fríggjadagur 2. november 2012síða 28

Fríggjadagur 2. november 2012 · Nr. 128 28 Sosialurin Hugskot og viðmerkingar – send sms til 225000 Millum onki og barnavernd Havi jústi siti og lurta við stórum áhuga eftir sendingini Sjónarhornið. Í sendingini kom millum annað fram, at stórur saknur er á hjálp til familjur, børn og ung, sum stríðast við ymiskar avbjóð­ ingar. Vóni ikki, at nakar mis­ skilir meg, tí eg eri ikki ímóti at vit hava eina Barna­vernd­ arlóg. Sjálvandi skula vit tað, tí tað eru tíverri altíð tey, sum hava so stórar og álvars­ ligar trupulleikar at stríðast við, at tað er neyðugt at fáa hjálp og fyriskipanir sam­ bært Barnaverndarlógini. MEN – tað er nógv sum kann gerast áðrenn tað er neyðugt við barnavernd. Í sendingini varð t.d. nevnt, at eitt ynski var, at møguleiki var fyri, at kunna fara til eina hurð, har ein t.d. kundi fáa familjuráðgeving ella aðra viðkomandi hjálp. Hetta uttan fyrst at skula verða til eitt barnaverndarmál. Sum heilsufrøðingur, eri eg von við at arbeiða við fyribyrging og heilsufremjan í mun til likamliga, sálarliga og sosiala heilsu hjá børnum og ungum, og eru tað nógv foreldur, børn, ung og onnur fakfólk, sum gera brúk av hesum í gerandisdegnum. Eitt av fremstu endamál­ unum við almennari fyri­ byrging er at syrgja fyri, at trupulleikiar, sjúka o.a. ikki uppstendur, ella um hetta longu er komi, ikki gerst verri. Vit vita eisini, at fyri­ byrging loysir seg altíð betri menniskjaliga og samfelags­ liga, enn viðgerð ella stór sosial inntriv/fyriskipanir. Mítt ynski er, at Tórs­ havnar Kommuna hevði eitt tilboð til børn, ung og for­ eldur, har tey kundu vent sær til fyri at fáa hjálp, uttan at neyðugt var at gerast barna­ verndarmál. Fyrst og fremst fyri at fyribyrgja, at avleið­ ingarnar gerast fleiri og álv­ arsligari enn neyðugt, men eisini fyri at geva hjálp, ráð­ geving og vegleiðing so tíð­ liga sum møguligt, so ikki gerst neyðugt við størri sosi­ alum fyriskipanum. Tilboði kundi t.d. verið ”ein hurð”, har viðkomandi fakfólk vóru tøk, sum foreldur, børn, ung ella onnur kundu fingið hjálp, ráðgeving og vegleið­ ing. Eg vil fegin gera mítt til, at henda ”hurðin” kann gerast møguleiki í Tórshavnar Kom­ munu. Ingvør Justinussen Valevni hjá Fólkaflokkinum á Kommunuvalinum 13. November 2012. kommunuval 2012 Býráðsvalið í Runavíkar kommunu Magnus Rasmussen Borgarstjóri Listi A Veruleikar í og hugsjónir fyri Runavíkar kommunu (1. partur av 5) Nú stundar til býráðsvalið og eg eri eitt av valevnunum til býráðið í Runavíkar kom­mu­ nu. Eg fari at skriva 5 greinar, sum hava hesar yvir­skriftir: 1. Hvat er komið á skaftið tey seinastu 4 árini? 2. Stutt um øki 1-3 (Kommun­ al fyrisiting, Almanna- og heilsumál og Børn og ung ) 3. Stutt um øki 4 og 5 (Undir­ vísing og Mentamál) 4. Stutt um øki 6 og 7 ( Tek­n­ isk mál og Kommunal virki) 5. Fíggjarviðurskifti og fram­ tíðar fíggjarútlit hjá kom­ munu­ni Fyrst vil eg heilt stutt at greiða frá, hví eg stilli upp aftur til býráðsvalið 13. nov­ ember. • Eg havi stóran áhuga fyri øllum kommunalum viður­ skiftum og føli meg at hava orku at taka eitt tørn afturat • Eg havi fingið innlit og hollar royndir tey farnu 4 árini, sum eg havi hug at gagnnýta til frama fyri kom­ mununa • Eg ynski at vera við til at umsita skattaborgarans pen­ ing so skynsamt og trygt sum tilber • Eg ynski at vera við at menna kommununa alla­ staðni og á øllum økjum – føra hana longur fram á leið • Eg ynski at virka fyri, at allir borgarar í øllum bygdum í kommununi kenna seg sum part av felagsskapinum Hvat er komið á skaftið tey seinastu 4 árini? Trupult er í stuttum at siga frá, men eg havi valt at taka nøkur heilt ítøkilig viðurskifti burturúr, sum lýsa, hvat m.a. er komið á skaftið tey sein­ astu 4 árini. Eitt, sum vit eiga at hava í huga, er, at tvey tey fyrru árini leikaði fíggj­ar­ kreppan í, og vóru vit oman­ fyri eina álíkning alt 2009 og part av 2010. Hetta førdi við sær, at vit vóru undir herd­ um eftirliti av Fíggjarmála­ ráðnum hetta tíðarskeið og høvdu tí skerdar møguleikar at virka. Hóast tað so hava vit megnað at: • Niðurgoldið skuld eftir ætlan ­– uml. 28 mió. og samstundis styrkt gjaldførið væl • Ment fyrisitingina – m.a. sett á stovn mentanardeild • Bygt Skúlan við Løkin lidnan • Byrjað bygging av fim­leika­ høll • Tikið avgerð um at savna alla framhaldsdeildina í kom­ mununi saman í Skúlan við Løkin • Opnað býarbóka­savn • Sett á stovn forskúla á Skála – royndarverkætlan • Byrjað ger av fríøki millum Skála skúla og Barnahúsið Sellan. Ætlan er gjørd fyri økið og byrjað er at arbeiða eftir hesi ætlan • Hildið fram við Gøtuni við Toftavatn – samstarv við Nes kommunu • Fingið spennandi verkætlan í Søldarfjarðar skúla – í góð­ um samstarvi við Mentamála­ ráðið og ALS • Bygt Barnahúsið Sellan á Skála endaliga liðugt • Gjørt fyrra byggistig av Nátt­úrubarnagarðinum Sólju­ hjarta í Søldarfirði liðugt • Hækkað barnafrádráttin og innført systkinaavsláttur • Stovnað Ungdómshús – samstarv við Nes kom­munu • Útgoldið lán í samband við Eysturoyar røktar- og ellis­ heim • Stovnsett Eldratilhald • Viðvirkað til tvær byggiv­ erkætlanir – Depil fyri fjølbrekað og Vardar íbúðir fyri menningartarnað – í góð­ um samstarvi við Almanna­ málaráðið • Byrjað stóra vatnverkætlan – framtíðartryggja bæði vinnu­lív og húsarhald fyri vatn • Byrjað nýbygging av vatn­ brunni og reinsiverki í Funn­ ingi • Lagt framtíðar­ætlanir – spilli­vatns-, havna-, ferðslu­ trygdar- og býarætlan. • Fingið flestu av smærru útstykkingunum endaliga liðugtgjørdar • Keypt lendi til bústaðar­ bygging í Saltangará • Útgoldið upphæddina fyri vetrarfriðingina á Skála • Keypt “Gulu smiðju” og økið norðanfyri, so kommunan sjálv kann gera av, hvat virksemi kemur at verða har • Gjørt fleiri sparkivallir • Fingið okkara fyrstu stand­ mynd i samstarvi við áhuga­ felag • Byrjað dagføring av Gerðis­ vegi, Saltangará – høvuðs­ umvæling er byrjað • Projektera bryggju niðan­ fyri Havnarskrivstovuna í Runavíkar havn • Gjørt útfyllingar á havna­ løgum, so útbyggingarmøgu­ leikar eru • Byrjað arbeiðið við at­løgu­ síðu í bátahylinum á Bakka • Byggja bryggjukant í Funn­ ingsfirði í hesum døgum • Byrjað vegagerð til nýggja moldgoymslu - samstarv við við Nes kommunu • At uppfylla øll krøv, sum verða sett í sambandi við oljuveitingarhavnina • Skapt fortreytir fyri farma­ sigling – sigling millum Runavíkar havn og Skotland tvær ferð um vikuna Umframt hetta, sum eg havi nevnt omanfyri, so eru fleiri onnur viðurskifti og serliga í rakstrinum, sum vit hava sett pengar av til tey seinastu tvey árini. Sum dømi kann nevnast peningur til viðlíkahald av gøtuljósum, viðlíkahald av bygningum og viðlíkahald og dagføring av vegunum. Á hesum økjum er alneyðugt at halda á við at seta pening av, tí tørvurin er sera stórur. Endamál og ynski mítt er, at Runavíkar kommuna fram­haldandi skal vaksa og mennast, og at vit bjóða okkum fram bæði í heim­ ligum og altjóða umhvørvi. Um vit veruliga skulu hava ein sterkan og kapp­ingarføran høvuðs­ stað, verða vit noydd at viðurkenna, at ungdóm­ urin er einasta loysnin. Tey eru drívkraftin. Tey góðtaka ikki stat­ us quo. Tey krevja av samfelagnum, at vit geva teimum rúmd, geva teimum rásarúm, so at tey kunnu gleðast og forvitnast um lívið. Um vit ikki lurta eftir teim­ um, keypa tey ein flog­ ferðaseðil á netinum, og búseta seg í einum høv­ uðsstaði, ið viðurkennur teirra ynskir. Skipanin Tíverri haltar politiska skipanin aftaná. Hon megnar ikki at fylgja við rákinum, megnar ikki at skapa neyðugu karmarnar. Í alt ov langa tíð hevur politiska skipanin verið umboða av eldri og tilkomnum fólkum. Fólkum, ið ikki kenna til drívkraftina hjá ungdóminum. Hetta endurspeglast eisini í politisku íløgunum. Boðanesheimið kost­ aði 100 mió. kr. Skúlin á Argjum kostaði 150 mió. kr. Við øðrum orðum. Politiska skipanin valdi at nýta 100 milliónir kr. til eldri fólk. 150 milliónir uppá barnafamiljur. Hetta skal tó ikki misskiljast, tí eg taki 100% undir við íløgunum. Tær vóru neyðugar, tí eftirspurningurin eftir nýggjum skúla og røkt­ arheimið var stórur, tá ið hendan samgonga tók við í 2008. Tað, sum eg vil vísa við hesum er, at í Tórs­ havnar kommunu megna vit, at gera neyðugar íløg­ur, har tørvur er á tí. Vit kunnu gera íløgur, ið veruliga bøta um við­ur­ skiftini hjá eldri og til­ komnum fólkum. Hjá barna­familjunum og sjálvandi eisini ungdómi­ num. Íløgur í ungdóminum Nú er tíðin komin, til gera íløgur í ungdómin. Vit hava pengarnar. Vit hava møguleikan at skapa karmarnar, sum ungdómurin tráar eftir. Tað einasta, ið krevst, eru nakrar røddir, ið umboða sjónarmiðini hjá ung­ dóminum. Spurningurin er bara: hava vit viljan? Hava vit drívkraftina? Stendur tað upp til mín, gera vit íløgur í lestrarumhvørvi, í ment­ anarlívið og ítróttin og annað, ið tryggjar okk­ um móti, at ungdómurin rýmur av landinum. Tí ungdómurin er okkara framtíð! Ungdómurin er okkara framtíð! Rúni Djurhuus eykalimur hjá Javnaðarflokkinum í Tórshavnar býráð