing, sum aftur í ár fer at seta sín dám á hýrin í Havnar gøtum. Sjálva kapp­ingin byrjar fríggjadagin 27. juli kl.18.00. albinus@sosialurin.fo Rennarar á ólavsøku fáa flís 26. árið á rað verður skipað fyri ólavsøkurenning, har luttakaratalið plagar at vera um tey 300. Í ár verður nýggj tøkni roynd og allir rennarar fáa eina sokallaða flís, betur kent sum chip Síðani 1985 hevur verið runið á hværkum ári á ólavsøku Savnsmynd