mánadagur 23. juli 2012síða 23

23 Mánadagur 23. juli 2012 · Nr. 84 Sosialurin Hugskot og viðmerkingar – send sms til 225000 Ítróttarblaðið Torkil nógv bestur Súkkling Sannførandi og í stórum stíli kveistraði Torkil Veyhe um vikuskiftið alla mótstøðu til viks, tá hann við meira enn fimm minuttum niður til tann næstfremsta, vann ársins útgávu av Effo Kring Føroyar Hilmar Jan Hansen Tá tann fyrsti teinurin fríggja­ kvøldið úr Sørvági til Runavíkar endaði við einum spurti ímóti málinum, sum tað eydnaðist Guð­ mundi Joensen at vinna á Torkili Veyhe við einum sekundi, boðaði tað frá góðum. Hetta sá út til at gerast ein spennandi kapping, har serliga teir báðir kundu koma at gera um seg, men har eisini einir tríggir aðrir vóru bara 17-18 sekund aftanfyri. – At byrja kappingina við hasum teininum, var fínasta slag, men tað var eitt sindur hart, tí tær størstu brekkurnar lógu beinanvegin. Nakrar ferðir royndi eg tá at fara frá Guðmundi, fyri at vita, hvat hann hevði í brekkunum, men langur vegur var á mál, so tað bleiv ikki meira enn tað. Í endaspurtinum var eg óheppin, tí eg datt úr pedalini, men annars helt eg sjálvur, at eg saktans kundi havt vunnið longu tá, sigur Torkil Veyhe um byrjanina fríggjakvøldið, sum var einasti teinur, hann ikki vann í ár. – Tað er jú altíð deiligt at vinna, og eg eri altíð við fyri at vinna, so tí vildi eg leygardagin prógva mína styrki, tá vit súkklaðu í Suður­ oynni. Og tað gjørdi Torkil eisini, tí á teininum av Tvøroyri til Fámjins og víðari suðureftir um Hovsegg og til Lopra og so aftur til Vágs, var hann nógv skjótastur við tíðini ein tími og 53,46 minuttir, og var hann hálvanfjórða minutt framman fyri Guðmund Joensen, ið var næst­ fremstur, og næstan fimm minuttir framman fyri Andrass Joensen á triðja plássi. Hetta sannførandi avrikið avgjørdi í roynd og veru kappingina í ár. Eitt óhapp á Fámjinsskarði setti annars sín heldur keðiliga dám á kappingina, tá Rogve Grønlund Larsen, sum er hálvur tvøramaður, var so óheppin at koyra útav ovast uppi, á veg til Fámjins. Kappingin steðgaði eina løtu og sjúkrabilur bleiv boðsendur eftir súkklaranum, sum tíbetur ikki hevur brotið nakað, men var eymur um allan kroppin og mátti leggjast inn á Suðuroyar sjúkrahús. Súkklar nógv Í gjár vóru tvær kappingar á skránni, og tann fyrra var 17 kilometra langi einkultstarturin um morgunin, sum gekk av Vaglinum, út við Strond og eftir ringvegnum út á Norðasta horn og aftur á Vaglið. Her útbygdi Torkil sær leiðsluna og bleiv 21 sekund framman fyri Gunnar Dahl- Olsen og 41 framman fyri Guðmund Joensen, sum vóru teir næstu. Og tá so seinni teinurin var 37 kilometrar av býarkoyring frá Effo- støðini í Gundadali og niðan á ringvegin og út við Strond, og síðani niðanaftur eftir Jónas Broncksgøtu og R.C. Effersøesgøtu fimm ferðir, og so rundan um Gundadal fimm ferðir, var Torkil aftur bestur og vann, ein góðan minutt framman fyri tann næsta, so samanlagt fyri allar dagarnar varð hann fimm minuttir og 16 sekund betri enn nummar tvey, sum var Guðmundur Joensen, og yvir 10 minuttir betri enn nummar trý, sum var Gunnar Dahl-Olsen. – Eg kann ikki vera annað enn nøgdur við at vinna við fimm minuttum. Nú havi eg koyrt nógv niðri, og tað hevur givið eyka, so eg fái koyrt skjótari, umframt at tað gevur eina aðra styrki, sigur Torkil, sum við hesum sigrinum hevur vunnið kappingina trý av teimum síðstu fýra árunum. – Har er tað nógv intensari, tí tú ert alla tíðina við, og royndirnar frá teimum kappingunum kunnu gott brúkast í Effo Kring Føroyar, hóast vit ikki eru nógvir súkklarar. Har eru kappingar hvørt vikuskiftið í einar seks mánaðir um árið. Ein lítil steðgur er í summarfrítíðini, men annars súkkli eg nógv út yvir tað og geri so nógv við tað, sum eg havi stundir til. hilmarjan@sosialurin.fo Tríggir íslendingar, sum skuldu vera við í Effo Kring Føroyar, komu ongantíð vegin fram, tí veður var ikki hjá flogfarinum at lenda. Gunnlaugur Jonasson, Sig­urgeir Agnarsson og Örn Sig­urðs­son endaðu fríggjakvøldið í Wick, og tá var longu greitt, at teir ikki fóru at fáa fyrsta teinin við, um­framt at teir heldur ikki kundu náa at sleppa við til Suðuroyar leygar­ morgunin. Tí fóru teir heim­aftur. Komu ikki fram Bara ein kvinna var við í kapp­ ingini hesaferð, og tað var bara 16 ára gamla Elsa Berg úr Hoyvík, sum royndist væl. Hon fekk tó onga tíð samanlagt, tí hon ikki var við í Suðuroynni. Kvinnur­ nar hava sjáldan verið nógvar við í kapp­ingini, men flestu árini hevur verið onkur. Misjavnt hevur eisini verið, hvussu undirtøkan hjá teimum ungu hevur verið, men hesa ferð vóru tríggir unglingar við, og av teimum var tann elsti, 17 ára gamli Tummas Óli Olsen, sera sann­før­andi og vann allar tein­ arnar, so helst er hann ein súkkl­ ari meira sæst til í komandi ár­um. Ein kvinna Effo Kring Føroyar Samlað úrslit fyri gjøgnumførda kapping Opin bólkur 1 Torkil Veyhe.........................................................5:38:16 2 Guðmundur Joensen.......................................5:42:32 3 Gunnar Dahl-Olsen..........................................5:47:46 4 Andrass Joensen................................................5:49:00 5 Jóhann Brend......................................................5:54:24 6 Kjartan Egholm..................................................6:00:56 7 Jóanis Albert Nielsen......................................6:15:46 8 Christian Guttesen...........................................6:16:04 9 Sverri Mohr Edvinsson...................................6:18:46 10 Alfred Hummeland..........................................6:18:56 11 Dávur Magnussen.............................................6:25:17 12 Høgni R. Øster.....................................................6:49:42 Master 1 Aksel Haraldsen.................................................5:06:57 2 Evald Rasmussen...............................................5:08:32 Unglingar 1 Tummas Óli Olsen.............................................4:25:04 2 Bartal Dam Gregoriussen..............................5:23:46 3 Pauli Jacobsen.....................................................5:45:39