leygardagur 20. mars 2004síða 2

2 Nr. 56 - 20. mars 2004 Nr. 56 - 20. mars 2004 3 So endaði Jósef Hóskvøldið var stóri endabresturin í Norð- urlandahúsinum, tá sangleikurin "Jósef og ótrúliga litfagra dreymakotið" fyri seinastu ferð varð sýndur, og tilsamans hava 6450 fólk sæð leikin. Lesið annars reportagu og samrøð- ur frá endabrestinum í komandi týsdags- blaði JÓSEF Heini í Skorini heini@sosialurin.fo Eftir heili 17 sýningar sein- astu tvær vikurnar er Jósef nú ikki longur at síggja í Norðurlandahúsinum, men fer hann og hansara dreymakot tó leingi fram- yvir at bleiktra á føroyska stjørnuhimmalinum. Stóri sangleikurin hevði sín endabrest hóskvøldið, og eftir 17 almennar sýn- ingar hava 6450 fólk sæð leikin. Ongantíð áður hevur Norðurlandahúsið selt so nógv atgongumerki so stutta tíð, men nú er aftur gerandisdagur hjá teimum gott 100 fólkunum, sum hava verið tengd at verk- ætlanini. Norðurlandahúsið var eins og áður stúgvandi fult hóskvøldið, og fer leikurin í søguna sum ein slóðbrót- andi verkætlan við størstu og skjótastu sølu nakrantíð, har Studentaskúlin í Hoy- dølum hevur verið stig- takari, meðan Tórshavnar Musikkskúli og Tórshavnar Kvøld- og Ungdómsskúli hava átt sína stóra leiklut í frálíka sangleikinum. Reportaga í næstu útgávu Sosialurin var til staðar handan leiktjøldini undir seinastu sýning hóskvøldið, og vegna plásstrot verða reportaga og samrøður at lesa í týsdagsblaðnum við viðmerkingum frá leikarum og fyrireikarum. "Jósef og ótrúliga litfagra dreymakotið" hevði sín endabrest hóskvøldið við seinastu sýning. Meiri verður at lesa um hetta í týsdags- blaðnum Atle Dyregrov fekk topp- karakter Eftir skeiðið um børn og sorg, sum norski sálarfrøðingurin Atle Dyregrov helt hós- dagin var eftirmeting millum luttakararnar. Skeiðshaldarin fekk topp karakter frá næstan øllum luttak- arunum BØRN OG SORG Solby A. Eliasen solby@sosialurin.fo – Á einum skala frá eitt til seks fekk Atle Dyregrov seks frá næstan øllum lut- takarunum, tá ið ráddi um innhald og framløgu á skeiðinum, sigur Annika Andreasen, sum er onnur í felagnum Synergi, sum skipaði fyri skeiðinum. Samanumtikið var talan um eitt sera áhugavert og spennandi skeið, har skeiðsleiðarin fangaði lut- takararnar við søgum frá sínum egna arbeiði saman- tvinnað við mannagongd- um, evnum og øðrum, sum gera seg galdandi, tá børn verða rakt av sorg. Hann tosaði millum annað um, hvussu týdning- armikið tað er ikki at hava ov nógvar loynidómar í familjuni fyri børnunum. Tí royndir vísa, at sannleik- arnir ofta koma fram kort- ini – um ikki annað aðra- staðnis frá, og tað er sera óheppið, um børnini hoyra slíkt frá øðrum enn sínum nærmastu. Norðmaðurin kom til landið mikudagin og sama kvøld helt hann fyrilestur fyri umleið 100 lesandi í høllini á Føroya Lærara- skúla. Hósdagin var so sjálvt skeiðið á Hotel Føroyum, har um 120 luttakarar vóru og lýddu á norska ser- frøðingin. Uppfylging Annika Andreasen sigur, at hetta skeiðið var so mikið væleydnað, at tær hugsa um at fara at skipa fyri upp- fylgingarskeiðum einaferð í heyst ella vetur. – Tað var ikki nakar, sum segði seg ikki kunna hugsað sær at hoyr Atle Dyregrov aftur, greiðir hon frá. Slík uppfylgingarskeið kundu verið eitt nú í til- búgvingarætlanum í skúl- um ella meiri nágreiniligt um evnið sorg. Tær hava ikki endaliga avgjørt nakað, men Annika sigur, at hetta er nakað, sum tær avgjørt at fara at ar- beiða fram ímóti. Eisini arbeiða tær nú við at fyriskipa aðrar fakfesti- valar, sum tann um fjøl- miðlar og onkra ráðstevnur, men onki er endaliga dagfest enn. – Nú eru trý tey fyrstu tiltøkini farin afturum, so nú fara vit at velja okkum nøkur ávís evni burtur úr tí, sum vit arbeiða við, og so verður meira at frætta um komandi tiltøk seinni, sigur Annika Andreasen. Atle Dyregrov fór av aftur landinum fríggjadagin, tí honum dámar ikki at vera ov longi burtur frá sínum starvi í Noreg. Hann hevur býtt sína viku í tvey. Tríggir dagar fara til at arbeiða við børnum á sínari klinikk, og hinir báðir dagarnir fara til ferðing. Norski sálarfrøðingurin og rithøvundurin Atle Dyregrov fekk topp karakter frá skeiðsluttakarunum á Hotel Føroyum hósdagin C M Y K 3 2