fríggjadagur 17. august 2012síða 54

vika 34 l 20. august 2012 10 vikutíðindi Fer glaður til arbeiðis á Akstovuni hvønn dag – Virkisvirðið hjá Akstovuni er trygd, tænasta og trivnaður. Grundleggjandi arbeiða vit fyri størri trygd í ferðsluni, samstundis sum vit ynskja at veita eina skjóta, góða og rætta tænastu og skapa trivnað fyri starvsfólk okkara, sigur Jákup Jacobsen, stjóri Vilmund Jacobsen 57 ára gamli, Jákup Jacobsen, sum hevur verið stjóri á Akstovuni síðan á heysti í 1997, er føddur og upp­vaksin í Porkeri. Hann tók real­skúla­prógv í Vági í 1972 og fekk sína skriv­stovu­ útbúgving á Fútaskrivstovuni í 1975. Men hetta er ikki einasti lærdómur, sum hann hevur. Jákup hevur bæði út­ búgvingar og drúgvar og fjølbroyttar ar­beiðsroyndir. Í 1979 gjørdist hann útbúgvin løg­ reglumaður á Politiskúlanum í Keyp­ mannahavn. Hann hevur eisini tikið merkonomskeið í virkisbúskapi og leiðslu á Føroya Handilsskúla, eins og hann hevur tikið grundskeið í lóg og ríkisrætti. Eisini í vinnuni Vikublaðið spurdi Jákup Jacobsen, hvør leiðin hjá honum hevur verið fram til starvið sum stjóri á Akstovuni. – Mín starvsleið byrjaði hjá fút­ anum og løgregluni, har eg var í 10 ár. Síðan arbeiddi eg á Føroya Fiskasølu í eini 15 ár. Jákup sigur, at tá fiskivinnan mið­skeiðis í nítiárunum var í stórari kreppu, og alt var so ótrygt, byrjaði hann at hyggja seg um eftir nýggjum møgu­leikum. – Tá høvi beyðst á heysti í 1997, søkti eg starvið sum stjóri á Akstovuni, sum tá bar navnið Bileftirlit Føroya. Eg fekk starvið, og sjálvt um nógv er at gera, og tað leikar hart á viðhvørt, fari eg við gleði til arbeiðis hvønn dag og trívist væl í starvinum. Dagligu uppgávurnar hjá stjóranum á Akstovuni eru í fyrsta lagi at leggja arbeiði á stovninum til rættis, og hetta verður gjørt saman við trimum dugna­ ligum deildarleiðarum. – Eg havi eftirlit við, at upp­gáv­ urnar verða framdar, og at tillutaðar játtanir verða hildnar. Aðrar uppgávur eru lógarfyrireikandi arbeiði á virkis­ økinum hjá Akstovuni, at vera sparrings­partnari hjá leiðslu og starvs­fólki, og so fer ein partur av tíð­ini til viðgerðir av kærum. Trygd í ferðsluni Hvussu sær so stovnurin – Akstovan – út, og hvørjar eru uppgávur stovns­ ins? Her vísir Jákup Jacobsen fyrst á, at Akstovan fekk nýtt navn, búmerki og nýggjan samleika, sum tað verður rópt, á heysti í 2005. – Virkisvirði stovnsins eru trygd, tæn­asta og trivnaður. Grundleggjandi arbeiða vit fyri størri trygd í ferðsluni. Samstundis ynskja vit at veita eina skjóta, góða og rætta tænastu og at skapa trivnað fyri starvsfólk okkara. Á Akstovuni er nógv at gera, og nógv viðskiftafólk koma á gátt hvønn dag. – Í meðal eru umleið 60 viðskifta­ fólk í avgreiðsluni dagliga, umleið 40 fólk til sýn við bilinum dagliga og ein rúgva av koyrinæmingum til teori­ royndir og verkligar koyriroyndir. Stjórin sigur, at uppgávurnar hjá Akstovuni eru at fremja akfaraeftirlit, at fremja akfaratøkniligar kanningar, at umsita akfaraskráseting, at umsita innkrevjing av vegskatti, umsita inn­ krevjing av skrásetingargjøldum, stíla fyri koyriroyndum, at útvega fólki koyri­ kort, umsita skráseting av koyri­kortum – og at vera øðrum myndugleikum til hjálpar í ferðslumálum. – Vit hava høvuðsdeild í Havn, deildir til bilsýn og koyriroyndir í Klaks­vík og á Tvøroyri og sýnshøll til bil­sýn í Saltangará og á Sandi, sigur stjórin á Akstovuni, Jákup Jacobsen. Fakta: Navn: Jákup Jacobsen Aldur: 57 ár Hjúnarfelagi: Sunnva Børn: Malan og Fríða Starv: Stjóri á Akstovuni Á Akstovuni er nógv at gera, og nógv viðskiftafólk koma á gátt hvønn dag