fríggjadagur 31. august 2012síða 9

9 Fríggjadagur 31. august 2012 · Nr. 101 Sosialurin Hugskot og viðmerkingar – send sms til 225000 Støðugt fleiri danir enda niðri á botni í samfelagnum við einari tilveru í fá­tækra­ dømi, har tey ikki hava ráð til tað mest neyðuga í ger­andis­ degnum. Tað siga fleiri av teim­um kommunalu borg­ar­a­ráð­ gevun­um við Ugebrevet A4, ið er fakblaðið hjá Fakliga Lands­felagsspapinum, LO. Sum kommunal starvsfólk er tað teirra uppgáva at hjálpa borgar­unum at fáa teirra viður­skifti við avvarandi myndug­leikar avgreidd. Í Holbæk kommunu er Lars Roost Dinesen borgar­a­ ráð­gevi, og hvønn mánað eru tað millum 10 og 15 borgarar, ið venda sær til hansara, tí tey eru sera illa kroyst. Ikki ráð til mat -Hetta eru bæði einlig fólk, men eisini barnafamiljur, har bæði hava havt gott arbeiði, men sum brádliga rúka niður á botn fíggjarliga og ikki hava nakrar pengar til at fáa gerandis­dagin til at hanga saman. Tað eru tey, sum ikki hava pengar til mat, sigur Lars Roost Dinesen og leggur aftur­at, at støðan versnar. -Seinast hevði eg fund við eitt par, sum einki høvdu fing­ið at eta í hálvtannað samdøgur. Tey høvdu etið alt, sum tey høvdu havt heima við hús, og tey kundu ikki ringja til mín, tí tey høvdu einki talitíðarkort. Tí komu tey higar at tosa við meg. Men tað var ov nógv fyri konuna. Hon orkaði ikki meiri. Kann raka øll LO-blaðið hevur hugt í árs­ frá­greiðingarnar hjá teim­um 13 kommunalu borgara­ráð­ gevunum, sum hava virk­að í meiri enn eitt ár, og har sæst, at átta av teimum 13 greiða frá, at teir fáa ofta fyri- spurn­ingar frá fólki, sum eru í stórum fíggjarligum trupul­ leikum. Hetta vita tey í Rådet for Socials Udsatte, og for-mað­ ur­in, Jann Sjursen, stúrir fyri gongd­ini. -Nógv halda, at hetta er ikki nakað, sum kann raka meg og míni, men at tað eru onnur, sum koma í hesa støðu­na. Men soleiðis er tað ikki. Hetta rakar breitt, og tað eru fleiri og fleiri, sum verða rakt og koma í hesa støðuna, sigur Jann Sjur­sen, sum er fyrrverandi fólka- tings­maður. Trongir karmar Sambært teimum kommu­ nalu borgararáðgevunum hev­ur tann kommunala máls­við­gerð­in ein part av skyld­ini av, at fólk enda í fá­ tækra­dømi. Í ársfrágreiðingini gera fleiri av teimum 13 ráð­gevu­ num vart við, at drúgv máls­ við­gerð, men eisini trong­ir lógarkarmar og vant­andi samstarv millum tær ymsu umsitingarnar í kom­mu­nun­ um, gera, at tað er trupult at hjálpa borgar­unum. Men borgararáðgevarnir eru á einum máli um, at tað er serliga eitt, sum ger, at støðugt fleiri danir enda í fátækradømi, og tað er reglan, sum avmarkar rætt­ in til sjúkradagpengar. Stjórn­in hevur boðað frá, at regl­an skal setast úr gildi, men eingin veit, nær tað verð­ur. Stjórnin hevur sett eina nevnd við umboðum fyri fleiri aðalráð at finna tað, sum hon kallar "ta røttu loysn­ina", skrivar Ugebrevet A4. -Tað ræður um at trygg­ ja, at fólk, sum stríðast við drúgva og trupla sjúku, ikki detta út úr sjúkra­dag­ penga­skipanini. Men sam­ stundis er umráðandi, at sum flest av teimum lang­ tíð­ar­sjúkra­meldaðu koma aftur til arbeiðis, sig­ur Mette Frederiksen, ar­beiðs­mark­ naðarráðharri, við blaðið. Sambært blaðnum hjá LO eru tað ikki bara borgara­ráð­gevarnir, sum vísa á trupulleikar við sam­ starvi­num í kom­mu­nunum. Ein kanning, sum Rådet for Socialt Udsatte gjørdi í januar í gjár, avdúkaði, at nógv fólk koma í fíggjarligar trupul­leik­ar, tí at tiltøkini hjá myndug­leik­unum eru ikki nóg væl samskipað. Nógv fólk í Danmark liva í stórum fátækradømi Eingir pengar til mat. Eingir pengar til heilivág. Eingir pengar til húsaleigu. Hetta er eisini dagsins Danmark