fríggjadagur 5. oktober 2012síða 46

nr. 116 · 5. oktober 2012 10 VIKUSKIFTI MANNARÆTTINDI Árni Joensen arni@sosialurin.fo – Eg lá har nakin, og eg kendi tað, sum at eg var við í einari framsýning við áskoðarum, sigur Samira Ibrahim. Hon var ein av teimum nógvu egyptisku kvinn­unum, sum máttu finna seg í ein­ ari sokallaðari jomfrú-kanning undir kollveltingini í fjør. – Eg fekk boð um at lata meg úr buksunum. So bóðu teir meg gleiva, og so skuldi ein av monnunum kanna meg, sigur Samira við norska kringvarpið NRK. Hon hevur ilt við at siga frá tí, sum hendi, men royndirnar hava víst, at hennara søga er tann sama søgan sum hjá nógvum øðrum kvinnum, sum mót­mæltu og kravdu demokrati í Egypta­landi. Munurin á henni og hin­ um er, at hon hevur torað at siga, hvat hendi. Søgurnar um tær egyptisku kvinn­ ur­nar undir kollveltingini standa í einari nýggjari frágreiðing, sum Amnesty International legði fram fyri nøkr­um døgum síðani. Har sæst, at nógvar egyptiskar kvinnur vóru fyri harð­skapi og ágangi, men at teir, sum framdu harð­skapin og ágangin, sluppu undan revsing. Jomfrúkanning Frágreiðingin hjá Amnesty Internatinal staðfestir, at egyptiski herurin og løg­ reglan pínfu fleiri fólk, sum vórðu tikin í sam­bandi við mótmælini, og at nógvir fangar eisini vóru fyri kynsligum ágangi. Ágangurin ímóti teimum kvinnuligu fangunum var ofta av kynsligum slagi, og endamálið var at ræða kvinnurnar til at sita heima við hús heldur enn at taka lut í mótmælunum. Tann 9. februar í fjør var eitt mót­ mælis­tiltak á Tahrir-plássinum í Kairo, og Samira Ibrahim og seytjan aðrar kvinnu vórðu tiknar. – Teir dróu meg eftir hárinum frá Tahrir-plássinum til Tað Egyptiska Savnið. Har spulaðu teir okkum við køldum vatni og píndu okkum við at geva okkum elektriskan stoyt, sigur Samira við NRK. Hermenninir góvu kvinnunum molotov-bumbur og tóku myndir av teim­um við bumbunum, tí á tann hátt skuldu teir hava prógv fyri, at teir høvdu tikið kvinnurnar, tí tær vóru vápn­aðar. Tá hetta var liðugt, fóru her­menn­inir til eitt loyniligt stað við kvinn­unum, tí nú skuldu teir kanna, um tær vóru jomfrýr. Samira Ibrahim greiðir frá, at ein maður í hermannabúna kannaði Tann 25 ára gamla Samira Ibrahim noyddist at lata stjórnarhermenninar kanna, um hon veruliga var jomfrú. Men hon var ikki tann einasta kvinnan, sum var fyri ágangi, tá egyptar fóru út á gøturnar at krevja demokrati mátti lata hermenninar kanna um hon var jomfrú Samira Ein hermaður kannaði, um Samira var jomfrú. Ímeðan stóðu hinir hermenninir og hugdu at og stuttleikaðu sær