mikudagur 24. oktober 2012síða 8

Mikudagur 24. oktober 2012 · Nr. 124 8 Sosialurin Hugskot og viðmerkingar – send sms til 225000 Leiðari fyri ein dag Tveir ungir næmingar á Føroya Handilsskúla í Tórshavn hava verið í Danmark og luttikið í tiltakinum »Leiðari fyri ein dag«, har tær fingu høvi at fylgja einum høgum vinnulívsmanni í ein heilan dag Leo Poulsen Tiltakið »Leiðari fyri ein dag« snýr seg um at geva ungum íverksetarum møguleika, at fylgja nøkrum av topp­leiðar­ unum í Danmark. Hvørt ár fáa 20 ungir mið­ námsskúlanæmingar í Dan­ mark møguleikan at fylgja einum donskum topp­leið­ara í ein dag, har tey upp­liva alt tað, ið leiðarin ger til ger­ andis. Tiltakið, ið var í døg­ unum frá 3. til 5. oktober, fevnir eisini um ymisk tiltøk og fyrilestrar, har fleiri kend vinnulívsfólk og fyri­lestrar­ haldarar greiða frá, hvussu tað er at vera leiðari. Endamálið við tiltakinum er at menna og geva ungum ágrýtnum íverksetarum vit­ an, innlit og ein sokallaðan »kick start« út í vinnulívið. Enda­málið er eisini, at tey ungu fáa eina betri fatan av vinnu­lívinum og læra um teirra møguleikar sum leið­ arar, samstundis sum tey møta øðrum ungum. Ein treyt fyri at luttaka í hes­um tiltakinum er, at næm­ ingurin er fakliga dugna­ ligur, innovativur og hevur luttikið í einum tiltaki, ið FFE-YE skipar fyri, til dømis Company Programme/Ungt Virki. Tiltakið er samskipað av YEAD (Young Enterprice Alumni group Denmark), ið er eitt felag fyri ung vinnu­ lívs­fólk, ið hava luttikið í til­ tøkum hjá FFE-YE Danmark, herundir m.a. Company Programme/Ungt Virki. Næmingar á Føroya Handilsskúla útvaldir Tveir næmingar á Føroya Handilsskúla, ið luttóku í Company Programme/Ungt Virki skúlaárið 2011-2012, vóru í ár millum tey 20 hepnu, ið vóru útvald til at luttaka í til­ takinum. Talan er um Anniku Stenberg Madsen og Sólgerð Jónsdóttir Hansen úr Havn. Teirra virki vann fyrsta pláss­ið til FM í Company Pro­gramme 2012, og hetta gav teimum møguleika at søkja um luttøku í tiltakinum »Leiðari fyri ein dag 2012«. Sólgerð Jónsdóttir Hansen vitjaði Christian Pedersen, ið er KT stjóri í donsku fyri­ tøkuni Oticon, sum fram­ leiðir hoyritól. Í fyri­tøkuni starv­ast umleið 700 fólk í Dan­mark, umframt í 22 ymiskum londum, og hoyri­ tólini verða seld í meira enn 100 londum. – Høvuðsskrivstovan er í Dan­mark. Eg luttók á sjey ymisk­um fundum saman við Christiani, har tosað var um framtíðarætlanir og bú­ skapin hjá fyritøkuni, sigur Sólgerð J. Hansen. Christian kunnaði hana um, hvussu tað er at vera stjóri í einari stórari fyritøku og hvørjar uppgávur hann hev­ur. Hann legði dent á at moti­vera starvsfólkini við at rósa teimum fyri teirra góðu avrik. – Christian var blíður, mið­vísur og hevði gott skil fyri øllum viðurskiftunum í fyri­tøkuni, sigur Sólgerð J. Hansen. Sólgerð greiðir harafturat frá, at hon millum annað lærdi, at ein leiðari má duga væl við fólki, duga at skifta ímill­um nógvar ymiskar upp­ gávur og taka nógvar av­gerð­ ir gjøgnum ein dag. – Eg lærdi eisini, at tað er týdningarmikið at duga at moti­vera starvsfólkini, og at duga at taka allar upp­gávur­ nar sum eina avbjóðing, ið ein kann læra nakað av, sigur Sólgerð Jónsdóttir Hansen. Vitjaði tveir stjórar Annika Stenberg Madsen vitj­aði Nicolai Frisch, ið er stjóri í Amino ApS og Rico Andersen, ið er stjóri í fyritøkuni Agera. Amino.dk er tann størsti íverk­setara­ por­tal­urin í Danmark, har danskir íverksetarar og sjálv­ støðug vinnurekandi møt­ast. Amino.dk var stovn­að í 2005 av kenda danska íverk­set­ anum Martin Thorborg. Meira enn 130.000 vitja por­ tal­in hvønn mánað. – Eg havi lært sera nógv um, hvussu tað er at vera leið­ari, og hvørjar uppgávur leið­arin tekur sær av. Eisini havi eg lært, hvussu ein góð­ ur leiðari er, og hvat tað er, ið ger hann so góðan, sigur Annika Stenberg Madsen. Hon greiðir frá, at hon hev­ur lært, at tað er av al­ stór­um týdningi, at leiðarin dugur væl at samskifta við síni starvsfólk, hevur virðing fyri teimum og megnar at skapa arbeiðsgleði, og at eggja starvsfólkunum til at gera teirra besta hvønn dag. – Til dømis vóru tveir stórir skermar, ið vístu hag­ tøl yvir, hvussu sølan gekk. Hvørja ferð sølan fór upp hoyrd­ist sangurin »your simply the best...«, sigur Annika Stenberg Madsen. Takksamar fyri møguleikan Stjórin skal eisini kunna skifta ímillum ymiskar ar­ beiðs­uppgávur fleiri ferðir um dagin. – Bæði Nicolai og Rico løgdu sera stóran dent á júst hesi viðurskiftini. Rico og Nicolai høvdu ikki egna skriv­stovu, men sótu saman við sínum starvsfólkum fyri at sam­skiftið skuldi vera so gott sum gjørligt, sigur Annika Stenberg Madsen. Starvsfólkini í Agera fingu nógv rós frá stjóranum og fingu bonus, tá ið tað gekk væl. – Bæði Rico og Nicolai høvdu tað áskoðan, at tú ert tín egni eydnusmiður. Teirra starvsfólk fingu uppgávur, ið skuldu loysast innan eitt ávíst tíðarskeið, men starvs­ fólkini kundu sjálvi taka av­ ger um, hvussu tey loystu upp­gávurnar, sigur Annika S. Madsen. Hon greiðir at enda frá, at tiltakið »Leiðari fyri ein dag« hevur ikki bara givið henni innlit í, hvussu tað er at verða leiðari, men hon hev­ur nú eisini fingið høvi til at uppliva tað sjálv. Tær báðar møttu eisini fleiri fantastiskum ungum menn­iskjum, har ímillum hinum luttakarunum, leið­ ar­unum og øðrum limum frá YEAD. Øll vóru sera ymisk, men høvdu somu áhuga­mál. »Leiðari fyri ein dag« er eitt sera gott tiltak fyri ung, og tær vilja mæla øll­um, ið hava luttikið í Company Programme/Ungt Virki, til at søkja um at lut­ taka í tiltakinum. Tað er sera stuttligt, áhugavert, hug­vekj­ andi og tú fært bæði nógvan kunnleika og eitt sera gott netverk. Annika og Sólgerð eru sera takksamar fyri, at tær fingu møguleikan at luttaka í tiltøkunum Company Programme/Ungt Virki og Leder for en dag og eru eisini takk­samar fyri fíggjarliga stuðulin, ið tær fingu frá EIK og Mentamálaráðnum í hesum sambandi. Fleiri upp­lýs­ingar um Company Programme/Ungt Virki og Leið­ari fyri ein dag finnast á www.fh.fo og ffe-ye.dk Gevur úrslit Til kappingina í Føroyum, sum tær báðar vunnu sam­ an við Ninni Holm og Fríðu Jakobsen, høvdu tær fram­ leitt eina sonevnda barr­ tend­ara maskinu, sum kann miksa og rysta drykkirnar. – Vit kundu ikki byggja eina prototypu, tí ein slík hevði kostað einar 80.000 krón­ur. Í staðin hava vit gjørt tekn­ingar av maskinuni, og tað endaði so við einum 3D modelli, siga tær báðar, Annika og Sólgerð. Í donsku kappingini gjørd­ust tær nummar 13 av 22 lut­takarum, men tað kann geva ítøkilig úrslit. Navia byrjaði sum ein skúla­verkætlan, men hetta hepnaðist so væl, at Óli Kristian á Torkilsheyggi stovn­aði fyritøkuna 7. januar 2004, og í dag hevur Navia kund­ar í níggju londum og lev­erar til umleið 600 handlar kring heimin. Kapping verður aftur kom­andi ár 15. og 16. mars, og síðani verður danska kapp­ ingin í apríl. leo@sosialurin.fo Annika Stenberg Madsen og Sólgerð Jónsdóttir Hansen eru sera takksamar, at Mentamálaráðið hevur stuðla teimum í verkætlanini Mynd: Álvur Haraldsen