mánadagur 27. august 2012síða 10

Mánadagur 27. august 2012 · Nr. 99 10 Sosialurin Hugskot og viðmerkingar – send sms til 225000 Pauli Ellefsen var ríkisgóðkendur grannskoðari og politikari árini 1974 - 1990. Politiska tindin rakk hann, tá ið hann 1981-1985 var løgmaður og stóð á odda fyri borgarligu samgonguni. Pauli Ellefsen var miðvingur. For­ eldr­ini vóru Joen Elias Ellefsen, sum var keypmaður, og Sofía fødd Høj­ gaard og ættað úr Rituvík. Tey fingu átta børn, og Pauli er elstur. Hini syst­ kini eru Petur, Ása, Svend Aage, Jens Eli, Jana, Eydna og Jóna. Pauli var fiskimaður, lærdi til fjarritara og sigldi úti, áðrenn hann bú­sett­ist í Keypmannahavn. Hann ar­beiddi sum grannskoðari hjá revisións­felagnum C. Jespersen, með­an hann las HD í grannskoðan á handils­há­skúlanum. Í 1969 varð hann ríkis­góð­kendur grannskoðari. Fyrst í sjeyti­ár­unum flutti hann til Føroya. Eitt skifti hevði hann saman Jógvani Sund­stein grannskoðaravirkið Sund­ stein & Ellefsen. Eftir at teir vóru far­ nir hvør til sítt, hevur Pauli staðið á odda fyri Grannskoðaravirkinum Pauli Ellefsen, KPMG og saman við øðr­um SPEKT. Hann seldi sín part fyri nøkrum árum síðani. Pauli gjørdist sum eitt skot ein av teim­um fremstu á politiska pallinum. Undan valinum í 1974 var hann við heilt nógvum og stuttum greinum, ið vóru eyðkendar av løttum máli og stíli og beinraknum og einføldum boð­skap­um, ógvuliga markantur í val­ stríð­num. Sambandsflokkurin hevði á vali­num í 1970 fingið eitt umboð í Suðurstreymi. Tað var Trygvi Samuel­ sen, sum varð valdur til floksformann, eftir at Johan Poulsen ikki lat seg stilla uppaftur í 1970. Á valinum í 1974 fekk Sambandsflokkurin í Suður­ streymi aftur eitt umboð. Men hesa ferð var tað Pauli Ellefsen. For­mað­ urin var fallin, og hóast Pauli í stíli ikki var heilt soleiðis, sum hinir ting­ menninir, sum tá umboðaðu Sam­ bands­flokkin, vóru, so varð Pauli Ellef­sen beinanvegin, sum hann var komin í tingið, valdur til formann í Sam­bands­flokkinum. Henda sessin røkti hann inntil í 1990, tá ið hann ikki still­aði uppaftur. Eftir valið í 1974 var Sam­bands­ flokkurin í andstøðu. Breið sam­gonga millum Javnaðarflokkin, Tjóð­veldis­ flokk­in og Fólkaflokkin varð skipað. Hon helt inntil val varð út­skriv­að í ótíð í 1980. Pauli Ellefsen var sera mark­ant­ur andstøðuleiðari, og á val­ unum, sum vóru aftaná, var Sam­ bands­flokkurin stórur. Pro­sent­talið fór frá 19,1 í 1974 og til 26,3 í 1978 og 23,9 í 1980. Á báðum hesum valunum var Sambandsflokkurin størsti flokkur. Samstundis vaks undirtøkan á folka­tingsvalunum ógvuliga nógv. Pauli varð valdur í fólkatingið 1. mars í 1977. Tvey ár frammanundan hevði flokk­urin fingið 23,2 prosent av at­ kvøð­unum. Í 1977 var undirtøkan 31,7 pro­sent! Pauli sat í fólkatinginum frá 1977 til 1990 við undantaki av tíðar­ skeið­num 1981-1985, tá hann var løg­ mað­ur, og so stutta valskeiði 1987-1988, tá hann ikki varð valdur. Eftir valið í 1980 skipaðu Sam­ bands­flokkurin, Fólkaflokkurin og Sjálv­stýris­flokkurin samgongu. Pauli varð valdur til løgmann 5. januar í 1981, og hann sat í løg­man­s­ sessi­num til 10. januar í 1985. Pauli hevði góðan politiskan penn, og hann dugdi væl at røða. Framvegis verð­ur tikið til, tá ið hann í 1. mai dags røðu tosaði um støddina og býtið av sam­felag­sl­ag­køkuni. Pauli var giftur Henni, fødd Ras­ mus­sen. Henni og Pauli fingu fýra børn: Jógvan (1964), Árni (1966), Ann (1972) og Gunn (1975). Árni býr í Havnini, og hini búgva í Hoyvík. Pauli Ellefsen fer til gravar úr Hoy­ víkar kirkju mikudagin klokkan 14. Nøvn Pauli Ellefsen farin Fríggjadagin bórust deyðsboðini av Paula Ellefsen, fyrrverandi løgmanni. Hann doyði eftir stutta sjúkralegu, 76 ára gamal Pauli Ellefsen var løgmaður frá 5. januar 1981 til 10. januar 1985 Hjørleif Niclasen, fysioterapeutur, hevur tann 17. august 2012 lokið prógv í “Master in Fitness and Exercise” (MFT) við Syddansk Universitet í Odense. Masterprojektið bar heitið “Compliance in Primary Care”. Hjørleif starvast sum fysioterapeutur og fitnessvenjari á Havnar Fysioterapi. 8. august 2012 tók Sigrun Jónsveinsdóttir, Saltangará prógv sum Management in Creative Business Processes (Cand. Soc – CBP) á Copenhagen Business School, Keypmannahavn 95 ára føðingardagur Hósdagin 13. september fyllir Poul Christiansen, fyrrverandi málarameistari í Havn, 95 ár. Dagurin verður hildin frá klokkan 17 á Ellisheiminum í V.U. Hammershaimbsgøtu, har øll eru hjartaliga vælkomin. 90 ára føðingardagur Hósdagin 30. august fyllir Petra Arge, Tinghúsvegi 59 í Havn, 90 ár. Móttøka verður í Høllini á Hotel Hafnia 30. august frá kl. 15.00 til 17.30. Prógv Merkisdagar