mánadagur 15. oktober 2012síða 13

13 Mánadagur 15. oktober 2012 · Nr. 120 Sosialurin Hugskot og viðmerkingar – send sms til 225000 Ítróttarblaðið A-landsliðið føroyar - írland upptakt Næsta uppgávan er Írland Fótbóltur Eftir frálíka avrikið móti Svøríki fríggjakvøldið, so stendur Írland fyri framman í annað­kvøld. Føroyska landsliðið hevur onkrar smærri snuddir, meðan írska lands­liðið kom til Føroyar við einum 6-1 tapi í bagaguni Tróndur Arge – Tórsvøllur Tað vóru nakrar troyttir og eymir føroyskir landsliðsleikarar, sum vandu á Tórsvølli sunnudagin. Dysturin fríggjakvøldið er ikki kom­in úr beinunum, men tað er einki óvanligt í tí. Millum teir, sum sótu uttanfyri partar av venjingini vóru Súni Olsen, Símun Samuelsen og Odmar Færø. Lagið var gott , serliga millum teir eldru leikararnar, sum vunnu greiðan sigur á teimum yngru í innan­hýsis dystinum teirra mill­ um. Eru allir menn klárir til týs­ kvødið, so verður tað torført hjá Lars Olsen at gera fleiri broytingar á liðnum eftir góða avrikið móti Svøríki. Eisini bleiv 3-0 tapið móti Týsk­landi sett í perspektiv, tá Írlandi tapti ikki minni enn 6-1 á heima­vølli fyri sama týska liðnum. Broytingar? Gunnar Nielsen vandi, so tað er sannlíkt at hann er førur fyri at spæla tveir dystir upp á fimm dagar. Jónas Tór Næs fekk tvær pent­ir í yvirmunnin, men vandi eisini við fullari ferð. Hann mátti á skaða­stovuna at steymast eftir at hava fingið eitt slag í andlitið í dystinum. Pól Jóhannus Justinussen hevði trupulleikar í uppspælinum móti Svøríki, men landsliðsvenjarin ar­ beiðir við eini loysn, sum gevur hon­um ein einfaldan møguleika í avspælinum, tí tað er ikki sterka síðan hjá sterka bakkinum. Hann hevði eisini ávísar trupulleikar móti Týsklandi, men dysturin móti Írlandi skuldi gjarna verið akkurát hansara koppur av te. Írska liðið er ikki nakað teknist lið, men spælir nokk so týpiskan bretskan fótbólt og tað er her at veruliga styrkin hjá Pól Jóhannusi, nevniliga styrkin, kem­ur honum til góðar. Tí vildi tað verið býtt, at broytt upp á nakað í verjupartinum. Á høgra vongi hevur Daniel Udsen havt sínar trupulleikar, men tað er eitt sindur ringt at siga um tað er orsaka av plaseringini sum høgri vongur, at hann ikki trívist. Hann hevur fyrr spælt góðar lands­ liðs­dystir á miðvøllinum. Hann prógvði eisini í EB/Streymi, at hann er millum okkara fremstu mið­vall­ arum, men spurningurin er um hann í dag spælir á nóg høgum stigi í triðj bestu deildini í Danmark. Súni Olsen er nokk størsta navn­ ið, sum situr uttanfyri, men hann tóktist hava trupulleikar við eini forstrekking til venjingina sunnu­ dagin. Her verður eisini torført í verandi støðu at skumpa Fróða Benjaminsen, Hallur Hansson ella Christian Lamhauge Holst av lið­ num. Lamhauge maðurin vandi eisini við fullari ferð og er ikki darvaður av rygginum, sum annars hevur argað í eina tíð. Eru allir menn tøkir og klárir, so er ilt at ímynda sær meiri enn kanska eina broyting, um nakra, til dystin í annaðkvøld. Írska liðið komið til landið Írska landsliðið kom til Føroyar í gjár um fimm tíðina. Teir slikka sárini eftir 6-1 taptið fyri Týsklandi á Aviva leikvøllinum í Dublin. Í Írlandi royna tey at ugga seg við, at tað ikki eru dystirnir ímóti Týsk­ landi, sum verða avgerandi fyri um Írland fær annað plássið ella ikki. Tí Týskland kemur helst at vinna flestu dystirnar alíkavæl og vinna sær fyrsta plássið. Tað eru hinvegin dystirnir móti hinum liðnum í bólkinum, sum koma at avgera hvør fær annað pláss­ið. Hóast 6-1 tapið setur føroyska 3-0 tapið móti Týskland í perspektiv, so er ikki at gloyma, at Írland hóast alt á graslíkinum Kasakstan megnaði at venda einum hóttandi 1-0 tapið til ein 2-1 sigur í evstu løtu. – Vit skulu minnast til, at Man­ chester City vann 6-1 á Manchester United, sum vann 8-2 á Arsenal um somu tíð í Premier League í fjør. Hatta er fótbóltur, sigur John O’Shea. – Um vit vinna á Føroyum, so hava vit seks stig fyri tríggjar dystir. So hava vit ein góðan møguleika fyri at vinna okkum víðari, sigur John O’Shea víðari. Tað er framvegis óvist um fram­herjin, Robbie Keane, spælir týskvøldið. Hann er komin til landið við restina av liðnum, men hevur drigist við ein skaða í eina tíð. Eitt annað kent navn, sum er komið til landið er fyrrverandi lands­liðsvenjarin, írin Brian Kerr. Hann verður sostatt at síggja til dyst­in millum Føroyar og Írland, sum verður í annaðkvøld klokkan 19.00. Ikki gera ein Kýpros Vit hava fyrr brent okkum, tá sjálvs­álitið hevur verið í topp. Ongan­tíð meiri enn tá vit í 1992 fingu vitjan av Kýpros. Tey flestu vóru á einum máli um, at hetta fór Før­oyar at vinna. Tað endaði við at 4.129 áskoðarar fóru vónbrotnir av Svanga­skarði, eftir at Kýpros vann 2-0. Ja, vit hava fingið eitt gott úrslit móti Svøríki og avrikið var gott. Men tað er týdningarmikið at skilja hví vit fingu eitt so gott úrslit. Vit vístu svensku leikarunum tað virðingina teir hava uppiborið og allir stríddist manniliga við teim­um fortreytum sum vit hava. Vit spældu eisini góðan fótbólt, men gjørdu ikki meira við bóltin enn vit eru mentir ímóti fulltíðar fót­bóltsleikarum. Tað kann gott vera, at írland hevur tapt 6-1 fyri kortum. Tað kann gott vera, at Damien Duff og Shey Given eru givnir, men tað er undir ongum umstøðum ein dystur har vit hava rætt til at undirmeta mót­støðuna. Dysturin í annaðkvøld verður í minsta lagið eins harður, sum tann móti Svøríki, sjálvt um ongin Zlatan Ibrahimovic spælir við írska lands­ liðnum. Er avrikið á sama stigi sum fríggja­kvøldið, og tað sigur stong inn heldur enn alboga út, so er møgu­leikin fyri einum uppaftur betri úrslitið til staðar – men tað krevur at vit ikki gera ein »Kýpros« og taka nakað sum helst fyri givið. trondur@sosialurin. Írsku landsliðsleikararnir komu til Føroyar í gjár Myndir: Álvur Haraldsen