mikudagur 12. september 2012síða 14

Mikudagur 12. september 2012 · Nr. 106 14 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni, og Bjørg Róin, lærari á Føorya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sos.fo, og so svara Holger og Bjørg tær her í Sosialinum. Lestrarárið er byrjað nógva staðni – eisini í Danmark, og vit hoyra dagliga um føroyingar, sum ongan bústað hava fingið, sjálvt um tey flestu hava søkt um kollegiiíbúð í góðari tíð og nú kortini standa uttan egnan bústað og ofta á einum bíðulista, sum er eitt hálvt til tvey ár. Hvat er at gera? Tey flestu hugsa um kollegiir, tá tey fara til Danmarkar í lestrarørindum. Fleiri kollegiir eru við í eini skipan, har kømur vera býtt út av eini býtisnevnd fyri fleiri kollegiir. Onnur kollegiir ynskja sjálvi at býta kømur út, og her skalt tú søkja til hvørt einstakt kollegii. Á niðanfyristandandi heimasíðum kanst tú síggja, hvørjar mannagongdir tey ymisku kollegiini hava: • www.ug.dk (om at søge bolig) • www.ungdomboliger.dk • www.kollegierneskontor.dk • www.boliger.dk/kollegier.php Allar umsóknir fara fram online. Nógv lesandi búgva ikki á kollegium, og tað eru fleiri aðrir íbúðarmøguleikar, enn at búgva á kollegium, t.d. • Privat leiga • Búfelagsskapur • Lútaíbúð • Framleiga íbúð • Eigaraíbúð Her eru nakrar góðar heimasíður: • www.findbolig.nu • www.boligbutikken-for-ht.dk • www.lejebolig.dk Okkara ráð eru : • Skriva teg upp til íbúð so nógvastaðni so tíðliga sum gjørligt • Sig øllum, tú kennir, at tú leitar eftir bústað • Fylg við bústaðarmarknaðinum í bløðunum bæði donsk og føroysk • Kanna uppslagstalvur í supermarknaðum, á útbúgvingarstovnum og á kollegium. Á kollegium og útbúgvingarstovnum hugsa vit serliga um framleigu í eitt styttri ella longri tíðarskeið, tí sera nógv lesandi eru burtur í lestrarørindum í eitt ávíst tíðarskeið og ynskja tí at framleiga teirra íbúð, meðan tey eru burtur. • Lýs og les í føroyskum bløðum Bjørg og Holger Soleiðis leitar ein lesandi eftir íbúð í Danmark Spurnarsíðan Spyr og fá svar um útbúgvingar. Allar. Allastaðni. Góðu tit bæði Eg havi lisið í Danmark í 3½ ár og havi nú eitt professiónsbachelorprógv. Eg havi, meðan eg las, fingið SU. Nú eri eg saman við mínari familju flutt til Føroyar, og útlitini fyri at eg kann fáa arbeiði í Føroyum, eru ikki av teimum bestu. Mín spurningur til tykkum er: Um eg fari undir víðari lestur í Føroyum, hvussu ávirkar tað mínar møguleikar at fáa studning úr ÚS, tá eg longu havi fingið SU úr Danmarki 3½ ár??? Vh xxx Hey xxx Tín spurningur er sera relevantur nú, tí nógv eru í somu ella líknandi støðu sum tú, t. v. s. fólk sum nema sær útbúgving í meira enn í einum landi. Viðvíkjandi stuðuli er høvuðsreglan, at tú í mesta lagi kanst fáa stuðul í seks ár. ÚS (Studni - FO) og SU (Statens uddannelsesstøtte -DK) samstarva, og millum annað er tað ein avtala, at stuðul til í mesta lagi seks ár er gjaldandi, eisini um ein lesandi t. d. byrjar at lesa í Danmark (fær SU) og seinni velur at lesa Føroyum (fær ÚS). Til ber at søkja um dispensatión frá teimum seks árunum. Les meira um hetta á www.studni.fo og á www.su.dk Vinarliga Holger og Bjørg Spurningur Nær eru umsóknarfreistirnar at søkja um upptøku á hægri útbúgving í útlondinum? P.P.P. Hej P.P.P. Umsóknarfreistirnar at søkja um upptøku á hægri útbúgving eru rættiliga ymiskar frá landi til land. Men minst til altíð kanna freistirnar í góðari tíð, tvs. eitt ár áðrenn lestrarbyrjan, og gloym ikki at kanna upptøkukrøvini samstundis! Danmark Kvote 2, freistin er 15. mars. Søkir tú um kvotu 2, er tað samstundis ein umsókn umvegis kvotu 1, har freistin er 5. juli. Umsóknarbløðini eru klar umleið 1. februar á: www. optagelse.dk, og skal vera frammi innan 15. mars klokkan 12.00. Fyri kvotu 1 er umsóknarfreistin 5. juli. Les meiri um reglurnar á www.ug.dk Noregi + Svøriki Vanliga er freistin 15. apríl. Les meira á: www.samordnaopptak.no og www.vhs.se Ísland og Finnland Umsóknarfreistirnar eru ymiskar frá stovni til stovn. Vanliga eru umsóknarfreistirnar til hægru útbúgvingarnar millum januar og juni. Umsóknarbløð fáast á lærustovnunum. Stóra Bretland Vanliga umsóknarfreistin fyri hægri lesnað í Stórabretlandi er 15. januar, men fleiri lestrastovnar velja at umhugsa umsóknir fram til 30. juni. Føroyingar hava síðan 2007 verið roknaðir sum EU íbúgvar í Stórabretlandi. Til ber at søkja gjøgnum www.ucas.com. Tað er møguligt at søkja frá 1. september árið áðrenn lestrarbyrjan, og ein søkir sum einstakur lesandi og IKKI gjøgnum ein skúla. Við leinkjuna "Apply" er møguligt at finna góða vegleiðing. MINST TIL at umsóknarfreistirnar til Oxford og Cambridge umframt lækna, djóralækna og einstakar aðrar útbúgvingar eru 15. oktober árið fyri, sum tú ætlar tær at byrja. Lesið meira á www.ucas.com. Harafturat krevja fleiri lestrastovnar innan læknavísindi í Stórabretlandi at nýggj lesandi hava meldað seg til eina eyka roynd (BMAT ella UKAT), ella at lesandi hava søkt og fingið dispensatión fyri eina tílíka roynd í seinasta lagi september árið áðrenn lestrarbyrjan. Onnur lond Ofta verður umsóknin send beinleiðis til útbúgvingarstovnin, og oftani kann tað vera eitt hálvt ár, áðrenn útbúgvingin byrjar, men tað kunnu vera tøk pláss heilt fram til lestrarbyrjan. Einstøk universitet, millum annað tey heilt kendu og virdu í USA, hava umsóknarfreist eitt heilt ár fyri lestrarbyrjan. Set teg í samband við lestrarvegleiðarar, International Office ella Admissions Service á staðnum, har sum tú ætlar at søkja. Vinarliga Bjørg og Holger