mikudagur 17. oktober 2012síða 20

Mikudagur 17. oktober 2012 · Nr. 121 20 Sosialurin Hugskot og viðmerkingar – send sms til 225000 So upplivdu vit tað aftur, at streymurin bara fór mitt í tí heila, hóast talan var um dýrdar veður og enntá ein sunnudag, tá í øllum førum ikki vinnan leggur tað stóra trýstið á netið. Fyri aðru ferð innan fyri tveir mánaðir hendir tað, at streymurin er vekk leingi, og hesa ferð var talan um næst­ an tveir tímar, har tað mesta av landinum lá í streymloysi. Eitt er, at streymurin kann fara orsakað av illveðri ella kavastormi á hávetri. Men við mínum alla­rbesta vilja, dugi eg ikki at síggja nakra haldgóða grundgeving fyri, at SEV ikki megnar at hava eina støðuga streym­veiting í annars bestu tíð og góðum lík­ind­um. Streymslit kem­ur altíð illa við fyri húsar­hald, arbeiðs­pláss og vinnu­lív. Hesa ferð rakti streym­slitið ein stóran kon­firma­tións­ sunnu­dag, so tað mundi koma sera illa við hjá mong­um. Vit kunnu prísa okk­ um lukkulig fyri, at týð­ andi stovnar sum t.d. Landssjúkrahúsið hevur egið neyðstreymsanlegg, tí annars kundu slík streymslit verið til stóran vanda fyri fólk. Og vit kunnu eisini fegnast um, at landsdysturin millum Føroyar og Írland í ann­ aðkvøld heldur ikki er í vanda, tí har hevur komm­unan tryggja seg við at seta upp neyð­ streyms­anlegg. So har slepst undan einum pín­lig­um streymsliti, ið hevði verðið sent kring allan heimin. Sum borgarstjóri í Tórshavnar kommunu, ið eigur og rindar fyri størsta partin av SEV, vil eg biðja um eina almenna frágreiðing um, hvat er hent og hvat verður gjørt, so vit ikki uppliva henda trupulleika aftur í besta veðri. Ella er tað kanska meiningin, at vit noyðast at fáa okkum okkara egna elverk ella at fleiri hundrað neyð­ streymsanlegg skulu setast upp í kommununi og kring landið, so vit kunnu vera vís í at hava streym altíð ? Almenningurin hev­ ur krav uppá at fáa at vita frá hægsta stað í SEV, hvat tað er, sum ikki riggar hjá SEV, tí vit kunnu ikki liva við streymsliti í tíð og ótíð. Hesaferð fingu nýggju turbinurnar á Eiðis­ verkinum skylduna. Eru tær ikki nóg góðar og tryggar ? Eru skeivar tur­binur keyptar ella eru tað menniskjasligir feilir ? Spurningarnir, vit sum eiga og varða av SEV eiga at seta, eru mangir. At umbera við, at talan aftur hesaferð var um eitt “blackout”, og at vit eiga at rokna við hesum fleiri ferðir um árið, er ikki nøktandi svar fyri pengarnar! SEV skyldar eina frá­ greiðing kommunuval 2012 Heðin Mortensen borgarstjóri í Tórshavnar kommunu Eigur kommunan eina framtíð við møguleikum? Anja Rein Valevni Sambandsfloksins í Tórshavn Øll vilja menning - eingin vil broyting, sigur eitt orða­felli. Eg eri borgari í Tórs­havnar kommunu, sum bjóði meg fram sum valevni sam­ bands­floksins til komandi kommunuval. Eg eri mamma at tveimum børn­um og starvist dagliga sum leiðari í stórari fyritøku og eri tí von við eitt arbeiðslív, har broyt­ ingar og samstarv hava ein avgerandi leiklut hvønn dag. Fyri meg eru mest týðandi hornasteinarnir í politiska avbjóðingunum búskapur, vælferð og økismenning. Kommunan hevur eitt støðugt inntøkugrundarlag, men er tað ein veruleiki, at skuldin seinastu árini er hækkað til umleið 250 mió.kr. Ein vaksandi skuld minkar um virkisfrælsið og hevur sum heild avmarkingar við sær. Aðrar avbjóðingar eru arbeiðsloysið og at fólkatalið í Tórshavnar Kommunu mink­ar. Tað hevur týdning, at vit leggja okkum eftir einum miðvísum og skynsomum bú­skaparpolitikki til at tryggja búskaparlig úrslit, sum hava við sær eitt størri nyttuvirði. Vit skulu gagn­ nýta møguleikarnar og virka framsøkið mótvegis teimum avbjóðingum, sum eru. Búskaparpolitikkurin skal gera sítt til, at Tórshavnar kommuna - bæði í fyrstu at­løgu og sum frá líður - hevur ein sterkan og frískan búskap, sum kann verða grundarlagið undir einum varandi vøkstri og so­leiðis tryggja, at vit eisini í fram­ tíð­ini kunnu veita borg­ar­ unum eina góða og trygga tæn­astu. Ein sterkur búskapur er burðardyggur sum merkir, at kommunan hevur eitt fríhald, tá umstøður broytast og vit uppliva sveiggj í bú­ skapinum. Búskapurin skal tryggja eina rótfesta vælferð, sum sæst aftur – tað veri seg í mentan, almanna- og heilsuøki, útbúgving og økis­ menning. Ein sterkur búskapur tekur langtíðar atlit, sum tryggja, at vit alsamt megna at fíggja menningarverkætlanir, íløgur og rakstur – við øðr­ um orðum at vit eisini í fram­tíðini hava ein búskap, sum kann varðveita eina kommunu, sum fylgir við tíðar­innar krøvum. Ítøkiliga meti eg, at hesi politisku búskapartiltøk hava týdning at seta í verk kom­andi árini: • Langtíðarætlan fyri rakstur og íløgur • Endurskoða vakstrar­ ætlanina fyri kommun­ una • Fremja virksemis­ skapandi íløgur Góð leiðsla og miðvís stýring av kommunubúskapinum tryggjar borgarunum góðar tænastur. Í býráðnum fari eg at gera mun. Set kross við mítt navn, soleiðis at vit saman kunnu skapa nakað enn betri! Íbúðar møguleikar til eldri Bjørghild Djurhuus Í Tórshavnar Kommunu er tvey heim bygd til eldri fólk sum eru óhjálpin, og tað eri eg glað og fegin um. Seinastu nógvu árini, hevur tørvurin á slíkum heimum verði so stórur, og er bíðilistin lang­ ur. Nú Boganesheimið er um at verða liðugt, verða 64 búpláss tøk, til teirra sum hava tørv á røkt. Flest okkara ynskja at verða sum longst í okkara egna heimið og er tað eisini púra natúrligt. Fleiri eldri fólk ynskja somuleiðis ein búðfelagsskap, soleiðis at tey kunnu njóta síni eldraár saman við øðrum eldri. Tað eru nógv sum sita einsamøll í teirra heima, og ynskja sær meiri samveru við onnur. Tað er til dømis, nógv hugaligari at sita og eta eina máltið saman við øðrum, og kann hetta eisini verða lívsgevandi og fyribyrgjandi. Tað er staðfest at sosial sam­ vera fyribyrgir senilitet. Veit frá londum rundan um okkum, hvussu tey hugs­ að og brúka alterna­tivar møgu­leikar. Eitt dømi er í hjart­anum í Keyp­manna­ havn, ein studentabústaður, har ung og eldri eru í sama húsið. Tey hava felags vaski­ rúm, onnur felagsøkir og ein stóran góðan hava. Tey ungu búgva í teim niðastu hædd­ unum og tey eldru í egnari íbúð í tveimum teim ovastu hæddunum. Mær vitandi trívast øll líka væl, síðu um síðu, og duga væl at taka atlit til hvønn annan. Eg veit eisini um eitt bú­pláss í Jútlandi, har tey hava bygt nøkur lítil rað­ hús, forma sum ein hesta­ skógvur. Í miðjuni er eitt felagshús, har tey til dømis kunnu eta saman, og halda føðingardagar og annað. Er onkur teirra burturstaddur, ja, so ansa hini eftir húsin­ um. Allir hesir byggihættir, saman við Sambýlum, kunnu nøkta tørvin hjá teimum, sum ikki kunnu vera búgvandi í egnum heimið, og ynskja sosiala samveru. Fíggjarliga eru hesir møguleikar eis­ ini nógv bíligari enn eitt røktarheimspláss. Eg dugi at síggja fleiri møguleikar, og ynski eg eisini at arbeiða fyri, at eldri menniskju verða vird á teirra ellisárum. Gjald fyri valgreinar Vit taka gjald fyri valgreinar í sambandi kommunuvalið. Valgreinar eru greinar frá valevnum og greinar, sum blaðstjórnin metir sum valgreinar. Kostnaðurin er í lutfallinum 1.000 kr fyri fjórðingssíðu.