fríggjadagur 21. september 2012síða 46

nr. 110 · 21. september 2012 14 VIKUSKIFTI ólátaði popparin Dagurin september21 Sjálvur segði hann seg hava eins stóran týdning fyri tónleikin, sum John Lennon hevði tað. Kanska gevur samtíðin honum ikki heilt rætt, men eingin ivi er um, at Liam Gallagher hevur havt sína stóru ávirkan á popp-tónleikin rundar 40 Ræðu-kongurin 21. september í 1947 varð Stephen King borin í heim. King man vera ein tann kendasti rithøvundin yvirhøvur innan ræðu- og science-fiction genruna. Hann hevur skrivað fleiri enn 50 skaldsøgur og nærum 200 stuttsøgur. Ein tann kendasta útgáva hansara er The Shining, sum varð útgivin í 1977. Trý ár seinni leikstjórnaði Stanley Kubrick filmatiseringini av bókini. Við Jack Nicholson í høvuðsleiklutinum gjørdist talan um helst kendasta ræðufilmin í heimssøguni. Skotskur klassikari 21. september 1832 andaðist Sir Walter Scott. Scott gjørdist fyrsti enskt-skrivandi høvundurin, sum fekk tað, ið kann kallast eitt altjóða navn, og verk hansara vórðu seld í stórum tali í bæði Europa, Australia og í Amerika. Fleiri av verkum hansara teljast í dag millum stóru klassikarnar í enskum skaldskapi – eitt nú Ivanhoe, Waverley og The Heart of Midlothian. Tónleikur Jákup Mørk post@sosialurin.fo Liam varð føddur júst 10 ár eftir, at the Beatles hevði verið í studio til upp­ tøkurnar av Love me do, sum var fyrsta íkastið frá the Fab Four til tónleikin, men tað lá tó ikki í kortunum, at tað var innan tónleikin, at Liam skuldi gerast kendur. Heimið var ófriðarligt, og tá Liam var 10 ára gamal hevði mamman fingið nóg mikið av harðliga pápanum, og sam­an við eldru beiggjunum, Paul og Noel mátti Liam venja seg við eina nýggja tilveru sum skilnaðarbarn. Hetta var tó alt annað enn lætt, og sum 15 ára gamal varð Liam tveittur úr skúl­anum, tá lærararnir ikki longur vildu vera vitni til bardagarnar, sum hann støð­ugt var partur av. Tað var ikki fyrr enn sum unglingi, at Liam kom eftir, at hann hevði serliga tónleikagávur. Og eftir hetta lurtaði hann støðugt eftir bólkum sum The Stone Roses, The Who, The Kinks, The Jam, T.Rex og – ikki minst – The Beatles. Serliga hevði hann als til John Lennon, og sjálvur hevði Liam sagt seg vera eina reinkarnatión av Lennon – sum tó ikki doyði, fyrr enn átta ár eftir, at Liam varð borin í heim. Rakti toppin Tá Liam gjørdist partur av The Rain, var heldur ikki tað nógva, sum bendi á, at talan var um komandi stórbólk. Sam­ an við Paul Arthurs skrivaði hann tað nógva av tónleikinum hjá bólkinum, men tað var ikki, fyrr enn eldri beiggi Liam’s, Noel, gjørdist sangskrivari, at veru­lig ferð kom á. Og sjálvur hevur Liam í onkrari óvanliga bleytari løtu við­gingið, at tónleikurin, sum varð skriv­aður fyrstu árini, var út av lagi vána­ligur. Saman við Noel megnaði bólkurin tó at fáa plátusáttmála, og so er restin at kalla søga. Definitely Maybe gjørdist skjót­ast seljandi debut-útgávan í bretsk­ ari tónleikasøgu. Røddin hjá Liam varð róst til skýggja, og hartil hevði hann eina útstráling, sum dróg túsundtals fjepp­arar til live-framførslurnar hjá bólk­inum. Og næsta útgávan, (What’s the Story) Morning Glory?, vann sær status sum trið-mest seljandi útgávan í Ong­landi nakrantíð. Karismatiska persónligheitin var tó ikki bert til tað betra. Ensku tabloid- miðlarnir høvdu úr at gera við at skriva síðu upp og niður um rúsevnisnýtsluna hjá Liam og um atburð hansara sum heild. Og har var nóg mikið at skriva um. Fleiri ferðir fóru teir báðir Gallagher- brøðurnir til hendurs. Ta einu ferðina segði Liam seg ikki kunna syngja á MTV, tí hann hevði ilt í hálsinum, tó at veruleikin helst var onkur onnur sjúka. Hann tømdi ein eldsløkkjara í andlitið á Paul Gascoigne, og tá hann á sinni fekk bann fyri at flúgva við Cathay Pacific, eftir at hava barst umborð á ein­um flogfari, segði hann bara, at so mátti hann heldur ganga tvørtur um Australia. Samstundis kappaðist Oasis um stóru yvirskriftirnar við Blur, og saman vóru tey bæði orkestrini ímyndin av nýggju Britpop-rørsluni. Ta einu ferðina góvu tey bæði orkestrini enntá út single- plátu sama dag. Tann tvídystin vann Blur, sum við Country House seldi 274.000 eintøk fyrstu vikuna mótvegis teim­um 216.000, sum Roll with it seldi. Men samanlagt gjøgnum 90’ini var Oasis stóra navnið. Triða útgávan, Be Here Now gjørdist nýggjur enskur metseljari, og hóast tað skjótt bert vóru teir báðir Gallagher, sum vóru eftir av upp­runa­manningini, hildu teir fast um stóra fjepparaskarðan. Ikki minst, tí røddin hjá Liam er og verður nakað serligt. Nakað sum eisini verður staðfest av Q-magazine, sum hevði Liam á 11. pláss­inum á yvirlitinum yvir bestu songrøddir nakrantíð. Ikki vaksin Bardagarnir við beiggjan gjørdust at enda ov nógvir, og síðani 2009 hevur Liam verið partur av Beady Eye, sum royn­ir at sláa sítt navn fast innan rock- tónleikin. Fleiri vilja vera við, at Liam í dag er eins góður, sum hann var, tá hann toppaði við (What’s the Story) Morning Glory, men enn hevur bólkurin ikki vunnið seg í nær námind teimum sølutølum, sum Oasis stóð fyri. Men framvegis finnur Liam Gallagher finnur vegin til yvirskriftirnar. Ólátaði tannáringurin verður kanska 40 ár í dag. Men tey fæstu munnu halda, at hann er vorðin vaksin fyri tað.