mikudagur 29. august 2012síða 30

Mikudagur 29. august 2012 · Nr. 100 30 Sosialurin Hugskot og viðmerkingar – send sms til 225000 Ítróttur Tróndur Arge Løtan stendur føst í minninum hjá øllum, sum vóru á Niedersachsen leikvøllinum í týska býnum Hannover tann 16. oktobur í 2002. Bara fáar minuttir fyri tíð er støðan bara 2-1 til týska fótbóltsrisan, tá Jákup Mikkelsen sparkar bóltin langt fram á vøllin. John Petersen loypur upp og setur høvdið á. Inn­ skifti Hjalgrím Elttør setur ferð á og rennur framvið týsku verjuni, og gerst leysur móti Oliver Kahn í týska málinum. Meginparturin av teimum 36.000 áskoðarunum mundu halda ond­ini, tá ungi klaksvíksingurin setur vinsta fót á bóltin. Ólukku tíð, so støkkur bólturin í ein bøkk. Ein bøkk sum Kári Cool seinni gjørdi upp aftur kendari. Bólturin hoppar framvið Oliver Kahn og hevur kós móti málinum, men tekur í stongina og sníkjur seg aftur um baklinjuna til málspark. Nú skulu vit so aftur til Hannover at berjast fyri eina stig­ inum, sum bøkkurin stjól frá okk­ um. Leikvøllurin er tann sami, men hevur fyribils skift navn til AWD-Arena. Mótstøðan hevur enn sama navn, Die Deutsche National­ mannschaft, men manningin er skift út. Týska liðið í 2002 vann um summarið tað árið silvur heiðurs­ merki í HM kappingini í Japan og Suðurkorea, men so gekk eisini bara ein veg. Niður eftir bakka. Liðið, sum vit møta 7. septembur er eitt úrs­lit av eini kollvelting í týskum lands­liðsfótbólti, sum byrjaði stutt fyri HM í 2006, ið var í Týsklandi. Síðani tá hevur Týskland vunnið tvey HM bronsuheiðursmerki, eitt EM silvur, umframt at liðið rakk hálv­finaluna í EM, sum var í summar. Tað er í nógvar mátar eitt betri lið, ið vit skulu møta hesaferð. Tríggir ganga aftur Tað var við stórum spenningi, at fót­bóltssambandið hevði bjóðað til tíðindafund mánadagin. Føroyski landsliðsvenjarin, Lars Olsen, skuldi avdúka hvørjar 19 mans hann hevði tikið út til stóru upp­gávuna. Av teimum 19 eru tríggir, ið ganga aftur frá dystinum í Hannover í 2002. Málverjin Jákup Mikkelsen, sum spældi allan dystin sein­ast. Fróði Benjaminsen, sum spældi allan dystin á miðvøllinum og órógv­aði Michael Ballack so nógv, at hesin ikki vildi býta um troyggju eftir dystin. Triði og sein­ asti maðurin, ið gongur aftur er Hjalgrím Elttør sjálvur, sum varð skiftur inn smáar tjúgu minuttir fyri tíð. – Tá eg sá, at Týskland kom í okk­ara bólk, so hugsaði eg bara nú sleppi eg kanska aftur at møta teimum. Eg hugsi ikki so nógv um dystin í Hannover, men onkuntíð verið eg mintur á hann, segði Hjalgrím Elttør við portalin, tá tað gjørd­ist greitt, at Føroyar og Týsk­ land aftur skuldu møtast í einum undan­kappingardysti. Ongin Atli Gregersen Hetta er fyrstu ferð, at Lars Olsen út­tekur ein føroyskan landsliðshóp til ein undankappingardyst. Hann hevur í sinni at broyta nøkur ting, men á leikaralistanum eru ikki tær kollveltandi broytingarnar. Atli Gregersen er ikki við, Finnur Justinussen fekk sín fyrsta dyst í Íslandi, men er heldur ikki við. Jákup á Borg er aftur tøkur til landsliðsfóltbólt, men hann er ikki við. Hann legði upp til før­ oyska málið niðri í Hannover. Atli Danielsen hevur saman við B36 eitt minni gott kappingarár, meðan ein maður sum Arnbjørn T. Hansen hev­ur skaðar at dragast við. Lars Olsen vildi illa tosa um leik­ arar, sum ikki eru við í hópinum, men greiddi frá, at Atli Gregersen hevur hvat eitt langt leikbann og onkran skaða at dragast við og tí ikki var við. Lars Olsen gjørdi tó greitt, at liðskiparin hjá Víkingi á ongan hátt er avskrivaður á før­ oyska landsliðnum í framtíðini. Súni Olsen er við aftur eftir skaða. Hann avloysir Pætur Dam Jacobsen í hópinum, og er hann før­ur fyri at byrja inni, so ger hann helst tað fyri Hall Hansson á mið­ vøllinum. René Shaki Joensen, Hallur Hansson, Erling Jacobsen, Jóan Símun Edmundsson og Klæmint A. Olsen hava allir spælt við U21 lands­ liðnum í ár, men hava fingið álit frá A-landsliðsvenjaranum. Bara Klose eftir Týski hópurin er ikki úttikin enn, men tað er líkt til at tað verður utt­ an nakran frá dystinum í 2002. Ein­ asti møguleikin er Miroslav Klose, sum skoraði bæði í Hannover og á Tórsvølli. Hann var við týska lands­lið­num til EM endaspælið í summar. Flestu av hinum yvirlivdu ikki koll­veltingina í 2006 og eru eisini givnir sum fótbóltsleikarar. trondur@sosialurin.fo a-landsliðið Dysturin í 2002 í tølum: Týskland - Føroyar 2-1 (1-0) Hannover 16. oktobur 2002 1-0 Michael Ballack, 1 (br) 1-1 Arne Friedrich, 45 (Sjálvmál) 2-1 Miroslav Klose, 59 Føroyar: Jákup Mikkelsen – Pól Thorsteinsson, Jón Rói Jacobsen, Óli Johannesen, Jens Kristian Hansen – Jákup á Borg (Hjalgrím Elttør, 71.min), Fróði Benjaminsen, Julian Johnsson, Øssur Hansen – John Petersen (Helgi L. Petersen, 87.min)– Andrew av Fløtum (Christian Høgni Jacobsen, 78.min). Á bonkinum uttan at koma inn: Jens Martin Kundsen, Hans Fróði Hansen, Jóhannis Hansen og Rógvi Jacobsen Týskland: Oliver Kahn – Christian Worns, Arne Friedrich, Carsten Ramelow (Paul Freier, 46.min) – Bernd Schneider (Sebastian Kehl, 87.min), Torsten Frings, Dietmar Hamann, Michael Ballack, Jens Jeremies – Miroslav Klose og Carsten Jancker (Oliver Neuville, 69). Á bonkinum uttan at koma inn: Jens Lehmann, Ingo Hertzsch, Gerald Asamoah og Tim Borowski Tríggir ganga aftur Fótbóltur Jákup Mikkelsen, Fróði Benjaminsen og Hjalgrím Elttør eru teir einastu, sum ganga aftur frá hópinum, sum í 2002 var um reppið at fáa eitt stig í Hannover móti Týsklandi. Óvist um nakar gongur aftur á týska liðnum Málverjar: Gunnar Nielsen, Manchester City (Ongland) Kristian Joensen, NSÍ Runavík Jákup Mikkelsen, ÍF Fuglafjørður Verjuleikarar: Rene S. Joensen, Brøndby IF (Danmarkn) Jónas Næs, Valur (Ísland) Pól Jóhannus Justinussen, NSÍ Runavík Odmar Færø, Forfar (Skotland) Rógvi Baldvinsson, Ålgaard (Noreg) Erling Jacobsen, Víkingur Miðvallarar: Fróði Benjaminsen, HB Tórshavn Súni Olsen, B36 Tórshavn Hallur Hansson, HB Tórshavn Hjalgrím Elttør, KÍ Klaksvík Christian Lamhauge Holst, Silkeborg IF (Danmark) Framherjar: Daniel Udsen, FC Helsingør (Danmark) Símun Samuelsen, HB Tórshavn Klæmint A. Olsen, NSÍ Runavík Bogi Løkin, ÍF Fuglafjørður Jóan Símun Edmundsson, Viking Stavanger (Noreg) Afturat hesum 19 leikarum, hevur Lars Olsen sent boð eftir fimm leikarum av U21-landsliðnum, sum í fyrstu atløgu skulu venja við føroyska hópinum, áðrenn fari verður til Týskland. U21-leikararnir eru hesir: Viljormur Davidsen, NSÍ Runavík Rógvi S. Holm, HB Tórshavn Gilli Sørensen, TB Tvøroyri Kaj Leo í Bartalstovu, Víkingur Karl Løkin, ÍF Fuglafjørður Føroyski hópurin til dystin 7. septembur 2012: Fróði Benjaminsen, spældi allan dystin á miðvøllinum og órógv­aði Michael Ballack so nógv, at hesin ikki vildi býta um troyggju eftir dystin