fríggjadagur 26. oktober 2012síða 39

39 Fríggjadagur 26. oktober 2012 · Nr. 125 Sosialurin Hugskot og viðmerkingar – send sms til 225000 Ítróttur Heri Simonsen 24. oktober fylti Sheffield FC 155 ár. Heimsins elsta fótbóltsfelag er stovnað í 1857. Og tað er júst aldurin, sum hevur æruna av, at felagið er kent millum manna, tí burtursæð frá tí søguliga týdn­inginum, sum heimsins elsta fótbóltsfelag, so hevur Sheffield FC ógvuliga lítið at vísa á, ítróttar­liga. Liðið spælir í einari fót­ bólts­deild, sum svarar til sjeyndu­bestu fótbóltsdeildina í Ong­landi. Um ein ger ein paralel til danskan fótbólt, so svarar tað til, at liðið spælir í seriu 2. Tí man ikki verða so ræðuliga stórur ivi um, at TB verður favorittur til dystin ímóti Sheffield FC, sum annars spældi ein vinardyst ímóti italska liðnum, Inter Milan, tá liðið fylti 150 ár í 2007. Størsta løtan varð í 1904 Størsta løtan hjá Sheffield FC varð, tá teir vunnu FA Cup steypa­kappingina fyri amatørlið í 1904. Í 1977 vóru teir í FA Vase finaluni, men taptu. FA Vase er steypakappingin hjá enska fót­bólts­sambandinum fyri rein amatørlið. Kortini er felagið partur av »Hall of fame« hjá tí enska fót­ bólts­sambandinum, og felagið hevur eisini fingið eina serliga viður­kenning frá altjóða fót­ bólts­sam­gonguni, FIFA. Heimsins næstelsta fót­ bólts­felag liggur eisini í granna­lagnum. Hallam varð stovnað í 1860, og verða dystir millum Sheffield FC og Hallam roknaðir fyri at verða heimsins elsta lokal­uppgerð. Sheffield FC hevur gjøgnum søguna havt tríggjar spælarar á tí enska fót­bólts­lands­liðnum. Tó skal sigast, at tann seinasti Sheffield FC spælarin, sum varð tikin út til enska landsliðið æt John Hudson. Hesin spældi ein landsdyst fyri Ongland í 1883. Charles Clegg varð tó við á tí fyrsta enska landsliðnum, sum spældi tann fyrsta landsdystin í heims­søguni ímóti Skotlandi í 1872. Hesin sami Charles Clegg gjørdist seinni bæði for­maður og forseti í tí enska fót­bólts­sam­bandinum, FA. Enn eitt dømi um, at tað er 19. øld, og ikki 20. øld ella 21. øld, sum er størsta tíðar­skeiðið hjá heimsins elsta fót­bóltsfelagi. Gascoigne spælir við Gasgoigne spælir við Sheffield FC, sum miðvallari. Tó er ikki talan um legendariska Paul Gascoigne, men Andy Gascoigne. Um hesin er skyldmaður við hin Gascoigne vita vit ikki, men tað kundi hent seg. Sheffield FC hev­ur hetta kappingarárið ein hóp uppá 23 mans. 21 av hesum 23 monn­ unum eru onglendingar. Liðið hevur tveir útlendskar spælarar. Ein walisara, og ein spæl­ara úr Kanada. Liðið hevur tó vunnið eina lokala steypakapping nakr­ar ferðir. Í 2010 vann Sheffield FC »Sheffield and Hallamshire Senior Cup« á fimta sinni síðani 1993. Sheffield FC hevur ein áskoðarakapasitet uppá 2.000 áskoð­arar, og kemur fitt av fólki til grannauppgerðirnar hjá lið­num. Spennandi verður at vita hvussu ein dystur millum heims­ins elsta og Føroya elsta fót­bólts­felag fer at enda. heris@sosialurin.fo Aldurin er einasti stórsigurin Fótbóltur Sheffield FC er kanska heimsins elsta fótbóltsfelag, men burtursæð frá tí hevur felagið ikki so ræðuliga nógv at reypa av ítróttarliga Tróndur Arge Tveir aldursforsetar. Annar er aldurs­forseti í heiminum. Heimsins elsta fótbóltsfelag. Hin er aldurs­ forsetin í Føroyum. Í juli mánaði komandi summar hittast hesi bæði feløgini við Stórá í Trongisvági. Tað er ítróttarstjórin í TB, Hans Fróði Hansen, sum hevur sett seg í samband við Sheffield FC. – Tað gingu bara tveir ella tríggir dagar, so høvdu vit eina avtalu, sig­ ur Hans Fróði Hansen. Orsøkin til venjingardystin móti enska felagnum er fyri at skapa nakað kring Tvøroyra Bóltfelag. Hans Fróði var fyri kortum settur sum ítróttarstjóti í felagnum og tað er eisini ein av orsøkunum til dystin – Eg vil gjarna verða við til at gera okkurt fyri felagið og hetta er eitt gott høvið. Feløgini hava nak­að til felags og hetta kann eisini verða við til at knýta bond millum fel­øg­ ini, sigur ítróttarstjórin. Tað er ikki endaliga greitt nær Sheffield FC kemur hendan veg­ in, men Hans Fróði vónar at tað verður í summarsteðginum í lands­ kappingini. Sheffield FC, sum tá fyrireikar seg til kappingarárið 2013/14 skal á eina rundferð at spæla móti ymiskum øðrum feløgum eis­ ini, so vitjanin her í Føroyum skal passa inn í skemaði. Sostatt skulu tvey fótbóltsfeløg við samanlagt áleið 275 ára langari søgu hittast við Stórá í summar. Tað kann ikki annað enn vera met fyri ein dyst í Føroyum. Heimsins elsta fót­ bólts­felag vitjar TB Fótbóltur Sheffield FC, sum er stóvað í 1857, kemur í summar á vitjan hjá føroyska aldursforsetanum, TB, ið er stóvað í 1892 Tróndur Arge Samráðingarnar millum Flemming Christensen og ÍF góvu einki úrslit. Umvegis heimasíðuna boðar felagið frá, at tað ikki verður fyrrverandi danski landsliðsleikarin, sum skal venja teir reyðu úr Fuglafirði. Flemming Christensen, sum var kosin til ársins venjara, sigst hava leitað eftir arbeiði í Danmark umframt, at hann skal hava verið upp á tal í millum annað HB. – ÍF leiðslan vildi sjálvsagt hava hann at halda fram í felagnum. Hann fór av landinum beint eftir kapp­ingina, fyri at verða saman við familjuni í nakrar dagar, og hugsa seg um, um hann vildi halda fram í ÍF. Flemming hevur tikið støðu til hetta, og tíverri fyri ÍF valdi hann at flyta niðuraftur til Bagsværd, so hann fær brúkt meir tíð saman við familju síni, skrivar heimasíðan hjá ÍF. Spurningurin er so hvør skal venja ÍF komandi kappingarár, og um ÍF klárar at spenna seg eins nógv út. ÍF hevur hinvegin tryggja sær, at ársins leikari, Clayton Soares, verður í felagnum komandi kapp­ ingarár. Men tað verða fleiri broyt­ ingar í hópinum, tí millum annað Jan Ellingsgaard, Uni R. Petersen og Karl Løkin fara av landinum, meðan Jákup Mikkelsen er givin í felagnum. trondur@sosialurin.fo Flemming heldur ikki fram Fótbóltur Tað verður ikki Flemming Christensen, sum verður venjari hjá ÍF komandi kappingarár. Tað boðar ÍF frá