fríggjadagur 28. september 2012síða 53

nr. 113 · 28. september 2012 15 VIKUSKIFTI Fakta Frank Rijkaard Føddur 30. september 1962 Spælt við: Ajax, Zaragoza, Milan, Holland (73 landsdystir) Vunnið: Hollendskur meistari (5), hollendskur steypavinnari (3), hollendsk super-cup (2), italskur meistari (2), italska super-cup (2), UEFA Cup Winners Cup (1), UEFA Champions League (3), Intercontinental Cup (2), EM-vinnari (1) Venjari hjá: Hollandi, Sparta Rotterdam, Barcelona, Galatasary, Saudi Arabia Á vøllinum var Rijkaard aloftast borganin fyri reinum og vøkrum spæli. Men dagin í dag stendur ein einstøk skitin hending eftir UHeimssøgan sigur, at talan er um alt annað enn vanligan fótbóltsdyst, tá Holland og Týskland bresta saman. Í Hollandi vekir tað framvegis óhugnalig minni, tá tosað verður um Týskland og annan veraldarbardaga. Týska kravið um lebensraum gekk millum annað út yvir Holland, sum við etniskt blandaðu fólkasamanseting síni varð sagt vera eitt verri fólkaslag enn týskarar. Talan varð tí eisini um landasorg, tá hollendski totalfótbólturin í 1974 mátti lúta fyri Beckenbauer og hansara monnum, og enn størri var gleðin, tá Holland loksins stóð á sigurspallinum, tá teir vunnu EM-endaspælið í júst Týsklandi. Millum annað við at basa vertunum í hálvfinaluni. Tvey ár seinni var pallurin Italia og 1/8-finala í HM- endaspælinum. Sjálvandi í Milano, har Rijkaard, Gullit og van Basten átti heimavøll við AC Milan, meðan Klinsmann, Matthäus og Brehme spældu sínar heimadystir á sama leikvølli – tó fyri Inter Milan. Týskland vann dystin 2-1, men tað var tann eina hendingin, sum stóð eftir. Góðir 20 minuttir vóru spældir, tá Rijkaard fekk gult kort fyri at fella týska Rudi Völler. Beint eftir hetta spýtir Rijkaard í nakkan á Völler, sum fær gult kort, tá hann roynir at gera dómaran varugan við hetta. Tá frísparkið verður sent innfyri, roynir Völler at filma seg til brotsspark, og tað skapar somikið av øði, at bæði hann og Rijkaard fáa seinna gula frá dómaranum. Völler fyri sjónleik og Rijkaard fyri traðkað eftir týska mótstøðumanninum. Ávegis av vøllinum sóu alheims sjónvarpshyggjarar, hvussu Rijkaard enn einaferð spýtti eftir Völler, og síðani hava týsk bløð mest sum einvíst skriva um hollendsku lama’ina, tá Rijkaard hevur verið á breddanum. Lama’in Nanny Fine Fran Drescher, sum er best kend fyri leiklut sín sum Fran Fine í sendirøðini, the Nanny, varð borin í heim 30. september 1957. Fyrsta leiklutin hevði hon í 1977, tá hon var við í Saturday Night Fever, men hóast hon javnan var at síggja á hvíta løriftinum, so var tað ikki fyrr enn í 1993, tá fyrstu partarnir við Nanny Fine komu á skíggjan. Jeltsin svav Tað gekk ikki heilt eftir forskriftunum, tá írski forsetin, Albert Reynolds skuldi hitta russiska starvsfelagan, Boris Jeltsin, tann 30. september 1994. Ístaðin fyri Jeltsin kom varaforsetin, Oleg Soskovets, á fund, og hann bar boðini um, at Jeltsin svav. Almenna umberingin var, at Jeltsin hevði trupulleikar við blóðtrýstinum, og at læknin tí hevði sagt, at tað var best, um hann ikki fór av flogfarinum, sum stóð á flogvøllinum.