fríggjadagur 26. oktober 2012síða 21

21 Fríggjadagur 26. oktober 2012 · Nr. 125 Sosialurin Hugskot og viðmerkingar – send sms til 225000 kommunuval 2012 Var á stak væleydnaðum veljarafundi í Café Chill í Kollafirði fyrr í vik­ uni. Tað er áhugavert at hoyra, hvørjar av­bjóð­ ingar langa bygdin hevur at dragast við. Serliga eru tað hesi mál, ið fylla nógv: at tryggja vegir­nar við bung­um og gongu­ breyt­um, grund­stykkir, hegn­sýn, vetrarfriðing, nýggjan barnagarð, og so varð staðiliga mælt frá, at leggja eina oljuhavn á Signabø. Kollfirðingar stilla eingi órímilig ella marglætis krøv, hettar eru grundleggjandi tørv­ ir sum tryggja ferðslu á vegnum, fram­tíðar bú­ set­ingar og urta­garðs­ frið. Sæð út frá einum til­ feingis sjónarhornið, so er Kollafjørður ein gomul bóndabygd og hevur sjálvsagt nógv tilfeingið. Bøndur flest dragast við somu avbjóðingar sum eitt nú tiltikna eu- direktivið, og tað, at fólk vilja nærum bara keypa gongulimir. Síðir, høvd, blóð, skinn, horn, tálg v.m verður sum oftast burturbeint. Eg fari at arbeiða fyri, at vit gagnnýta allan seyðin sum hann er, eisini neytini, tarskálvarnar, fuglarnir, harurnar osf. Tað sum ikki kann etast sum mannaføði, tað skal tilvirkast til djóraføði, sápu, ljós, skinn, prýðis­ lutir og annað. Eg fari í einari aðrari grein, at koma við mín­ um íkasti, til hvussu hetta kann gerast. Eisini fari eg, at arbeiða fyri at broyta reglugerðina fyri at selja matvørur. Kollfirðingar eru til­ tikið gestablítt fólkaslag. Eg ivist onga løtu í, at bygdin eigur bæði listar­ fólk, handverkarar, tón­ leikarar, bindikonur og aðrar kreativar sálir, sum hava nógv spennandi íkast, til vaksandi ferða­ vinnuna. Ja, ferðavinnan er ein upplagdur málbólkur fyri útjaðaran í kommuni. Nýggja málið hjá Ferða­ráðnum er, at økja yvirnáttingarnar frá 80.000 til 200.000 um árið inn­an 8 ár. Tað fer sostatt at krevja nógv fleiri til­boð og upplivingar til ferðavinnuna. Tórs­ havnar kommuna skal leggja seg eftir, at skipa og dyrka øll økini í kommununi, soleiðis fáa vit eina fjøltáttaða og spennandi ferðavinnu. Saman við lokalum kreftum, skal eitt yvirlit gerast yvir hvørji tilboð bygdin hevur at bjóða. Ætlan skal leggjast fyri, at fáa fleiri tilboð eitt nú Ból og Biti, Heimablídni, gongutúrur, handlist, tónleikur, frásøga og so framvegis. Bygdin skal seljast og mennast. Stóri fyrimunurin hjá Kollafirði er, at yvir 99% av ferðafólkunum koyra framvið bygdina í dag. Flestu føroyingar koyra eisini framvið! Avbjóðingin er, at fáa tey at steðga og lata nakrar krónur liggja eftir, men so má okkurt eisini verða til keyps, og tey muga vita tað! Eg vil verja, menna og umboða føroyska til­ feingið. Er nakað tilfeingið í Kollafirði? Bjørg Dam Livandi, litfagra og stuttliga torgið í Klaksvík!!! Eg eri optimist! Eg haldi at vit kunnu gera nógv fyri lítið, hóast tað oftast tykist sum um, at tá okkurt skal verða øðrvísi, so kostar tað eisini nógv. Eg sakni ein lívandi bý, og her meini eg aftaná arbeiðstíð og í vikuskftunum. Ofta er rætt og slætt steindeytt. Og tað haldi eg vera ov galið. Trivnaður og mentan ganga hond í hond og her má Klaksvíkar kommuna eisini ganga á odda og skapa karmar fyri at vit fáa mentanarvirksemi at blóma og verða sjónligt. Økið rundan um stand­ myndina Fípanu Føgru og kirkjugarðin niðri í Vágstúni skal verða eitt torg, har smáar litfagrar smáttur, sum Kommunan kundi keypt frá Tekniska skúla í Klaks­ vík, javnan verða settar upp, soleiðis at feløg og ein­ staklingar kunnu sleppa inn í smátturnar at vísa fram, selja eitthvørt ella hava onnur tiltøk. Tá jólini nærkast, verð­ur hetta sjálvandi eitt jóla­torg. Seinasti vikuskifti í hvørjum mánaða, kann meira gerast burturúr við tón­leikaframførðslum og "Speak­ers Corner-tiltøkum". Tað eru mong sera kreativ og dugnalig fólk, sum kunnu vera við til at seta dám á og harvið gera alt økið niðri í Vágstúni meira spennandi. Dagstovnar, verkstøð og sambýlir kunnu eisini fáa tað spennandi uppgávu at seta sín dám á økið í eina ásetta tíð, soleiðis at tað allatíðina er okkurt nýtt at síggja og uppliva. Beinta Klakstein Multifunktionella Vestara Bryggja Politikkarar tosa um trivnað upp í saman. Hetta orðið er so líðandi blivið til eina stóra, misfataða klisjé. Veruligur trivnaður fæst heilt einfalt fyrst og fremst av at hava okkurt at fara upp til hvønn dag - nevniliga eitt arbeiði! Tað var ein sorgarleikur fyri nógvar familjur, tá ið Faroe Seafood fyri tveimum árum síðani fór av knóranum. Hetta var samstundis ein stór avbjóðing fyri ALS, sum eftir eitt stutt vikuskifti kundi skráseta 600 fleiri arbeiðsleys í skipanina. Í allari neyðini lá kommunan (tíbetur) framvið og keypti bygningarnar á Vestaru Bryggju eftir trotabúgvið. Fyrr í ár hoyrdust tíðindini um, at arbeiðarafeløgini í Havn síðani høvdu funnið ein íleggjara, sum var sinnaður at keypa maskinurnar og at fáa virkið uppaftur at koyra - treytað av, at kommunan leigaði virkinum hølini. Men enn er ógreitt, nær hetta verður, og sagt verður, at bíðað verður eftir ymsum, eitt nú góðkenning frá heilsu­myndugleikunum, eftir­sum onkrar broytingar skulu gerast í bygninginum. Hvussu verður og ikki, so fari eg, um eg skuldi verð­ið valdur at ráða fyri borg­um í Havn, at gera mítt til, at gongd kemur aftur á virk­ semið á Vestaru Bryggju, og fólk sleppur aftur til ar­beiðis. Tað er ongin grund til, at høvuðsstaðurin ikki skal fáa sín ágóða av arbeiðs-pláss­ unum, sum okkara høvuðs­ vinna skapar. Vert er at hava í huga, at har eru fleiri av­ leiddar vinnur av fiski­vinn­ uni, sum eitt nú trol, yms­ ar tænastur og eitthvørt á skipasmiðjuni - so ivaleyst er talan um rættliga nógv arbeiðspláss tilsamans. Økið við Vestaru Bryggju er annars rættiliga stórt í vavi, einar 10 ferðir størri enn Skálatrøð, verður sagt. Ynskiligt var, at vit høvdu eitt nýmótans uppisjóvarvirki, eins og tey hava á Tvøroyri - so kundu starvsfólkini á fiskavirkinum fingið endur­ útbúgving til tess. Men her kundi eisini verið so nógv ymiskt annað umframt fiski­ vinnu og skipasmiðju. T.d. útbúgving. Hendan kundi hóskandi verið í tráð við ta vinnu, sum er í økinum. Sjósavnið var eisini ein eyðsæddur stovnur at havt í økinum. Hetta savnið kundi virkað sum ein saman­renn­ ing av mentan, vinnu og út­ búgving, og kanska eisini fungerað sum eitt slag av móttøku hjá fiskavirkinum. Bert nøkur hugskot. Annars er eitt oljufelag har frammanundan, og eitt høli við Skipasmiðjuna, sum verður brúkt sum fram-sýn­ ingarhøli / atelier hjá lista­ fólki. So hví ikki? Vestara Bryggja kann saktans vera eitt multi-funktionelt øki í kommununi. X-trivnaður X-vinna X-Leivur Thomsen, ein kreativur politikkari, listi E Les meira her: http:// www.politikkur.fo/vis- leivur+thomsen-greinar Leivur Thomsen Les fleiri greinar á http://bjorgdam.blogspot.com