mikudagur 15. august 2012síða 6

Mikudagur 15. august 2012 · Nr. 94 6 Sosialurin Hugskot og viðmerkingar – send sms til 225000 Fólkaflokkurin fullur av Breivíkarum ORÐASKIFTI Tórbjørn Jacobsen, fyrrverandi løgtingslimur, fólkatingslimur og landsstýrismaður, førir fram á Facebook, at Fólkaflokkurin hevur ein her av Breivíkarum. Hetta er enn eitt dømi um óhepna kjakmentan Rólant Waag Dam Hóast Tórbjørn Jacobsen ikki stillaði upp til seinasta løg­ tingsval, og dagliga starvast í Runavíkar havn, so blandar hann seg framvegis dúgliga í politiska kjakið. Sum fyrr­ verandi næstformaður hjá Tjóðveldi, fyrrverandi lands­ stýrismaður, fólkatings- og løgtingslimur, viga orð hans­ ara ikki einki, sama um tey eru skrivað ella talað. Um dagarnar hevur Tór­ bjørn Jacobsen umvegis Face­book-síðu sína gjørt við­ merkingar til makrelmálið, nú tað gjørdist greitt, at einki móttøkuskip kemur til Før­ oya í summar. Fleiri við­ merkingar vóru til tað, Tór­ bjørn Jacobsen skrivaði – og onkur teirra fekk av sonnum sinnið í kók hjá fyrrverandi politikaranum. »Fólkaflokkurin hevur ein her av Breivíkarum, eitt nú BJ (stytting av navninum, sum Sosialurin tó kennir, blðm.), sum verður upp­ringd­ ur av BD (t.e. Bjarni Djur­ holm), ÓB (t.e. Óli Breckman) ella JN (t.e. Jørgen Niclasen) hvørja ferð tað lotar úr hana­ kjafti, og sendur út á markina at gera karaktermorðini, sum skulu kvala alla mótstøðu ímóti seráhugamálunum sum aftur stjórna Fólkaflokkinum og landinum við rubb og stubb«, skrivar Tórbjørn, um­ framt aðrar persónligar við­ merkingar, í svari til við­ komandi. Hetta skrivaði Tórbjørn Jacobsen seint mánakvøldið á Facebook, og ófantaliga tilsipingin til høgrasinnaða hópdrápsmannin í Noregi, ið drap tilsamans 77 fólk í Oslo og oynni Utøya í Noreg tann 22. juli í fjør, stóð framvegis á Facebook-síðuni hjá Tórbirni, tá Sosialurin fór til prent­ ingar í dag. Onnur dømi Óhepna viðmerkingin hjá Tór­bjørn Jacobsen er enn eitt dømi, har politikkarar og almennir persónar annars ikki duga samskifta á Face­ book. Áður hava vit sæð, at Kári á Rógvi, fyrrverandi for­ maðurin í Sjálvstýris­flokki­ num, rópti danska forsætis­ ráðharran fyri eitt »r-hol«, at Levi Mørk, býráðspolitikari í Tórshavnar kommunu, førdi fram fasistisk sjónarmið og gav muslimum skuldina fyri áður umrødda sorgarleik í Noreg í fjør og at Jóna Morten­sen, løgtingslimur, strik­aði sína vangamynd á Facebook. Facebook er alment Sambært miðlafrøðinginum Høgna Reistrup, er skrivi- og talufrælsi eisini galdandi á Facebook. Hann sigur tó, at vit her enn eru á byrjunar­ stigi og læra av royndunum, men: – Tað, sum politikarar skriva á Facebook, skal takast í størsta álvara, og tað er sjálvandi ein søga, um politikarar grea vart við seg við meiningum. Mín sann­ føring er, at tignin á lesara­ brævi og Facebook er tann sama. Einasti munurin er, at kjakið gongur í størri mun fyri seg á samskiftismiðlunum og fer bara at vinda upp á seg, segði Høgni Reistrup, miðlafrøðingurin, tá Sosial­ urin hevði tema um evnið 18. juli. Eingin viðmerking ORÐASKIFTI Tórbjørn Jacobsen metir seg ikki vera ein almennan person longur og hevur tískil ongar viðmerkingar. Jørgen Niclasen sigur hinvegin, at hann ikki vil søkka niður á søk lágt støði Rólant Waag Dam Tórbjørn Jacobsen er havna­meistari í Runa­ vík­ar havn og hevur tikið seg aftur av pol­ itiska pallinum. Hann metir seg tískil ikki vera ein almennan persón. Við Sosialin sigur hann, at hann er ein púra vanligur borgari, sum hevur gjørt eina við­ merking til ein annan púra vanligan borgara á Facebook. Hann hevur tískil onga sum helst viðmerking til skriv­ing­ ina á Facebook. Jørgen Niclasen, for­ maður Fólkafloksins, hevur heldur ikki hug at gera stórvegis viðmerk­ ingar. Hann sigur, at hatta má standa fyri rokningina hjá Tórbjørn Jacobsen – og at hann ikki ynskir at søkka á so lágt støði. rolant@sosialurin.fo Tórbjørn Jacobsen sigur, at Fólkaflokkurin hevur ein her av Breivíkarum, sum Bjarni Djurholm, Óli Breckmann og Jørgen Niclasen gera sær dælt av Jørgen Niclasen heldur, at støðið hjá Tórbjørn Jacobsen í hesum førinum er so lágt, at hann ikki ynskir at viðmerkja tað yvirhøvur