mikudagur 5. september 2012síða 12

Mikudagur 5. september 2012 · Nr. 103 12 Sosialurin Hugskot og viðmerkingar – send sms til 225000 Leo Poulsen Tað eydnaðist í gjárkvøldið Brimli at bjarga teimum 10 fólku­num umborð á pólska segl­bátinum, Rzeszowiak. Tað ljóðaði beinanvegin, at ein av manningini lá í óviti, og í morgun var so staðfest, at maðurin var deyður. - Av tí at teir ikki eru so væl mannaðir umborð á Brim­li, ber ikki til at órógva teir í tíð og ótíð, meðan bjarg­ ing­ararbeiðið fer fram. So vit vita ikki so ógvuliga nógv frá bjarg­ingini. Men sum skilst gekst bjargingin væl, sigur Ed­vard Bjarnason, virkandi leið­ari á MRCC við Sosialin í morgun. Bjargingin fór fram við so­nevnda MOB-bátinum (Man Over Board), og fyrst vórðu trý fólk flutt umborð á Brimil, síðani tvey til bert eitt var eftir. - Seinasti persónurin varð so fingin umborð á Brimil, og tá tað var hent, vóru teir báðir skaddu persónarnir fingn­ir umborð á tyrluna og fluttir á flogvøllin og síða­ni við sjúkrabili á Lands­sjúkra­ húsið, sigur Edvard Bjarna­ son. Hann sigur, at Brimil varð verandi á leiðini at hjálpa at seta seglbátin fastan á Rók, sum sleipar hann til lands. Triton var við Føroyar, men avgjørt var, ikki at senda hann avstað móti segl­ báti­num. - Einfalda orsøkin er, at veðr­ið var so ringt, at um Triton fór at sigla, hevði ikki borið til at nýtt tyrluna. Ringa veðrið hevði gjørt, at tyrl­an hvørki hevði kunna farið á flog ella lent aftur, var Triton farin at sigla móti segl­bátinum, sigur Edvard Bjarnason. Brimil kom á Havnina við teimum átta pól­lend­ing­ unum um 8.30-tíðina í morg­ un, og tá tók politiið yvir. Póllendingarnir vórðu verandi umborð á Brimli fram til klokkan 10.30, og klokkan 11.00 var tíð­inda­ fundur um bjarg­ing­ina, men hetta var eftir evstamark hjá blaðnum. Ein póllendi Hóast bjargingin av teimum 10 fólkunum gekk væl vísti tað seg, at tann eini póllendingurin umborð á seglbátinum var so illa skaddur, at hann bar ikki boð í bý