fríggjadagur 31. august 2012síða 25

25 Fríggjadagur 31. august 2012 · Nr. 101 Sosialurin Hugskot og viðmerkingar – send sms til 225000 Ítróttur Effo-deildin 22. umfar upptakt Jóannes Hansen ÍF venjarin var lættur um hjartað, tá ið dómarin hevði bríkslað fyri síðstu ferð í Fuglafirði mikukvøldið. Í 2. hálvleiki hevði avrikið ikki ver­ ið nakað serligt, men kortini metti venjarin, at hansara lið hevði 1-1 og harvið stigið uppiborið: – Í 1. hálvleiki vóru vit greitt omaná, og vit áttu at hava skorað. Eftir steðgin eru teir betri, men tað boðar frá styrki og góðum morali, at vit megna at stríðast alla tíðina og í síðsta minutti at skora og harvið at vinna eitt stig, segði ÍF venjarin í samrøðu við útvarpið hjá Kringvarpinum stutt eftir síðsta bríkslið. ÍF venjarin ynskir á ongan hátt at luttaka í prátinum um, at ÍF framvegis hevur góðan møguleika at vinna FM heitið: – Vit tosa ikki um FM. Spælar­ arnir hava fokus á næstu venjingini og næsta dystinum, sum verður á Tvøroyri. FM stríðið verður ikki avgjørt eftir 21 ella 22 dystir, og tosið um søguligu gongdina nyttar einki hjá okkum. Tá ið vit fóru til Havnar at spæla ímóti B36, vóru tað 30 ár síðani síðsta sigurin ímóti teimum har suðuri, men tað eydnaðist okkum við at savna okk­ um um ta uppgávuna at vinna, og nú bíðar ein nýggj uppgáva, sum vit savna okkum um. Tá ið 27 um­ før verða avgreidd, fara vit at telja saman, og tá fæst at síggja, hvussu úrslitið verður, staðfesti Flemming Christensen venjari hjá ÍF í samrøðu við útvarpið hjá Kring­varpinum. 29. apríl tapti ÍF á útivølli ímóti TB 1-0. Eftir vitjanina í Trongisvági bíðar grannauppgerð í Sarpugerði í 23. umfari, og í 27. og í síðsta umfari, sum verður leygardagin 6. oktober, eigur ÍF heimadyst ímóti HB! Mikukvøldið noyddist vong­ verjin í vinstru Jan Ó. Ellingsgaard skaddur av vøllinum. TB er illa spert Tað kom ógvuliga illa við hjá TB, at tað ikki eydnaðist at vinna stig á Vágseiði mikukvøldið. Avrikið var lítið sannførandi, og á Tvøroyri ásanna teir, at tað skulu heilt aðrir bollar á suppuna, um tað skal sleppast undan støðugu hóttanini av niðurflyting. Seinasti sigurin var á heimavølli ímóti FC Suðuroy, tá ið úrslitið var 3-0. Níggju tær seinastu ferðirnar er TB farið av vøllinum uttan at hava vunnið fulla úrtøku. Tríggjar ferðir hevur verið javnt. 19 ára gamli miðvallarin Rógvi Joensen varð skaddur í úti­dyst­ inum ímóti Víkingi, og hann er fram­vegis uttanfyri. joannes@sosialurin.fo TB - ÍF Páll Augustinussen sunnudagin klokkan 15.00 Flemming tosar ikki um FM Fótbóltur ÍF venjarin vil hava sínar spælarar at taka ein dag í senn og bara at hava fokus á næstu uppgávuni, sum kennist ivaleysa stór, tí tvøramenn eru illa sperdir Mynd: Áki Bertholdsen 31 stig skilja heimaliðið og gest­ irnar, tá ið Víkingur sunnu­ dagin fær vitjan av FC Suðuroy. Kortini eru tað gestirnir, sum hava sigur frá mikukvøldinum í viðførinum, tá ið heimaliðið tapti. Í báðum førum var úrs­ litið 1-0. Í Vági vóru teir fegnir um, at tað endiliga eydnaðist at vinna fyrsta sigurin í ár: – Vit flyta niður, og so ræður um at byggja upp aftur, men tað var hugaligt at vinna, hóast fleiri av føstu monnunum ikki vóru tøkir, segði liðformaðurin Palli Augustinussen í samrøðu við Rás2. Víkinga venjarin Jógvan Martin Olsen harmaðist 1-0 tapið í Runavík: – Tað kunnu vit bara takka okkum sjálvum. Vit vóru greitt omaná, men tað kost­aði, at vit ikki megna at fáa úr­tøku burturúr, segði Víkinga venj­ arin, sum nú skal seta steypa­ vinnararnar upp av nýggjum. Hjá Víkingi var Niclas Niclassen uttanfyri miku­ kvøldið. Sølvi Vatnhamar er farin av landinum, og Fritleif í Lambanum, sum seinastu ferð­ irnar ikki hevur verið millum teir fyrstu ellivu, er aftur í hit­ anum. Hjá FC Suðuroy vóru fleiri av føstu monnunum uttanfyri mikukvøldið: Poul N. Poulsen, Jón K. Poulsen, Heri Kjærbo og spælandi venjarin Sasa Kolman. Tá ið Víkingur vitjaði á Vágs­eiði, var úrslitið 1-1. Tá ið FC Suðuroy vitjaði Víking í Fugla­firði, var úrslitið 4-0 heimasigur, eftir at gestirnir høvdu hildið tørn um málleysa javn­leikin í meiri enn ein tíma. Merkisvert ta ferðina var tað, at tvey tey fyrstu málini vóru sjálvmál! Víkingur - FC Suðuroy Eiler Rasmussen sunnudagin 2. september klokkan 15.00 Víkingur skal reisa seg Steypavinnararnir taptu 1-0 móti NSÍ í Runavík Mynd: Álvur Haraldsen