mánadagur 13. august 2012síða 20

Mánadagur 13. august 2012 · Nr. 93 20 Sosialurin Hugskot og viðmerkingar – send sms til 225000 Ítróttarblaðið Brak av einum endabresti Olympisku leikirnir í London endaðu eins og teir byrjaðu – við einum brakið eini framførslu av tí besta, sum Bretland eigur. Millum tey, ið framførdu vóru Spice Girls, The Who, George Michael, Pet Shop Boys og Eric Idle Tróndur Arge OL 2012 er av á hesum sinni. Talan gjørdist í allar mátar um nakrar væl eydnar leikir. Tíverri fyri okk­ um stendur eftir at Pál Joensen ikki kom í finaluna í 1.500 metra svimjing, men sum heild ber illa til at finnast at leikunum. Tey 302 gull heiursmerkini eru komin um hálsin á teimum bestu og á samlaði støðuni er USA á ovastu rók, eftir at Kina annars hevði flest heiðursmerki ein stóran part av leikunum. Hvørki OL setanin ella OL endaveitslan fór nakrantíð at kunna koma upp á sama stig sum í Kina, tí tí loyvur bretska fíggjarskipanin ikki. Hinvegin, so hevur Bretland so nógv annað at bjóða upp á og tað var eisini parada av stjørnunøvnum, sum framførdu til endaveitsluna eins og til setana. Endaveitslan endaði við at borgarstjórin í London, Boris Johnson, handaði OL flaggið aftur til OL leiðsluna, sum handaði flagið víðari til borgarstjórin í Rio de Janeiro, sum verður vertur í 2016. Sjálvboðin fingu størstu móttøkuna Tað var ongin ivi um hvør hetjan av leikunum í London er. Í tvær vikur hava sjálvboðin arbeiðisfólk verið ein daglig sjón kring alt London og tey hava gjørt arbeiði við einum stórum smíli og ágrýtni. Tað bæði hoyrdist og sást, tá formaðurin fyri leikirnar, Lord Coe, og forsetin í IOC, Jacques Rogge, nevndi sjálvbodnu arbeiðisfólkini. – Vit fara ongantíð at gloyma smílini, blíðskapin, og stuð­ulin frá teimum sjálvbodnu arbeiðis­fólk­ unum, segði Jacques Rogge. Tey 80.000, sum vóru á olympiska leikvøllinum mundu ikki steðga við at heiðra hesar nýggju hetjurnar. Eldurin sløknaður Stutt fyri midnátt sløknaði OL eld­urin, sum er settur saman av 204 ymiskum eldkeldum. Hvørt av teim­um 204 londunum í OL fáa eina av eldkeldunum í part. Tað var við tónum frá kenda bretska bólkinum, The Who, at eldurin spreiddi seg í 204 partar áðrenn hann sløknaði. Olympisku leikirnir eru av á hesum sinni. USA er stinnast á heiðursmerkja tavluni, meðan Bret­ land og London hava prógvað fyri umheiminum, at tey eru í stand til at fyrireika OL. trondur@sosialurin.fo