fríggjadagur 5. oktober 2012síða 47

nr. 116 · 5. oktober 2012 11 VIKUSKIFTI undir­lív hennara fyri at vita, um hon veru­liga var jomfrú. Hesar kanningar verða mettar sum eitt slag av píning, um tær verða gjørdar uttan samtykki frá kvinn­uni. – Hermenninir og yvirmenninir stóðu og hugdu at, tóku myndir og stutt­leikaðu sær. Tá eg bað teir fara, góvu teir mær elektriskan stoyt í búkin og niðr­aðu meg á ein sera ágangandi hátt. Eg orkaði ikki meiri. Um hasin mað­urin var lækni, hví brúkti hann so fimm min­uttir til at kanna meg? Vann rættarmál Samira er tann einasta av teimum 18 kvinnunum, sum vórðu tiknar á Tahrir- plássinum tann dagin, sum hevur greitt frá, hvat hendi teimum. Hinar tordu ikki. Tær ræddust skommina og for­ døm­ingina. Men tað eru nógvir egyptar, bæði menn og kvinnur, sum halda, at Samira Ibrahim gjørdi tað rætta. Á nógvum húsaveggjum í miðbýnum í Kairo eru tekningar við andliti hennara, og fleiri vildu fegin sleppa upp á myndir saman við henni. Við hjálp frá pápanum og hinum í familjuni gjørdi Samira av at fara til dómsvaldið við tí, sum var hent sær, hóast hon bleiv løgd undir at lúgva og bleiv hótt við lívinum. Men hon vann. Í desember í fjør staðfesti rætturin, at jom­frúkanningar eru bannaðar í Egypta­landi. Men heryvirmaðurin, sum kannaði Samiru og hinar kvinn­ urnar tann dagin í mars í fjør, bleiv frí­kendur. – Hermaðurin kom fyri ein hern­ aðar­dómstól, og tað kom ikki óvart á okkum, at hann bleiv fríkendur, sigur Samira við NRK. Kortini er hon fegin um úrslitið av rættarmálinum. – Eg tapti ikki málið. Eg vann á hern­aðarráðnum, tí eg noyddi tað at seta forboð fyri jomfrúkanningum í øll­um fongslunum. Eg vann ikki bara á hern­aðar­ráðnum, men øllum tí egypt­ iska lógarverkinum, sigur hon. Ikki revsivert Í frágreiðingini hjá Amnesty Inter­ national sæst, at teir egyptisku myndug­ leikarnir valdu nakrar kvinnur burtur úr teirri mótmælandi mannfjøldini við tí fyri eyga at misbrúka tær. Nú, fleiri mánaðir aftaná, sita tær út­valdu kvinnurnar eftir við einari um­ bering, men einki av teirra málum er kannað. At menn sleppa undan revsing fyri hetta slagið av mannarættindabrotum er ein fráboðan um, at kynsligur ágang­ur ímóti kvinnum verður ikki mettur sum revsiverdur ágangur, sigur Amnesty International. Rættarmálið gjørdi Samiru kenda og avhildna, og í dag eru grafitti-tekningar av henni at síggja í miðbýnum í Kairo Egyptiska kollveltingin • Tann 25. januar í 2011 byrjaðu stórar mótmælisgongur ímóti egyptiska forsetanum, Honsi Mubarak. Fólk kravdu forsetan frá og demokrati. • Tann 11. februar slakaði Mubarak og kunngjørdi, at hann fór frá, og at eitt hernaðarráð tók við valdinum. • 19. mars var fólkaatkvøða um eina nýggja grundlóg. Stórur meiriluti atkvøddi fyri. • 22. november kom hernaðarráðið við lyfti um, at innan tann 30. juni 2012 skuldi Egyptaland fáa ein fólkavaldan forseta. • 23. desember vóru stórar mótmælis­ gongur í Kairo, har fólk kravdu, at hernaðarráðið legði frá sær. Myndug­leikarnir svaraðu harðliga aftur, og 17 fólk lógu eftirá. • 17. april í ár vrakaði hernaðaráðið tvey av teimum fremstu val- evnunum til forsetavalið. • 23. og 24. mai var fyrra umfar av forsetavalinum. Seinna umfar var 16. og 17. juni, og Mohamed Mursi úr Muslimska Bróðurskapinum er fyrsti fólkavaldi forseti í Egyptalandi. Myndin av kvinnuni í bláum brósthaldara fór sum eldur um allan heimin og vísti, hvussu egyprtiski herurin fór við teimum mótmælandi kvinnunum mynd: Reuters