fríggjadagur 21. september 2012síða 47

nr. 110 · 21. september 2012 15 VIKUSKIFTI Framvegis finnur Liam Gallagher vegin til yvirskriftirnar. Ólátaði tannáringurin verður kanska 40 ár í dag. Men tey fæstu munnu halda, at hann er vorðin vaksin fyri tað Fáir bólkar hava haft eins stóra ávirkan á tónleikasøguna, sum Oasis høvdu tað, eftir at bólkurin sá dagsins ljós í 1991 Upprunaliga æt bólkurin The Rain, og vóru limirnir í bólkinum Liam Gallagher, Paul Arthurs, Paul McGuigan og Tony McCarroll. Í royndin at finna sær ein manager, tosaðu teir við eldra beiggja Liam, Noel. Men hesin vildi heldur spæla við og skriva sangir, og serliga hetta seinna var stóra orsøkin til framburðin hjá bólkinum. Noel skrivaði nevnliga tey nógvu av fyrstu mongu hittunum hjá bólkinum, sum gjørdist sjálvur hornasteinurin í nýggja Britpop hugtakinum. Nakað av útskiftin var í bólk­inum gjøgnum árini, og at enda vóru bert teir báðir Gallagher-brøðurnir eftir av upprunamanningini. Tey flestu siga helst, at teir taka dek­an ov rívan til, tá teir sammeta seg við the Beatles, men hóast alt hevur bólk­urin okkurt at hava sítt reyp í. Eitt nú hava teir havt átta single-útgávur á fyrsta pláss­inum á enska hitlistanum, og eins ofta hava album teirra verið ovast á listanum. Teir hava vunnið 15 NME- virðislønir, níggju Q-virðislønir, fýra MTV-awards og seks Brit-awards. Samanlagt hava teir selt á leið 70 milliónir fløgur, og teir eiga pláss í Guinness metbókini, eftir at teir 22 vikur á rað áttu okkurt lag á enska top-10 listanum. Aðra staðni í somu metbók kann lesast, at bólkurin í 10 ár (1995-2005) átti okkurt íkastið til top-75 list­an í ikki færri enn 765 vikur! Tónlistarliga verður Oasis ofta sammett við the Beatles, sum eyðsæð er stóra fyrimynd teirra. Men eisini siga lim­ir­nir í bólkinum seg hava fingið íblást­ur frá hópin av øðrum stórum nøvn­um. Eitt nú Sex Pistols, Nirvana, Pink Floyd, R.E.M. og Rolling Stones. Kollveltu poppin Altjóða friðardagur Síðani 1982 hevur 21. september verið roknaður sum altjóða friðardagur. Hetta er dagurin, tá kríggj og harðskapur skal tiga, og um allan heim hava fleiri tjóðir, politikarar og eisini militantir felagsskapir hátíðarhildið dagin. Á ST-borgini í New York verður ringt við friðarklokkuni hendan dagin, og eitt nú valdi Armenia sær júst hendan dagin, tá landið í 1991 tók loysing frá Sovjetsamveldinum. Spinks á toppin Tann 21. september 1985 slerdi Michael Spinks sítt navn rimmarfast innan boksiheimin. Larry Holmes hevði leingi sitið á tungvektskrúnuni, men tá Spinks basti Holmes eftir 15 harðar umgangir, hildu tey flestu, at nú hevði boksiheimurin veruliga funnið sær ein nýggjan stórmeistara. Tað gekk tó ikki long tíð, áðrenn ein ungur Mike Tyson fór at gera vart við seg. Og móti honum helt Spinks ikki meira enn 91 sekund, tá aldarinnar dystur skuldi gera av, hvør var kongurin innan tungvekt.