mánadagur 24. september 2012síða 21

21 Mánadagur 24. september 2012 · Nr. 111 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Í hálvtfjórða ár hevur 29 ára gamli Sveinur Justinussen verið niðri, og tað einasta, sum hevur verið at sæð til hann í føroyskum hondbóltshøpi hesa tíðina, var í tríggjar mánaðir, tá hann í praktikktíðini var heima og spældi við StÍF. Men meðan hann hevur verið niðri, hevur hann stórt sæð einki gjørt við hondbóltin. – Eg byrjaði at spæla hondbólt, tá vit fluttu niður, men eg var ikki drúgvur, tí knæið, sum eg havi verið ringur í í eini 12-15 ár, argaði meg so mikið nógv, at eg ikki fekk spælt tað stóra. So tað bleiv til tað, at eg gevst aftur, eftir at eg hevði vant í einar tríggjar mánaðir, og eg kom ikki í gongd aftur, sigur Sveinur. – Men hesa tíðina, eg havi verið niðri, havi eg allíkavæl hildið meg í formi og havi gjørt nokk so nógv við tað. Eg havi bæði runnið og vant í fitness-sentri einar tríggjar ferðir um vikuna, tí mær dámar væl at vera væl fyri. Nú hann hevur verið burtur frá føroyskum hondbólti í nøkur ár, heldur hann tað enn vera kanska í so tíðliga at gera nakra niðurstøðu um, hvat er øðrvísi, men hann rósar Alexanduri Johansen og Mariusi Joensen, ið hann heldur vera fínar venjarar: – Vit plagdu altíð at hava onkran útlending, so tað er eitt sindur øðrvísi við føroyskum venjarum. Men vit hava einki kvøld verið færri enn 20 til venjing, so tað hevur verið øgiliga hugaligt, og at menn eru so spentir at venja, fortelur væl eisini, at venjararnir duga síni ting, sigur Sveinur. – Serliga haldi eg tað vera stutt­ ligt at síggja, at teir hava dugað nokk so væl at slúsa ungar spælarar inn, tí her eru fleiri ungir við góðum evnum. Brendu ov illa Dysturin á Skála í gjár, har StÍF byrj­aði landskappingina við at taka ímóti Team Klaksvík, gjørdist ikki tann heilt stóra avbjóðingin hjá strand­ingum, tí talan bleiv um ein sera sannførandi og knúsandi 31-13 sigur, ið kanska segði minst líka nógv um gestirnar, sum um vertirnar. Mitt í fyrra hálvleiki var støðan 9-1, og tá mundi standa teim­ um flestu greitt, at her bleiv eingin spenningur… – Nei, har var ikki tann stóra mót­støðan, so hetta bleiv ein nokk so lættur dystur hjá okkum. Klaks­ víkingar­nir eru akkurát byrjaðir og hava eisini mist nógv fólk, so teir høvdu ikki so nógv at bjóða, staðfestir Sveinur Justinussen sjálv­ur var toppskjútti við átta av teimum 31 málunum hjá strand­ ingum. – Eg haldi, at skjótálopini rigg­ aðu nokk so væl hjá okkum, og verj­an stóð eisini sera væl, tí teir fingu jú bara 13 mál. Levi Nybo og Eli Gærdum skiftust um at standa í mál­inum, og báðir stóðu væl. Men vit brendu ov nógvar upplagdar kjansir, sum vit áttu at havt fingið mál burturúr. Sveinur heldur, at teir í StÍF saman­umtikið komu væl í gongd við dystinum í gjár, sjálvt um tað er eitt sindur ringt at siga, tá mót­ støðan ikki var so stór. Men hann staðfestir, at fleiri ting riggaðu, og at teir nú bara mugu leggja seg eftir at vera skarpari, tá teir avslutta. – Góð ferð var á spælinum, og til tíðir haldi eg, at vit vóru hampuliga væl samanspældir eisini, men tað verður nokk betri, tá vit hava spælt nakrar fleiri dystir. Vit hava jú ikki spælt meira enn tveir venjingar­ dystir undan kappingini, so fyrstu landskappingardystirnir fara helst eisini til at fáa nógv upp á pláss. Nú hesin fyrsti dysturin er farin aftur um bak, er Sveinur sum so eisini nøgdur við sítt egna avrik og at tað gekk so væl, sum tað gjørdi: – Fyri mítt viðkomandi snýr tað seg her og nú um at fáa dystar­venj­ ing og at koma inn í tað aftur, og hetta var so ein byrjan. Knæið, sum hev­ur verið rættiliga svingandi, er øgiliga gott nú, so eg vóni bara, at tað fer at halda, sigur Sveinur Justinussen. hilmarjan@sosialurin.fo atlantic airways deildin StÍF - Team Klaksvík 31-13 (15-5) StÍF: Sveinur Justinussen 8, Pætur Joensen 7 (2), Teitur Nilssen 5, Jørmund Joensen 3, Jón Rasmussen 3, Marius Joensen 2, Steinar Prestá 2, Jógvan G. Joensen 1 Team Klaksvík: Sámal Olsen 5, Beinur Heðinsson 2, Kjartan Jacobsen 2, Andrias Ellingsgaard 1, Dánjal Kjærbo 1, Heri Thorsteinsson 1, Vilhelm Vilhelmsen 1 Sveinur aftur í StÍF Hondbóltur Ein hin evnaríkasti spælarin í føroyskum hondbólti, Sveinur Justinussen, er nú komin heimaftur, og í gjár var hann sum toppskjútti við til at tryggja strandingum eina góða byrjan í landskappingini Í gjár byrjaði Atlantic Airways- kappingin í manshondbólti, og um einar tvær vikur fer eis­ini Sunset- kappingin hjá kvinn­unum í gongd. Hetta hevur Miðla­húsið aftur í ár valt at sett sjón­eyk­una á, so í Viku­ blað­num, sum í dag verður borið í hvørt hús, er hópin av hond­bólts­ til­fari. Samrøður eru við umboð fyri øll liðini í Sunset- og Atlantic Airways- kappingini, og eis­ini er annað tilfar at finna í ser­blað­num um hondbólt, ið er størri og meira rúgvusmikið í ár enn í fjør. Hondbóltur í Vikublaðnum vika 39 24. september 2012 Ókeypis lýsingarblað Vikutema 2012-2013 Hondbóltur 13 2012 - 2013 Sveinur Justinussen, sum eftir útlegd í hálvtfjórða ár nú aftur er at síggja í føroyskum hondbólti, var við sínum átta málum toppskjútti, tá StÍF í gjár smurdi Team Klaksvík av Mynd: Álvur Haraldsen