mánadagur 22. oktober 2012síða 17

17 Mánadagur 22. oktober 2012 · Nr. 123 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Sigast má, at tað er sjáldsom hending, at bara 34 mál verða skotin í einum heilum dysti, men tað var samantalda úrtøkan hjá báðum pørtum, tá Neistin og VÍF leygar­ dagin spældu í ítróttarhøllini á Hálsi. VÍF vann dystin greitt við seks málum og var longu í steðginum á odda við sjey, men langt var millum málini í dystinum. VÍF fekk eina dreymabyrjan og kom á odda 6-1 fyrstu tólv min­ uttirnar, men hóast Neistin ikki megnaði at svara tað stóra aftur, megnaði VÍF heldur ikki at revsa hetta í nóg stóran mun. Kanska greiða hálvleiksleiðslan eisini fekk dússað vestmenningar eitt sindur niður, men í øllum førum var hetta lítið at hyggja at. Í seinna hálvleiki var framvegis langt millum málini, men tá megn­ aði Neistin so at fylgjast við VÍF tað fyrsta korterið, áðrenn VÍF eftir smáum tíggju minuttum fór frá 16-9 upp á 19-9 og endaliga av­ gjørdi dystin. Ímóti endanum slapp Neistin at pynta um úrslitið, og tað var so tað. hilmarjan@sosialurin.fo atlantic airways-deildin menn Atlantic Airways Deildin menn nr. Lið Dystir Vunnin mál Tapt mál Munur Stig 1 KÍF 5 146 -129 17 9 2 VÍF 4 113 -89 24 6 3 Kyndil 4 112 -101 11 5 4 StÍF 5 132 -119 13 4 5 H71 4 104 -110 -6 4 6 Neistin 4 87 95 -8 2 7 Team Klaksvík 4 75 -126 -51 0 Neistin - VÍF 14-20 (5-12) Neistin: Teitur Magnusson 6, Jugoslav Djumic 3, Andras Joensen 2, Beinur Davidsen 1, Rói Hansen 1, Grímur Pedersen 1 VÍF: Filip Jojic 9, Andrias Eriksen 2, Joen Pauli Høgnesen 2 Magnus á Rógvi 2, Sámal Jákup Djurhuus 1, Agnar Joensen 1, Jákup Andrias Joensen 1, Regin Joensen 1, Magnus Müller 1 Dómarar: Thomas Juul Thomsen & Arnar Dam KÍF - StÍF 24-23 (13-13) KÍF: Andrias Nielsen 6, Hans Eli Sigurbjørnsson 6, Nicklas Selvig 5, Rúni Joensen 4, Tony Weyje 2, Rógvi Weyhe 1 StÍF: Sveinur Justinussen 9, Borgar Danielsen 6, Jógvan G. Joensen 4, Pætur Joensen 3, Jørmund Joensen 1 Dómarar: Eyðun Samuelsen & Andrias F. Hansen Áskoðararnir í ítróttarhøllini á Hálsi leygardagin máttu í løtum bíða eftir málunum, tí næstan tveir minuttir vóru millum málini í dystinum millum Neistan og VÍF, sum vestmenningar tó vunnu greitt Mynd: Álvur Haraldsen Málturkur á Hálsi Hilmar Jan Hansen Kollfirðingar eru framvegis teir einastu, ið enn ikki hava tapt ein dyst, og nú teir hava verið fimm ferðir á vøllinum, er tað bara javnleikurin ímóti Kyndli í øðrum umfari, sum hevur kostað stig. Tí bendir nógv á, at KÍF er minst líka væl til reiðar í vetur sum undanfarnu vetrar­nar, og nú liðini hava spælt fýra ella fimm dystir í part, er KÍF trý stig framman fyri nummar tvey. Hinvegin hava strandingar havt eina meira blandaða byrjan, tí eftir at teir løgdu fyri við at vinna á Team Klaksvík, taptu teir á útivølli fyri VÍF og Kyndli, áðrenn tað eftur bragdaði á heimavølli við sigri á H71. Nú var StÍF aftur á úti­ vølli, men hóast tað bleiv til tap fyri KÍF, fingu strandingar víst, at teir hava dygdir, ið kunnu fara at roynast, sum vetrinum líður. Í ítróttarhøllini í Kollafirði legði KÍF annars bragdliga frá landi og helt seg í eina góða løtu eini trý mál frammanfyri, men so fekk StÍF fatur í rætta endanum og javnaði til 8-8. Tað stóð á jøvnum í steðginum 13- 13, men beinanvegin í seinna hálvleiki royndi StÍF at sleppa avstað, og tað eydnaðist í eina løtu. StÍF legði seg á odda 17-13 og fekk hildið seg framm­an fyri KÍF tað nógva av seinna hálvleiki, til KÍF kom afturí­ aftur síðstu tíggju minuttirnar. KÍF slapp tvey mál framum og fekk hildið so nøkulunda fast og megnaði at vinna við einum máli 24-23. At kollfirðingar vinna á heima­vølli, er einki at siga til, og aftur í vetur teljast teir uttan iva millum stóru favorittarnar at koma í FM-finalurnar til várs. Hinvegin hevur verið eitt sindur meira torført at mett um StÍF, men sum tað sær út nú, megna strandingar at bjóða øllum av, so spennandi verður at síggja, hvussu langt tað røkkur, nú fleiri eru um boðið í vetur. hilmarjan@sosialurin.fo Kollfirðingar knáari Hondbóltur Hóast KÍF vann og er greitt oddalið, so gav dysturin í Kollafirði leygardagin ábendingar um, at StÍF hevur dygdirnar til so líðandi at blanda seg upp í oddastríðið Hondbóltur Tað var langt millum snapsirnar, tá Neistin leygardagin tók ímóti VÍF Hilmar Jan Hansen Lítið bendir á annað, enn at tað verð­ur tungt í vetur hjá Team Klaksvík, eftir at tað annars síðsta vetur gekk so øgiliga væl. Profilarnir eru farnir, so talan er næstan um endurbygging, men hóast hetta, so fingu klaksvíkingarnir ein góðan fyrra hálvleik ímóti Kyndli hós­ kvøldið. Tað nógva av tíðini gekk javnt á, og fimm minuttir fyri steðgin stóð á jøvnum, men so slapp Kyndil sær framum og var á odda við trimum í hálvleikinum. Síðani øktist mun­ urin bara í seinna hálvleiki, so Kyndil at enda vann við tíggju mál­ um, sum var tað, ið undan dyst­inum var væntandi. Óivað kann Kyndil gera vart við seg í kappingini um finaluplássini, men so skal konsentratiónin vera størri, enn hon var hesa ferð í Klaks­vík, tí gjørdu teir grønu sær nóg stóran ómak, vunnu teir eisini uppaftur greiðari. Kanska tað, at mótstøðan á pappírinum ikki skuldi verið tann stóra, virkaði sløvandi, men í slíkum dystum eiga tey góðu liðini at vísa, at tey eru betri, og tað megnaði Kyndil bara í seinna hálvleiki. Tungt er hjá Team Klaksvík at hála seg upp, men í fyrra hálvleiki var spælið ikki so galið, so kanska eru vónir um, at liðið so líðandi kann taka seg fram. Nýggjur mál­ maður er komin til Klaksvíkar, og um hann fer at spæla væl, kann tað hava smittandi ávirkan á restina av liðnum. hilmarjan@sosialurin.fo Team Klaksvík - Kyndil 20-30 (10-13) Team Klaksvík: Sámal á Tjaldrafløtti Olsen 7, Beinir Heðinsson 4, Dánjal Kjærbo 4, Jens Pauli Mohr 3, Andrias Ellingsgaard 1, Vilhelm Vilhelmsen 1 Kyndil: Hans Áki Dal-Christiansen 7, Hørður Fannar Sigþórsson 6, Frank Askildsen 4, Josef Abrahamsen 3, Andrias Sólsker 3, Rógvi Dal-Christiansen 2, Birgir Poulsen 2, Finnur Hansson 1, Høgni Klein Olsen 1, Ludvík Súnason 1 Dómarar: Uni Wardum & Hannis Wardum Kyndil sløsaði illa