mikudagur 15. august 2012síða 26

Mikudagur 15. august 2012 · Nr. 94 26 Sosialurin Hugskot og viðmerkingar – send sms til 225000 Clint Eastwood, Russel Crowe, Tom Cruise, James Bond og onnur við teimum hava innspælt partar av filmum í Íslandi seinastu árini. Hetta hevur havt sera stóra ávirkan á íslendsku filmsvinnuna har í dag umleið 300 fólk starvast! Ikki er neyðugt at nevna hvussu stóran týdning hetta hevur fyri ma., islendsku ferðamannavinnuna. Og so kann ein spyrja hvussu tað ber til at filmsvinnan er voksin so munandi í Ís­landi? jú, Ísland letur ein studn­ing uppá 10 % av film­skostnaðinum til av­vara­ ndi producentar. Hetta verður alt meira van­ligt í Skandi­navia at komm­unur lata studn­ing fyri at tilrekkja film­pro­du­cent­ ar vegna tess at spin-off effektin er so stór av filmsídnaðinum, ma., varð stórur partur av Oscar vinnaranum Hævn­en hjá Susanne Bier inn­spæld­ur á Suðurfjónu har kommunarnar árliga lata umleið 10 Mio Kr úr films­grunni og er Keyp­ manna­havn eisini við at stovnseta ein stóran líknandi grunn. Í Havn hava vit – enn - ein sera litlan filmsídnð. Klipp­fisk og nógv films­áhugaði ungfólk gera eitt gott arbeiði og tað skulu tey hava stórt rós fyri. Eisini hava vit fleiri talentir sum vit fara at siggja meira til í komandi tíðum bæði sum leikar­ar, producentar og á upp­tøku­økinum. Tiðanverri er tann stud­nin­g­ urin sum verður veittur til hesar kveikjarar ikki meira enn peanuts at rokna og ikki til at liva ella doyggja av. Filmsvinnan verður als ikki tikin í tí álvara sum skal til. Tað skulu aðrar upp­hæddir til og munandi betur umstøður fyri at vit ver­uliga kunnu fara undir at fyrireika eina føroyska filmsvinnu. Tó havi eg ongan iva um at tað ber at byggja upp ein filmsidnað her í Havn sum bæði kann skapa inntøkur og gera sitt til at okkara kreativi ung­domur støðast í Havnini. Við einari føroyskari films­vinnu fara føroyingar eisini at gera seg nógv meira gald­andi uttanlanda, hyggið bara at okkara Olafi og Anniku Johannesen sum øll Havna­folk eiga at vera errin av. Eisini vil ein filmsvinna egg­ja okkara skrivandi fólki í størri mun at skriva films­hand­rit. Vit í Tjóð­veldis­flokki­num vilja menna hesa vin­nu í nýgg­ ja Býráðnum og voni eg at øll filmsáhugaði Havnar­fólk fara at stuðla okk­um. At áhugin í Havn er til staðar sóðu vit tá Norð­ ur­landahúsið, Birgir Kruse og undirritaðu skip­aðu fyri syningum av norður­lendskum filmum í Havnar Bio seinasta vetur, tað var nær­um fullsett til hvørja sýn­ing. Eg skal nevna at eg hava tikið stig til at fáa kenda films­ mannin Peter Ålbæk, stjóra í Zentropa at koma henda­vegin í heyst at hava eina workshop. Tiltakið verð­ur lýst í Oktober men kun­nu áhug­aði longu senda mær ein teldupost á johan_m@olivant.fo Filmsvinnan er ein av heimsins stóru globalu vinn­um har tað eisni er rúm fyri Havnini. Filmsvinnan, Tórshavn og okkara kreativi ungdómur Brot úr filminum »Duld Sorg« Filmur gjørdur í samband við filmsummarskúlan Nóllywood 2010 Tað er gott at búgva í og kring Tórshavn. Her er trygt, list og tónleikur blóma og tað blívur alt meira vanligt, at síggja og vera saman við fólki við fjølbroyttum lívsstílum. Leggja vit okkum harafturat eftir at fremja útbúgving, grøna orku og burðardygdni, er tað skjótt at Føroyar kunnu verða ein fyrimynd hjá øðrum smásamfeløgum. Fyri at hetta skal blíva veruligt, krevur tað tó, at vit gera Tórshavnar kommunu meira lokkandi og livandi. Talið av ungum fólkum og børnum minkar í stórum í Tórshavn sum er, og er hetta helst størsta hóttanin móti Føroyum sum heild. Savnaði útbúgvingarøki, tætt knýtt at nýggjum og áhugaverdum fyritøkum, er ein týdningarmikil partur av at steðga hesi gongdini, men tað eru eisini minni torskild og lættari ting vit kunnu gera her og nú, fyri at gera tað meira liviligt í kommununi. Íbúðir eru helst mest átrokandi trupulleikin. Tað er alt ov dýrt og torført, at seta búgv í Føroyum. Ung fólk hava sjáldan ráð ella hug til at keypa ella byggja hús, og íbúðirnar vit hava eru alt ov dýrar. Tað er heilt einfalt ikki lokkandi hjá fólki, at flyta heim aftur til foreldrini. Og tað er slett ikki lokkandi, at seta seg í skuld fyri milliónir beint eftir lokna útbúgving. Tí mugu og skulu vit sum kommuna gera alt vit kunnu, fyri at vit fáa fleiri og bíligari íbúðir. Vit mugu hava øki, har ung fólk, børn og alt tað virksemi og lívið, sum hoyrir til har, kunnu festa røtur. At gagnnýta náttúruna vit hava, vil eisini gera tað nógv meira lokkandi at búgva her. Tað er vakurt, friðsælt og fult av íblástri at ganga runt í Føroyum. Tað er lekkurt at súkkla, renna og ganga úti, og hetta er blivið uppaftur meira lokkandi við teimum íløgunum kommunan longu hevur gjørt. Gera vit eisini t.d. eina breyt fyri mountain bikes, fleiri og betri súkklubreytir so hvørt við umvæla vegirnar, og gera tað lættari hjá børnum og vaksnum at koma út og njóta grønu økini í býnum, verður tað heilt einfalt stuttligari at búgva her. List og tónleikur eru somuleiðis í øðrumhvørjum kjallara í Tórshavnar Kommunu. Hvussu týdningarmikið hetta er, kann bara undirmetast. At vera í einum øki, sum er fult av vakurleika, undrunarsomum verkum og skapanarhuga, er dreymurin hjá flest øllum fólkum – ungum eins væl og gomlum. Tórshavnar Kommuna ger og hevur gjørt nógv, fyri at stuðla hesum – hygg bara at nýggja musikkskúlanum – men vit kunnu altíð gera meira og fyri lutvíst lítið av peningi. Tórshavn skal vera lokkandi. Her skulu vera bíligar íbúðir, ein náttúra vit kunnu njóta í friði og ítrótti, og list úti í gøtunum eins væl og inni. Tórshavn skal vera eitt stað, har bæði útlendskir og føroyskir ungdómar vilja búgva. Tórshavn skal liva. Tórshavn skal liva Johan Mortensen Á Tjóðveldis­listanum til Býráðsvalið Bergur A. Dalsgarð kjak