mánadagur 24. september 2012síða 22

Mánadagur 24. september 2012 · Nr. 111 22 Sosialurin Hugskot og viðmerkingar – send sms til 225000 Ítróttarblaðið atlantic airways deildin Hilmar Jan Hansen Hóast vestmenningar vóru á odda so at siga allan vegin í fyrra hálvleiki, fingu kollfirðingar teir aftur eina løtu fyri steðgin, løgdu seg á odda og høvdu hálvleiksleiðsluna – og hugdu so annars ikki aftur um seg aftur í restini av dystinum, ið endaði við tryggum og uppibornum sigri til KÍF. At VÍF fekk eina dreymabyrjan og einki riggaði hjá KÍF at byrja við, stóðst ikki minst av, at kollfirðingar brendu eitt hav av møguleikum, meðan vestmenningar í løtum fingu víst, at teir eru væl fyri og veruliga hava styrkt sær liðið, men enn restar nógv í í samanspælinum, og í gjár vóru ov nógvir spælarar í sjálvdrátti. – Eg má viðganga, at eg hevði væntað ein javnari dyst, har tað ikki vóru meira enn eitt ella tvey mál á muni, tá samanumkom. Nú bleiv tað nokk so javnt í fyrra hálvleiki, men eftir steðgin haldi eg, at vit orkaðu betur enn teir, sigur vinstri bakkur hjá KÍF, Hans Eli Sigurbjørnsson, ið var toppskjútti við tíggju málum, harav tey seks vóru í opnum spæli og hini fýra brotskøst. – Jakob Jónsson segði við okkum áðrenn dystin, at vit vóru betur fyri kropsliga og at tað skuldi nokk geva úrslit í seinna hálvleiki. Tað passaði eisini øgiliga væl við, hvussu dysturin bleiv. Hans Eli heldur, at fyrimunurin hjá KÍF er, at liðið er tað sama og at spælararnir eru væl samanspældir, so hjá teimum snýr tað seg snøgt sagt um at arbeiða víðari við tí, liðið longu hevur, og tí var tað alt liðið, ið stóð aftan fyri sigurin. Sjálvur hevur 18 ára gamli toppskjúttin ikki so góðan hug at varpa ljós á sítt egna avrik, men ásannar, at tað mundi vera í lagi: – Eg havi vant øgiliga hart síðani síðsta kappingarár, so tað er deiligt at síggja, at tað gevur úrslit, sigur hann. Hjá kollfirðingum var høgri bakkurin, Andrias Nielsen, eisini væl upplagdur, og ikki minst gjørdi málverjin, Jaspur Joensen, nógv um seg, tá hann serliga ímóti endanum tók nógvar royndir frá VÍF, so tí var einki at siga til, at hann slapp at krýna avrikið við seinasta brotskastinum í dystinum – sum hann sjálvandi eisini setti inn! hilmarjan@sosialurin.fo KÍF orkaði betur Hondbóltur Kollfirðingar vóru í gjár gestir hjá VÍF og sínum fyrrverandi venjara, men vístu seg at roynast betur, vilja meira og – ikki minst – at orka betur, tí KÍF vann uppiborið Hilmar Jan Hansen Dysturin í ítróttarhøllini á Hálsi var ikki bara ein grannauppgerð, men eisini ein dystur, har Kyndil skuldi vísa, hvør dugur var í styrkta liðnum, nú fleiri spælarar eru komnir heimaftur og teir yngru eru blivnir eitt ár eldri, umframt at H71 nú aftur stendur í tí støðu, at eitt meistaraheiti skal verjast. Liðini fylgdust í eitt lítið korter av dystinum, men so fór H71 stormandi avstað og bara økti um munin, so hálv­leiks­ leiðslan var 18-11. Hetta var eisini nakað, venjarin hjá hoy­vík­ ingum var sera væl nøgdur við: – Tað var deiligt at síggja, at menn eru væl fyri og høvdu rætta hugburðin, tí mínir spæl­ ar­ar vóru klárir frá fyrsta bríksli. Eisini var tað stuttligt at síggja, hvussu teir ungu tordu at fara inn á vøllin at taka ábyrgd, og av­talur­nar hildu allan vegin ígjøg­num, sigur Petur Mittún. – Vit spældu øgiliga væl í fyrra hálvleiki, har verjan stóð væl og álopið gjørdi sítt, so vit vóru langt á odda í hálvleikinum. Í steðgi­num tosaðu vit nógv um, hvussu vit skuldu halda ferðina, men tíverri eydnaðist ikki at halda fram í sama stíli eftir steðg­in. Tað vísti seg, at teir í um­klæð­ ing­ar­rúminum hjá Kyndli helst eisini høvdu tosað við stórum bókstavum millum hálvleikirnar báð­ar, tí eftir steðgin var tað Kyndil, ið setti dagsskránna fyri tað allarmesta. Nú vóru tað hoy­vík­ingar, ið runnu aftaná í verjuni, meðan teir í Kyndli mangan komu lætt ígjøgnum og fingu skorað. Ári munaði væl At H71 hevði vunnið sær eina so stóra leiðslu fyri steðgin, skuldi vísa seg at gera mín í síðsta enda, tí tað eydnaðist ongantíð Kyndli at koma heilt upp í nánd av H71, fyrr enn í allarsíðstu løtuni, tá tíðin var ov stutt til, at dysturin kundi koppa. Hartil kom so eisini, at Ári Dam í endanum á dystinum fann stórspælið fram, so hann bæði tók eitt brotskast frá Kyndli og hevði fleiri aðrar týð­ andi bjargingar, ið munaðu væl, so H71 var tey tvey málini framm­an­fyri, tá avtornaði. – Samanumtikið var hetta avgjørt ein fín byrjan upp á lands­kapp­ingina og ein góður dystur, sum kanska bleiv í so spenn­andi ímóti endanum, sigur H71-venjarin, Petur Mittún, ið sjálv­ur hevur eina fortíð sum spæla­ri hjá Kyndli. – Skal siga nakað um mót­ støðu­liðið, so var tað stuttligt at sígg­ja, at Kyndil fyrst og fremst bygg­ir á egið spælaratilfar, sum so verður væl supplerað við øðr­ um spælarum. Hjá teimum vísti tað seg eisini, at tá teir ungu koma inn, so riggar tað væl, og eingin ivi er um, at Kyndil bara manglar at fáa liðið meira saman­spælt, so eru teir eisini við heilt har frammi. hilmarjan@sosialurin.fo Hvør sín hálvleik VÍF-KÍF 26-30 (14-14) VÍF: Martin Ritto 6, Sámal J. Djurhuus 5, Agnar Joensen 5 (1), Filip Jovic 4, Andrias Eriksen 3, Rasmus Juncker 2, Magnus á Rógvi 1 KÍF: Hans Eli Sigurbjørnsson 10 (4), Andrias Nielsen 6, Nicklas Selvig 4, Ási Dam 3, Rúni Joensen 3, Teitur Joensen 2, Jaspur Joensen 1 (1), Tony Weyhe 1 Kyndil-H71 25-27 (11-18) Kyndil: Hörður Fannar Sigþórsson 6, Finnur Hansson 5 (1), Frank Askildsen 4, Ludvík Súnason 3, Høgni Klein Olsen 2, Birgir Poulsen 2, Andrias Sólsker 2, Hans Áki Dal-Christiansen 1 H71: Bogdan Florea 8 (4), Hallur Biskopstø 5, Tróndur Arge 3, Rúni Højgaard 3, Sigmundur Nolsøe 3, Rógvi Sørensen 3, Sigmundur Dahl 1, Høgni Djurhuus 1 Hondbóltur Hoyvíkingar stormaðu avstað í fyrra hálvleiki, uttan at Kyndil fekk fylgt við, men í seinna hálvleiki var vent í holuni, tá Kyndil setti ferð á – men H71 fekk tó hildið fast og vann Kollfirðingar høvdu munin á vestmenningum í gjár, eftir at byrjanin ikki var nakað serlig við nógvum brendum kjansum. Men í seinna hálvleiki sat KÍF á tí mesta Mynd: Álvur Haraldsen