fríggjadagur 31. august 2012síða 24

Fríggjadagur 31. august 2012 · Nr. 101 24 Sosialurin Hugskot og viðmerkingar – send sms til 225000 Ítróttur Effo-deildin 22. umfar upptakt Jóannes Hansen Tað er eingin ivi um tað. Topp­dyst­ urin hesa ferð verður í Streym­nesi. Talan er um sanna lyklauppgerð. EB/Streymur er oddalið og sjey stig frammanfyri HB, ið er á fimta plássi, og sum orduliga hevur funnið stevið. Nakrar dagar undan ólavsøku tóktist tað sum um, at 4-2 tapið á heimavølli ímóti NSÍ bar boð um, at talan fór at verða um eitt av heilt soltnu HB árunum. Síðani hava teir svørtu og reyða spælt fimm ferðir, og úrtøkan hevur verið trettan stig. – Javnvágin á liðnum er vorðin so nógv betri. Vit vóru greiðir yvir, at tað var neyðugt við styrki í summar­steðginum, og tað hevur av álvara styrkt liðið, at Jóhan Troest Davidsen, Rógvi Poulsen og Rókur Jespersen eru komnir aftrat. Tað hongur betri saman mill­um keturnar, vit flyta okkum skilabetri, og so spæla vit okkum til nógvar málmøguleikar. Undan summar­steðginum spældu vit onkra ferðina væl, men botnstøðið var ógvuliga lágt. Soleiðis hevur tað ikki verið seinastu nógvu ferðirnar. Sjálv­sálitið er vaksið saman við góðu avrikunum og úrslitunum, og nú hava vit møguleika at vinna á øllum. HB venjarin Sigfríður Clementsen er væl nøgdur við gongd­ina. Mikukvøldið vann HB altíð torføru uppgerðina ímóti grann­unum í B36 2-0, og síðstu løtuna, tá ið árstalsfelagið ætlaði sær at trýsta fyri at sleppa upp í part aftur, megnaði HB at varðveita bóltin alla tíðina. – Nú spæla vit soleiðis, sum HB plagdi at vera kent fyri at gera. Seinastu árini hevur HB ikki verið spælstýrandi á sama hátt, sum liðið plagdi at vera, men tað eru vit nú, og tað líkar okkum væl. Hvat er uppskriftin upp á at vinna á útivølli ímóti EB/Streymi? – Størsta styrkin hjá EB/Streymi er í skjótum umstillingum. Teir eru lívshættisligir, um tað eydn­ ast teimum at taka bóltin frá mót­ støðu­liðnum, tá ið tað er á veg í álop. Í sovornum førum snýr tað seg um 2-3 sendingar, og so eru framrættaðu menninir framman­ fyri mótstøðumálið. Tí er fyrsta treytin hjá okkum, at vit sleppa undan mistøkum, tá ið vit eru á veg fram. Og tað haldi eg, vit eiga at megna, um vit hava gongdina seinastu fimm ferðirnar í huga, heldur Sigfríður Clementsen. Allir spælararnir hjá HB eru tøkir uttan Vagnur Mohr Mortensen, sum eftir beinbrotið ímóti B36 mikukvøldið ikki verður við aftur í ár. Jóhan Troest Davidsen var niðri í útbúgvingarørindum mikudagin, men nú er hann tøkur aftur. Droyma tit um FM heitið? – HB hoyrir heima í toppinum, men undan summarsteðginum var tað so mikið soltið, at FM heitið varð avskrivað. Nú eru vit á 5. plássi, og um tað eydnast at vinna sunnu­dagin, so verða tað fýra stig fram til EB/Streym og fimm til toppin, um tað eydnast ÍF at vinna í Trongisvági. Málið hjá okkum er at­gongumerki til europeiskan fótbólt, og tað vil siga í minsta lagi fjórða plássið. Um vit varðveita fólkið, sum vit nú hava, so rokna vit avgjørt við møguleikanum at vinna atongurmerkir til altjóða fótbólt næsta ár, sigur HB venjarin. Komnir fyri seg Hjá EB/Streymi snýr tað seg um at fáa spælararnar at koma fyri seg aftur. Meðan HB hevði frí í viku­ skiftinum var EB/Streymur partur av spennandi steypafinalu, og miku­kvøldið endaði toppdysturin í Fugla­firði 1-1. Fram ímóti toppuppgerðini sunnu­dagin verður millum lítið og einki gjørt við venjingina. Tað ræð­ ur um at vinna orkuna aftur. – Vit harmast um, at tað ikki eydnaðist at vinna fulla úrtøku í Fuglafirði, tí vit høvdu møguleikar til tað í 2. hálvleiki, men so mistu vit á stokkinum. Hóast vit ikki vunnu, so eri eg væl nøgdur við av­ rikið. Okkara menn vístu, at teir eru komnir fyri seg aftur eftir steypa­ finaluna, sigur Heðin Askham, venjari hjá EB/Streymi. Egil á Bø er framvegis skaddur. Mikukvøldið var Pætur Dam Jacobsen leikbannaður. Hann verð­ ur við ímóti HB. EB/Streymur - HB Rói Jacobsen sunnudagin 2. september klokkan 15.00 Hetta er møguleikin hjá HB Fótbóltur Sigfríður Clementsen heldur, at hansara menn hava møguleika at vinna á øllum hinum, men um úrtøka skal vinnast í Streymnesi, so skal sleppast undan mistøkum úti á vøllinum, tí toppliðið er sera vandamikið í skjótum álopum Tað eru tvey lið í aldudalinum, sum hittast í Gundadali sunnu­ dagin. B36 hevur bara fingið eitt stig burturúr trimum teim­ um seinastu ferðunum, og B68 hevur bara fingið tvey stig burturúr fimm teimum sein­ astu ferðunum. Merkisvert er tað, at Jákup á Borg, Lukasz Cieslewicz og hinir í B36 ikki hava skorað í trimum dystum á rað. Sambært B36 heimasíðuni hevði B36 frammanundan skorað í 49 lands­kappingardystum á rað – í tíðarskeiðnum 26. september 2010 og fram til 5. august 2012. B36 liðið hevur verið og er framvegis illa plágað at skað­ um, og ímóti B68 verður Súni Olsen ikki við. Hann er leik­ bannaður eftir útvísingina í 2-0 tapinum ímóti HB. Tað brennur orduliga undir toftamonnum. Mikukvøldið kendist tað sum vónbrot at tapa 3-1 á heimavølli ímóti KÍ. Toftamenn vóru hampuliga væl nøgdir við leikliga avrikið, men teir hava framvegis nógvar skaðar at dragast við. Jann Ingi Petersen royndi at hjálpa til ímóti KÍ, men hann noyddist av vøllinum, áðrenn ein hálvur tími var farin. Í hansara stað kom superveteranurin Øssur Hansen inn á miðvøllin. Einar T. Hansen er tøkur aftur eftir leikbannið miku­ kvøldið. joannes@sosialurin.fo B36 - B68 Petur Reinert sunnudagin 2. september klokkan 15.00 B36 finnur ikki málið Tvær ferðir fyrr í ár hava KÍ og NSÍ dystast, og báðu ferðirnar hava klaksvíkingar vunnið fulla úrtøku. Seinastu vikurnar hevur tað gingið væl hjá NSÍ, sum hevur vunnið fimm stig burturúr trimum teimum seinastu av­ bjóð­ingunum. Mikukvøldið kom KÍ aftur á beint við 3-1 sigri á Toftum, eftir at tað tríggj­ar ferðir á rað ikki hevði eydn­ast at vinna nakað stig. Sunnudagin ber til at siggja bestu føroysku málskjúttarnar á sama vølli. Klæmint A. Olsen hjá NSÍ, sum í vikuni varð út­ tikin til landsliðsferðina til Týsklands í næstu viku, hevur skorað trettan mál, og Páll A. Olsen í KÍ hevur skorað fjúrtan mál. Saman við Clayton Soares hjá ÍF er Páll ovast á mál­tind­ inum. Hjá NSÍ er verjuspælarin Jens Joensen tøkur aftur, eftir at hann var leik­bann­ aður mikukvøldið, tá ið NSÍ á heima­vølli vann 1-0 á steypa­ vinn­arunum í Víkingi. Hjá KÍ spældi miðvallarin Ivan Joensen so sannførandi mikukvøldið, at tað verður torført at halda honum á beinkinum ímóti NSÍ. Tríggir KÍ spælarar, sum vóru leik­ bann­aðir mikukvøldið, eru tøkir aftur – Henry Heinesen, Heðin Klakstein og John Hammer. KÍ - NSÍ Juha M. Kanniainen (Finland) sunnudagin 2. september klokkan 15.00 Toppskjúttarnir hittast Mynd: Álvur Haraldsen