týsdagur 30. mars 2004síða 2

2 Nr. 62 - 30. mars 2004 Nr. 62 - 30. mars 2004 3 Fríggjakvøldið var rættur hátíðardámur í Vági. Frelsunarher- urin tók nýggju og stásiligu húsini í nýtslu. Við horntón- leiki fór skrúðgonga úr gomlu húsunum til nýggju húsini, har eini 270 fólk vóru savnað til víglsuna av nýggju húsunum FRELSUNARHERURIN Dagfinn Olsen dagfinn@sosialurin.fo Frelsunarherurin tók fríggjakvøldið í nýtslu nýggju húsini í Vági. Frelsunarherurin heldur til í Havn og í Vági. Ymsar hava umstøðurnar verið tey mongu árini, hildið hevur verið til í Vági. Og hóast húsini, sum Frelsunarher- urin seinnu árini hevur átt í Vági, ikki hava verið av leið, so hóskaðu tey ikki til tíðina og ynskiligt var eisini við meira plássi. Og nú er bøtt um um- støðurnar. Stásilig hús Við hjálp frá Frelsunarher- inum í Noreg kom í lag at byggja nýggj hús. Og í dag standa húsini liðug og kosta tey millum 3,5 og 4 milli- ónir krónur, tá alt er við. Húsini eru í tveimum hæddum og umframt er íbúð til forstandaraparið. Íbúðin er ikki full hædd. Húsini eru 21 metrar lang og 14 breið. Íbúðin er 9x14 metrar. Miðhæddin er til virksemi av ymsum slag við sali og øðrum. Kjallarin er stórur og er enn ikki inn- rættaður. Fríggjaskvøldið var nógv fólk savnað til vígsluna og til at taka húsini í nýtslu. Úr Havnini komu nógv fólk og tað sigst, at ikki allir bilar- nir sluppu við Smyrli hetta kvøld. Eini 270 fólk vóru komin saman til hátíðarløt- una. Styrkt við hornblásarum úr Havn byrjaði kvøldið klokkan 19 við, at skrúð- gonga við tónleiki fór frá gomlu húsunum til tey nýggju, eftir stutta takkar- løtu fyri tey árini, ið hildið hevur verið til har. Sangløta var síðani í nýggju hølunum. Klokkan 20 var sjálv vígslan og formliga vóru húsini tikin í nýtslu. Sámal Jákup Joen- sen leiddi sangløtuna. Hans Jørn Mølkjær, ið er verkfrøðingur og hevur staðið fyri bygging hjá Frelsunarherinum, handaði so lyklarnar. Hann handaði Donald B. Ødegaard lyklar- nar. Hesin er kommandørur fyri Frelsunarherin í Noreg, Íslandi og Føroyum og stóð hann eisini fyri sjálvari vígsluni. Tá hann hevði fingið lyklarnar handaðar, hand- aði hann lyklarnar víðari til forstandaraparið í Vági, Eyðun og Irena Christian- sen. Hans Jørn Mølkjær greiddi í stuttum frá byggi- ætlanini. Hann frøddist um vælvildina og góða sam- starvið við t.d. kommun- una, sum eittnúi hevur staðið fyri arbeiðinum rundan um húsini. Fólk frá ymsu samkom- unum í Vági tóku lut í há- tíðarløtuni og høvdu eisini orðið. Gávur vórðu handaðar Frelsunarherinum í sam- band við at nýggju húsini eru tikin í nýtslu, bæði peningur og útgerð og kann nevnast gáva frá Vágs Kommuni og útgerð frá Formula.fo. Seinni var drekkamunnur á skránni. Leygardagin var løta fyri innbodnum og eini 100 fólk vóru til staðar. Sunnudagin var møti á morgni og hend- an dag vóru eisini 3 sol- dátar innvígdir og eisini var barnavælsignilsi. Eitt hátíðarmerkt vikuskifti fór afturum og Frelsunarher- urin í Vági hevur nú góðar og stásiligar karmar at virka undir mitt í Vágs- bygd. Frelsunarherurin tikið nýggj hús í nýtslu Hans Jørn Mølkjær, ið er verkfrøðingur og hevur staðið fyri bygging hjá Frelsunarherinum, handaði so lyklarnar. Hann handaði Donald B. Ødegaard lyklarnar. Hesin er kommandørur fyri Frelsunarherin í Noreg, Íslandi og Føroyum og stóð hann eisini fyri sjálvari vígsluni. Eingrím Hom í Hvalba Frelsunarherurin í Vági tók nýggju og stásiligu húsini í nýtslu fríggjakvøldið – Hetta er tann tíðin, tá ið fiskurin plagar at vera rak, men eg haldi, at hann er verri fyri, enn hann plagar. Sjálvt hýsan, sum plagar at vera í hampiliga góðum standi, er rak. Úrtøkan úr fiskinum er tí sum heild lítil, sigur Jason Johanne- sen, virkisleiðari FISKIVINNA Vilmund Jacobsen vilmund@sosialurin.fo Mánamorgunin landaðu partrolararnir, Safir og Smaragd, eini 170.000- 180.000 pund á Fiskavirk- ing í Saltangará. Av veiðini var 110.000-120.000 pund upsi. Restin var hýsa, longa og toskur. Í dag landa Jaspis og Ametyst í Saltangará, men tá ið vit frættu í gjár, var ikki greitt, hvussu nógv skipini hava inni. Jason Johannesen, virkis- leiðari, sigur, at minni er komið uppá land av fiski seinastu tíðina, enn vanligt hevur verið seinastu árini. – Í síðstu viku arbeiddu vit bert mánadagin og hálv- an fríggjadagin. Men hesa vikuna sær betur út, nú tvey skip longu hava landað, og tvey eru á veg. Hetta gevur arbeiði á virkinum til einar fýra dagar, sigur hann. Virkisleiðarin vísir á, at nú upsaprísurin er so lágur, royna trolararnir at fáa onn- ur fiskasløg eisini, og tað minkar um nøgdina av upsa. Fiskurin rak Jason sigur, at upsin er ógvuliga smáur, og sum heild er fiskurin – og ikki bara upsin – rak. – Hetta er tann tíðin, tá ið fiskurin plagar at vera rak, men eg haldi, at hann er verri fyri nú, enn hann plagar. Sjálvt hýsan, sum plagar at vera í hampiliga góðum standi, er rak. Úrtøkan úr fiskinum er tí sum heild lítil. Fiskavirking í Saltangará keypir bara upsan frá trol- arunum. Hin fiskin, sum skipini hava, keypa onnur virkir. Lágur prísur Virkisleiðarin vísir á, at upsaprísurin er framvegis líka lágur, og miðalprísurin á upsa liggur neyvan oman- fyri 3,25 kr. fyri kilo – um hann yvirhøvur er so fræg- ur, tá ið saman um kemur. Sum skilst, er ein orsøkin til lága upsaprísin, at fisk- urin er so smáur. Tann størri fiskurin, sum lítið og einki er til av, hevur ein betri prís, men tá ið hesin fiskurin ikki er uppi í veið- ini, nyttar lítið. Minni fiskur Jason Johannesen sigur, at minni fiskur er komin uppá land í vár enn vanligt seinnu árini. – Orsøkin er helst hon, at trolararnir eisini royna at fáa onnur fiskasløg, soleið- is at miðalprísurin fyri last- ina kvinkar eitt sindur upp- eftir, sigur hann. Fiskurin er rak og prísirnir eru lágir Partrolararnir, Safir og Smaragd, landaðu í Saltangará í gjár. Í dag landa Jaspis og Ametyst Mynd: Vilmund Jacobsen C M Y K 3 2