mánadagur 15. oktober 2012síða 12

Mánadagur 15. oktober 2012 · Nr. 120 12 Sosialurin Hugskot og viðmerkingar – send sms til 225000 Ítróttarblaðið A-landsliðið føroyar - svøríki 1-2 Heri Simonsen, klumma Undirritaði, sum er ein stórur svøríkis-vinur við nógvum góð­ um minnum úr Svøríki gleddi seg nógv til vitjanina hjá tí svenska fótbóltslandsliðnum. Dagin fyri dystin fekk eg eisini orðið á Erik Hamrén, lands­liðsvenjara, sum var sera fryntligur, og vísti hann stóra virðing fyri tí føroyska lið­num. Sjálvur dysturin mill­um Føroyar og Svøríki gjørd­ist eisini ein stór leiklig upp­living, har vit sluppu at uppliva eitt føroyskt lið, sum spældi upp til sítt besta, um­framt, at vit upplivdu at síggja Zlatan Ibrahimovic vísa nakrar av sínum framúr­skar­ andi dygdum, sum fótbólts­ spælari. Alt var ein góð og jalig uppliving til summir av teimum svensku spælarunum, og landsliðsvenjarin lótu munn­in upp, aftaná loknan dyst, og byrjaðu at grenja um gras­líkis­undirlagið á Tórsvølli. 7 av 16 liðum hava graslíki Heimsstjørnan, Zlatan sum ikki vísti seg at hava nakrar trupuleikar í dystinum við at skjóta brandskot, og at leggja upp til mál og skjóta mál, brúkti mestu tíðina frammanfyri fjøl­miðlafólkunum í »Mixed Zone« at grenja um undirlagið á Tórsvølli. Enntá tann fitti, sympatiski og blíði Erik Hamrén byrjaði eisini at skylda uppá undirlagið. Oddafiskarnir í svenska lands­liðshópinum søgdu við ein munn, at tað skuldi ikki verið loyvt at havt ein heimavøll í altjóða kappingum, sum hevur eitt graslíkisundirlag. Stinkandi duppultmoralur! Sjey feløg í tí bestu svensku fót­bólts­deildini, Allsvenskan hava graslíkið sum undirlag. Feløgini, sum hava gras­ líkis­vallir í allsvenskuni eru Elfsborg, Gefle IF, GIF Sundsvall, IFK Norrköping, Syrianska FC, Åtvidabergs FF og Örebro SK. Um vit skulu fylgja logikkinum hjá Zlatan og Hamrén, so skal besta svenska fótbóltsdeildin skerast niður frá 16 liðum, og niður í 9 lið, tí 7 av teimum 16 liðunum í Allsvenskuni hava graslíki, sum undir­lag. Og neyðars Elfsborg, sum er á odda í Allsvenskuni, og liggur til at vinna svenska meistaraheiti. Teirra heimavøllur hevur jú graslíki, sum undirlag, og skal ein taka Zlatan uppá orðið, so eiga teir ikki at sleppa at spæla nakran dyst aftrat á heimavølli í Borås. Miljóningar á graslíki Kim Källström, Rasmus Elm og Pontus Wernbloom hava valt at spæla í tí russisku liguni, har øll fótbóltsfeløg hava skift gomlu runudíkis-vallirnar út við góðar graslíkisvallir. Tað gevur jú nógvar miljónir at spæla á graslíki í tí bestu russisku fótbóltsdeildini. Tá er tað jú heimsins besta undirlag, tí tá tjenar ein feitt uppá tað. Ein skal bara ikki spæla á útivølli við tí svenska lands­lið­ num í Føroyum og í Kasakstan á graslíki. Men allir útidystir- og heimadystir á gras­líki í tí bestu russisku deild­ini má ein liva við, og liva av. Við nógvum russiskum rublum hevur ein ráð at verða duppult­moralskur, tá tað kemur til undir­lagið. Heja Sverige, bara inte på konstgräs! heris@sosialurin.fo Svenskur graslíkis duppult­ moralur Zlatan legði á Fróða Fótbóltur Føroyski landsliðsliðskiparin fann seg ikki í, at Zlatan Ibrahimovic sló eftir honum. Tað endaði við, at svenska superstjørnan legði eftir Fróða Benjaminsen, tá hesir fóru til hálvleiks Tróndur Arge – Tórsvøllur Tað byrjar ein lítlan minutt fyri hálvleik. Støðan er 0-0 og tað dámar einki svensku leikarunum. Pontus Wernblom er alt ov seinur í eina takling við Hall Hansson, og fær gult kort. Tá frísparkið verður sent innfyri fær Fróði Benjaminsen eitt slag frá Zlatan Ibrahimovic. Í sekundunum eftir bríkslar dómarin fyri seinastu ferð. Føroyski liðskiparin finnur seg ikki gerðini hjá svenska fram­herj­ anum. – Hann knallar albogan í gronina á mær uttan nakra sum helst orsøk. Eg spyrji hann so hvat meiningin er við tí. Aftursvarið hjá honum er bara hvussu nógvar pengar hann tjenar afturímóti okkum og at vit eru eitt null, sigur ein argur Fróði Benjaminsen eftir dystin. – Allir fótbóltsleikarar hava uppi­borið at verða behandlaðir eins, líka­mikið hvørjum felagið teir spæla við og hvørjum landsliðið teir spæla við. Ongin hevur rætt til at tosa niður á ein annan, men vit eru eftir hondini vanir við, at onnur ikki virða okkum, so tað er einki nýtt, sigur Fróði Benjaminsen. Fleiri vitni sum Sosialurin hev­ur tosað við vátta, at Zlatan Ibrahimovic legði hond á Fróða, tá teir komu inn í FSF húsið í hálv­ leikinum. Tað er eitt sindur óvist um talan var um beinleiðis slag, ella um Zlatan trýsti hondina niður herð­arnar á Fróða. Sum skilst kom ein av hjálpar­ dóm­arunum í millum og fekk steðga liðskiparunum baðum at fara til hendurs. Fróði sjálvur sigur, at teir ongan­ tíð komu til hendurs. – Vit bardust ikki. Eg eri ikki áhugaður í at berjast við Zlatan, tí hann er ikki verdur tað. Eg fortaldi hon­um hvat eg haldi um hann, sigur Fróði um støðuna. Fróði var heldur ikki bangin fyri at siga sína hjartansmeining um svenska liðskiparan. – Mær dámar hann ikki. Hann er arogantur og vil bara vísa seg. Hann tosar bara um seg sjálvan og spælir eitt skitið spæl, sigur Fróði. Fróði Benjaminsen hevur mang­an verið í tvídysti við stórar stjørn­ur í landsliðsørindum. Ein tann minniligasti dysturin í før­ oyskari søgu er tann í Hannover í 2002. Tá taptu okkara 2-1 og Fróði Benjaminsen fekk øði í týsku stjørn­ una, Michael Ballack. Spurn­ingurin er so um tað er av tilvild, at tað er Fróða, at Zlatan ger seg inn á. – Nei, tað var av tilvild at tað var eg. Hann gjørdi tað eisini móti fleiri av hinum leikarunum og tað hevur hann ongan rætt til, leggur miðvallarin afturat. Fróði var eisini vónbrotin av at standa eftir við ongum, tá alt saman­umkom. – Tað er keðiligt at standa eftir við ongum. Vit spæla bóltin væl í fyrra hálvleiki og halda teimum burt­ur frá møguleikum. Eg trúði allatíð upp á at vit kundu vinna dystin. Tá vit so fáa málið, so hugs­ aði eg at hetta var málið, ið fór at vinna okkum dystin, sigur Fróði Benjaminsen at enda. Tað kann gott vera, at Zlatan Ibrahimovic ikki finnur seg í nógvum, men Fróði Benjaminsen finn­ur seg so slett ikki í nøkrum! Liðskipararnir, Zlatan Ibrahimovic og Fróði Benjaminsen Mynd: Álvur Haraldsen