mikudagur 15. august 2012síða 30

Mikudagur 15. august 2012 · Nr. 94 30 Sosialurin Hugskot og viðmerkingar – send sms til 225000 Ítróttur Pætur Albinus Føroyska U21-landsliðið hevur und­an seinasta dystinum í kvøld ongan møguleika at lyfta seg upp av aftasta plássi í bólkinum, har teir liggja við tveimum stigum. Føroyar fingu eina góða byrjan upp á undankappingina umvegis ein 0-0-javnleik ímóti Norðurírlandi í fjør summar, men síðani komu teir veruliga niður á jørðina aftur eftir trý stórtap á rað. 0-4 ímóti Norður­ írlandi, 1-5 ímóti Serbia og 0-4 ímóti Danmark. Í Gundadali hava mótstøðuliðini tó havt tað trupult, og er tað eisini hiðani, at bæði stigini hjá føroyska liðnum eru komin. Í juni spældi føroyska liðið tveir heimadystir á rað innan fýra dagar, og vóru tað tá tvey góð avrik, sum argaðu mót­ støðu­liðini nakað. Føroyar spældu fyrst 1-1 ímóti Makedonia, áðrenn oddaliðið Serbia mátti kýta seg nógv fyri at fáa ein 2-0-sigur. Nýggj andlit Til uppgávuna í kvøld úttóku lands­liðsvenjararnir, Bill McLeod Jacobsen og Heðin Askham, 22 leik­arar. Fýra leikarar eru úttikinir hesu­ferð, sum ongantíð áður hava um­boðað føroyska U21-landsliðið. Teir eru Dánjal Rói Olsen, B36, Bárður Hansen, Víkingur, Árni Frederiksberg, NSÍ og Gustav Sørensen, ið til dagliga spælir við danska felagnum Næstved. Hin fimti nýggi leikarin er seinni eisini úttikin. Talan er um KÍ-verju­ leikaran, Jógvan Isaksen, sum varð boðsendur eftir at Høgni Eysturoy úr B36 hevur givið avboð vegna skaða. Heini Vatnsdal, Gunnar Zachariassen og André Olsen eru eis­ini skaddir. Harnæst eru fýra leik­arar, sum eru úttiknir til A-lands­liðið. Teir eru Jóan Símun Edmundsson, Kristian Joensen, Hallur Hansson og René S. Joensen. Ørvísi fyrireiking Føroyski hópurin hittist sunnu­ dagin, tá ið fundur og løtt venjing var á skránni. Ætlanin var eisini, at teir skuldu svimja, men vegna streymslit varð hetta av ongum. Leikararnir búgva á Hotel Føroyum, har danska landsliðið eisini býr, og eru dagarnir fongdir við venjing, røttum mati og fyrireikandi fundir annars. Annars kann sigast, at hóp­urin hevur havt heldur øðrvísi fyri­reik­ ingar hesaferð. Mánakvøldið var Sjúrður Skaale á gátt og legði nøkur borgarlig orð fram fyri teimum í eini røðu, har hann tosaði aftur og fram um Føroyar og Danmark. Hóast álvari var í hesum, so: – Ein kann ikki lata vera við at flenna eftir honum, sigur Hans Jørgensen, málverji. Týsdagin var hópurin á vitjan á landssjúkrahúsinum, har teir vórðu vístir runt um allan bygningin. – Tað er vanligt at hava onkra alternativa útferð fyri at kopla eitt sindur frá, sigur André Olsen, sum er við í hópinum hóast hann ikki verður við eftir at hava fingið skaða í dysti fyri B68 leygardagin. Sjálvan dystardagin verður tak­ tikk-fundur kl.11 á morgni, tá ið leik­ ararnir fáa boð um, hvørjir skulu byrja inni. Um middagsleitið verður byrjunaruppstillingin almanna­ kunn­gjørd og kann síggjast á portal.fo. albinus@sosialurin.fo U21-landsliðið: Danmark er seinasta uppgávan Fótbóltur Í kvøld kl.19 spælir føroyska U21-landsliðið sín seinasta dyst í EM-undankappingini. Dysturin verður á Ovara Vølli í Gundadali ímóti Danmark Bill McLeod, sum er annar av føroysku U21-lands­liðs­venj­ ar­unum, hevur góðar vónir undan seinasta undan­kapp­ ingar­dystinum ímóti Danmark. Hann fegnast um, at liðið nú er komið í snúningar. – Liðið hevur seinastu tveir dystirnar av álvara víst, at vit eru komin har til, at vit kunnu spæla við. Tað hevði verið gott, um vit undan kapp­ingar­ ársbyrjan í fjør høvdu tveir ella tríggjar venj­ingar­dystir, soleiðis at vit kundu fingið barna­feilirnar burtur beinan­ vegin. Í staðin hava vit brúkt kanska tveir undankapp­ingar­ dystir upp á at fáa liðið spælt ordiligt inn. Eg haldi tó, at vit í tveimum teimum seinastu dystunum hava víst, at vit eru við at vera har, og vónandi fáa vit víst tað ímóti Danmark, sigur Bill. Hann hevur ongantíð stúrt fyri at fara eftir øllum trimum stigunum. Fara tit so eisini eftir sigrinum ímóti Danmark? – Ja, avgjørt. Vit hava vunnið Russland á heimavølli; tað nyttar ikki at blíva við at koyra upp á tað, men vit hava eisini spælt javnt ímóti Makedonia, sum er eitt útmerkað lið. Serbia, sum er oddalið og danir meta sum favorittar at vinna bólk­in, høvdu vit í knøðunum her síðst. Úrslitini hava ligið har og bíðað, men vit hava bara ikki tikið av, heldur hann. Hvat viðvíkur dirvi og álops­ kendum fótbólti er før­oyska U21-landsliðið kanska tað vágafúsasta føroyska lands­ liðið í søguni. Á bestan hátt verð­ur stóri undirlutin í fólka­ tali púra gloymdur og leikar­ arnir fara á vøllin fyri at spæla við um sigurin. Tað er líkt til, at teir so sanniliga eisini ætla tað hesa­ferð. – Vit fara at gera tað, sum hava roynt at gera hvønn dyst, og tað er at fyrsta korterið leypa á við øllum tí, sum vit eiga. Vit fara at royna at koma niðan á vøllin at trýsta teir. Onkuntíð hava vit fingið okkurt burturúr og onkuntíð ikki, men oftast kemur tað óvart á hini liðini, at vit tora somikið væl at leypa á. Vanliga klárar eingin alt halda eitt trýst nakað serliga leingi, so aftaná eitt korter detta vit kanska longri aftur, men tað er náttúrligt, sigur Bill, sum tó hevur eina plan B tøka. – Vit royna so at bylgja og flyta spælið fram á vøllin, leggja okkum aftur og royna at spæla umstilling og mót­álop. Vit gera soleiðis, sum vit gjørdu ímóti Makedonia og Serbia, og tað vænti eg, at danir eru fyrireikaðir uppá. Teir síggja sjálvandi eisini sjón­banda­upp­ tøkur av okkum, soleiðis sum eisini síggja av teimum. Vit hava fyrireikað okkum til tað spælið, sum teir spæla, vissar Bill McLeod Jacobsen. Danski U21-landsliðsvenjarin, Morten Wieghorst, er á fyrsta sinni í Føroyum. Eins og flestu ferðafólkini sigur hann seg vera bergtiknan av vakra landslagnum, men eisini er hann bergtikin av føroyskum ítrótti. – Sum ítróttartjóð eri eg ov­farin av Føroyum. Eisini her á U21-fótbóltsstøði. Ja, tit hava fingið nøkur tap, men tit hava eisini fingið nakrar góðar javnleikir her á heimavølli, og eg meti, at tað eiga tit allan heiður fyri og vit hava stóra virðing fyri hesum, sigur Morten Wieghorst, sum hevur roynt seg fyrr ímóti hesum før­ oyska liðnum. Tá vunnu teir 4-0 í Aalborg. – Vit vóru spælstýrandi og komu á odda 2-0, tá ið Føroyar fingu brotsspark, sum Kristian Fæste bjargaði. Tað kundi verið gingið øðrvísi hjá okkum, men eg haldi, at sigurin var í lagi, sigur Morten. Hann leggur dent á, at Før­ oyar als ikki skulu undir­met­ast sum mótstøðulið. – Føroyar er eitt trupult mót­støðulið. Teir vita, at teir eru teir lítlu, sum spæla ímóti stórabeiggja. Teir berjast væl. Tað sóu vit síðsta ár, hóast vit vunnu dystin 4-0. Um vit taka nakað fyri givið, so verð­ur tað trupult hjá okkum, sigur Morten Wieghorst við heima­ síðuna hjá danska fótbólts­ sam­bandinum. Morten Wieghorst: Vit undirmeta ikki Føroyar Bill McLeod Jacobsen: Vit leypa á fyrsta korterið Ein av føstu monnunum á U21- landsliðnum, sum eisini er næst­ besti málskjútti í Effodeildini við 13 málum, er Klæmint Andrasson Olsen úr NSÍ. Hann spældi eisini við ímóti Danmark í fyrra dystinum landanna millum, og veit tískil hvørja mótstøðu teir kunnu vænta sær. – Teir eru væl fyri tekniskt og kvikir. So at siga allir, sum eru við, eru profilar á Superligu-liðum, so tað er á einum ógvuliga góðum støði, teir spæla á, sigur Klæmint. Hann eftirlýsir dirvi í dystinum í kvøld og vil fegin hava sítt lið longri fram á vøllin. – Tað verður nokk ikki sum sein­ast, vit spældu ímóti teimum. Tá lógu vit og vardu og taptu 0-4. Eg vænti vit verða longri frammi á vøll­inum, tí vit vænta okkum okk­ urt stig í øllum førum. Helst trý stig, sigur hann og vísir á, at um teir bara tora at spæla, so kunnu teir geva Danmark skarpan gang. – Leikararnir, sum vit hava við, eru allir sterkir og spæla á bestu liðunum í landinum. Um vit tora at spæla og geva okkum tíð til tað, so kann tað verða heilt gott, sigur Klæmint at enda. albinus@sosialurin.fo Klæmint Andrasson Olsen: Helst trý stig Føroyski U21-hópurin: Málverjar: Teitur Gestsson, HB Hans Jørgensen, B68 Verjuleikarar: Viljormur Davidsen, NSÍ Erling D. Jacobsen, Víkingur Rógvi S. Holm, HB Høgni Eysturoy, B36 Jan Ellingsgaard, ÍF Bárður Hansen, Víkingur Sørmundur Á. Kalsø, KÍ Jógvan Isaksen, KÍ Gustav Sørensen, Næstved (DK) Miðvallarar: Karl Løkin, ÍF Róaldur Jakobsen, B36 André Olsen, B68 Árni Frederiksberg, NSÍ Framherjar: Gilli Sørensen, TB Dánjal á Lakjuni, ÍF Páll Klettskarð, KÍ Klæmint A. Olsen, NSÍ Kaj Leo í Bartalsstovu, Víkingur Dánjal Rói Olsen, B36