fríggjadagur 7. september 2012síða 32

nr. 104 · 7. september 2012 4 VIKUSKIFTI Føroyar fáa Hvat roknar Føroya løgmaður við, at dysturin millum Týskland og Føroyar endar við? Hvat ger fyrrverandi landsliðsvenjarin, tá landsliðið spælir? Og hvussu heldur Jákup á Borg, sum spældi í móti Týsklandi seinast, at Føroyar fáa eitt gott úrslit? Sosialurin hevur spurt ymisk fólk, sum varða føroyska fótbóltslandsliðnum, hvat tey rokna við í kvøld lagt til rættis: Rólant Waag Dam Fert tú at hyggja eftir dystinum? Ja, sjálvandi fari eg at hyggja eftir føroyska fótbóltslandsliðnum. Tað fari eg at gera heima við hús saman við synunum og onkrum vinmonnum. Hvussu fáa Føroyar eitt gott úrslit? Lars Olsen, landsliðsvenjarin, hevur púra rætt, tá hann sigur, at vit ikki bara kunnu liggja og verja. Soleiðis skapar eingin úrslit! Seinastu tíðina hava vit eisini sæð bæði U19- og U21-landsliðið fáa góð úrslit við at tora at spæla bólt. Hesir leikararnir eru eisini við at vinna sær fleiri altjóða royndir, enn onkrir av teimum eldru, so tað verður spennandi at síggja, hvussu leikur fer, nú fleiri yngri leikarar eru við. Hetta er tó ein sera trupul uppgáva uppgáva í móti einum av heimsins sterkastu tjóðum, men vit hava yvirraskað áður. Hvat endar dysturin við? Eg eri optimist av natúr, so eg trúgvi upp á, at vit kunnu fáa ein javnleik. Tað hevði verið fantastiskt, um vit spældu 1-1. Fert tú at hyggja eftir dystinum? Tað fari eg at gera heima í stovuni saman við familjuni. Tað er øðrvísi at standa á síðulinjuni, so nú kann eg njóta landsdystirnar øðrvísi, har eg fái alt við í slowmotion, síggi alt umaftur og hoyri alt, sum sagt verður. Hvussu fáa Føroyar eitt gott úrslit? At vinna er best og ein javnleikur næstbest. Vit mugu tó minnast til, at vit spæla í móti einum av heimsins sterkastu tjóðum. Men har kunnu tvey ting vera avgerandi. Eitt er, um Týskland undirmetir okkum, og tað eru tað onkrar ábendingar um út frá myndunum, vit hava sæð frá teirra venjingum. Hitt er, at í dystum sum hesum, so spæla okkara leikarar ofta yvir evnið. Hvat endar dysturin við? Eg giti, at vit standa eftir sum taparar við tveimum málum. Mítt boð er 3-1 til Týsklands. Kaj Leo Holm Johannesen løgmaður og fyrrverandi landsliðsmálverji Jógvan Martin Olsen venjari hjá Víkingi og fyrrverandi landsliðsvenjari