mánadagur 17. september 2012síða 12

Mánadagur 17. september 2012 · Nr. 108 12 Sosialurin Hugskot og viðmerkingar – send sms til 225000 Ítróttarblaðið Heri Simonsen Fyri stuttum var staðfest av IFFHS, felagsskapinum fyri fót­ bólts­søgufrøðingar og fótbólts­ hag­frøðingar, at Jákup Mikkelsen er tann elsti landsliðsmálverjin nakr­an­tíð. Og nú fer at verða kannað, um ein annar klaksvíkingur, Heðin á Lakjuni eisini hevur eitt serligt met innan fótbólt í heimshøpi. Tríggjar greipur Tað sum ítróttarredaksjónin á Sosialinum ætlar at kanna á hesum sinni er, um Heðin á Lakjuni er tann einasti fótbóltsspælarin, sum hevur vunnið »The Double« ella »Greipuna« við trimum ymiskum feløgum í einum og sama FIFA- limalandi. Í 1999 vann Heðin á Lakjuni føroyameistaraheiti og steypa­kappingina við KÍ. Í 2001 vann Heðin á Lakjuni føroya­meistaraheiti og steypakappingina við B36, og í 2004 vann Heðin á Lakjuni føroyameistaraheiti og steypakappingina við HB. Hetta er í sær sjálvum føroyskt met, tí eingin annar fótbóltsspælari í Før­ oy­um hevur vunnið greipuna við trimum ymiskum feløgum. John Petersen vann greipuna við GÍ í 1996, og við B36 í 2001, umframt meistaraheiti við B68 í 1992. Aftur sent til IFFHS Fyrispurningurin er sendur til IFFHS fyri at fáa teir at stað­ festa, at Heðin á Lakjuni er tann einasti fótbóltsspælarin, sum hevur vunn­ið greipuna við trim­ um fel­øg­um í einum og sama FIFA-landi. Spurt verður um IFFHS kann ávísa nakran annan fót­bólts­spæl­ara í einum FIFA- lima­landi, sum hevur vunnið greip­una við trimum feløgum í sama FIFA-limalandi. Tað er ikki serliga sann­líkt, at nakar annar fótbólts­spælari hevur vunnið greipuna við trim­um ymiskum fótbóltsfeløgum í einum og sama landi, men tað má IFFHS so staðfesta. Heðin á Lakjuni, sum er 34 ára gamal hevur umframt KÍ, B36 og HB eisini spælt við NSÍ, umframt, at hann hevur spælt á tí føroyska landsliðnum. Um aldarskiftið var uppá tal, at Heðin á Lakjuni og Jákup á Borg skuldu fáa ein sáttmála enska felagið Watford, men tað bleiv av ong­um. Heðin eigur fýra brøður, sum allir hava spælt við tí besta ella næstbesta liðnum hjá KÍ. Teir eru Jákup Oluf, Jógvan, Kristian og Oddmar. heris@sosialurin.fo Heðin á Lakjuni helst eisini eitt met Fótbóltur Tað er okkurt sum talar fyri, at enn ein klaksvíkingur hevur eitt serligt fótbóltsmet í heimshøpi Føroyski landsliðsleikarin mátti takka fyri seg longu aftaná 11 minuttir í dystinum fyri Silkeborg móti SønderjyskE. Lamhauge maðurin byrjaði hesa ferð í álopinum, men tíverri mátti hann út við skaða í rygginum aftaná bara ellivu minuttum. Silkeborg vann dystin 2-0, men liggur framvegis undir niðurflytinginarstrikuni við sjey stigum. Tað er tað sama sum Brøndby, sum spældi 2-2 móti Horsens. René Shaki Joensen hevur ein minni skaða og er ikki við Brøndby. trondur@sosialurin.fo Jónas Tór Næs spældi allan dystin á høgra bakki, tá Valur spældi 1-1 móti ÍA. Valur kom á odda bara fimm minuttir fyri tíð, meðan eydnaðist ÍA at javna áðrenn dómarin bríkslaði fyri seinastu ferð. Hóast tað mangla trý umfør, so er longu greitt, at FH er íslendskur meitari 2012. Teir hava ellivu stig fleiri enn ÍBV á øðrum plássi. Valur hevur 25 stig á níggjunda plássi. Tað er tólv lið í Pepsi deildini. trondur@sosialurin.fo Jónas fekk javnleik – FH meistari Jóan Símun fekk 10 minuttir í tapi FC Fredericia tapti fríggjadagin fyri Hobro í donsku 1.deild. Føroyski landsliðsleikarin, Jóan Símun Edmundsson, fekk teir seinastu tíggju minuttirnar av illa spælda dystinum. FC Fredericia er komið væl frá byrjan og stríðist í oddinum næstbestu donsku deildini, men fríggjadagin mistu teir annað plássið til Hobro, sum var á vitjan. Úrslitið gjørdist ein 1-0 sigur til gestirnar. Talan var um ein illa spældan dyst, sum helst skuldi verið endaður málleysur. Tað hevði hann eisini um málverjin hjá FC Fredericia ikki gjørdi eitt dropp. Jóan Símun Edmundsson kom á vøllin aftaná 79 minuttir. FC Fredericia hevur 14 stig á triðja plássi, meðan Lyngby hevur 19 stig á fyrsta plássi. Jóan Símun skal í dag spæla við eykaliðnum hjá FC Fredericia móti Esbjerg. trondur@sosialurin.fo Ongin Finnur Finnur Justinussen sat á bonkinum allan dystin, tá Jønkøping Sødra IF vann 2-0 á Trelleborgs FF í næstbestu svensku deildini. Jesper Svens­son og Dustin Corea skoraðu málini. Jønkøping Sødra liggur numm­ar átta av 16 við 29 stigum. trondur@sosialurin.fo 11 minuttir til Christian Lamhauge Holst