mikudagur 7. november 2012síða 4

Mikudagur 7. november 2012 · Nr. 130 4 Sosialurin Hugskot og viðmerkingar – send sms til 225000 Motivið var húsið á Gerðisvegi Ákæruvaldið hevur sína greiðu teori um, hví ákærdi kroatin gjørdi av við Pidda. Hann og fyrrverandi kona Pidda skuldu flyta inn saman, og húsini á Gerðisvegi var besta loysnin Leo Poulsen Tað kom fram í rættinum í gjár, at fyrrverandi kona Pidda var vorðin upp á vegin við nýggja unnusta sínum, og tí vildu tey bæði fegin flyta saman at búgva. Kriminalpolitiið hevði funnið ymisk skjal á telduni hjá ákærda, sum bar brá av leigusáttmála. Eisini funnu teknikarar hjá politinum tvey nærum eins skjøl, har umrøtt var, at Dánial Petur Hansen skuldi flyta úr húsunum og ikki nærkast teimum aftur minni enn 500 metrar. Øll trý skjølini vóru um­ sett í Google Translate, og øll trý skjølini høvdu sama kroatiska orðið, ið var skeivt stava. Orðið, ið talan er um, merkir »bera út« ella »bera inn« í eini hús. Ákærdi maðurin segði seg einki kenna til hesi skjøl, hóast tey lógu á hansara egnu teldu. Somuleiðis segði hann, at hóast hann visti, hvat Google Translate er, hevði hann ongantíð nýtt tað. Men tá ákærin vísti á, at teldufrøðingar hjá politinum høvdu funnið 25 nýtslur av Google Translate á telduni hjá ákærda seinastu tveir mánaðirnar, áðrenn hann var handtikin, greiddi hann frá, at hann stundum nýtti hetta hjálpitól at umseta einstøk orð. Upp á vegin Ákærdi greiddi frá, at hann einaferð fyrst í oktober í fjør fekk at vita frá fyrrverandi konu Pidda, at hon var upp á vegin, og at tey bæði tí skuldu hava eitt barn saman. Ákæruvaldið vísti tó við sterkum ábendingum á, at hesin upplýsingum allarhelst er givin ákærda væl fyrri. sms-boð, send teirra mill­ um, vísa, at tónalagið í hans­ ara sms’um til hennara broyttu tónalag. 22. sep­tem­ ber hevur hann sent henni sms, har hann fleiri ferðir sigur, hvussu góður hann er við hana. Men í einum sms’i 25. september er tónalagið broytt, og nú kallar hann hana fyri mamma. Og tað er prógv fyri, heldur ákæru­ valdið, at ákærdi einaferð millum 22. og 25. september hevur fingið at vita, at hann skal vera pápi. Hetta ger so alt, at tey bæði fara at sóknast eftir einum staði, har tey kunnu búgva saman. Og tað sær út til, at tað skal eydnast teimum, tí onk­ usvegna frætta tey um eini hús á Mýravegi, sum møgu­ liga verða sett til sølu. Ákærdi setir seg í samband við avvarðandi av húsunum og fær at vita, at tey møguliga verða sett til sølu eftir nýggjár, og annars at fylgja við á heimasíðum og í bløðunum. Men hetta eru sjálvandi ikki so góð tíðindi, og tí verður ein annar møguleiki vendir. Keypa á Gerðisvegi Tað kom fram í rættinum, at Piddi hevði bjóðað fyrr­ verandi konuni at keypa hana út soleiðis, at hann einsamallur skuldi eiga hús­ ini á Gerðisvegi 34. Tilboðið ljóðaði upp á, at Piddi skuldi gjalda konuni 115.000 krónur, sum var metta frívirðið í húsunum. Hesum tók konan tó ikki av. Seinni, tá tað stóð greitt, at keypið á Mýravegi neyvan bleiv til nakað, bjóðaði fyrr­ verandi konan Pidda júst sama tilboð, sum Piddi hevði bjóðað henni. Hetta er 11. oktober, og 29. oktober tosa Piddi og sakførari hansara saman um hetta. 2. november rykkir sak­ førarin Pidda eftir einum svari. Hetta er dagin fyri, at Piddi etur nátturða saman við einum vinmanni. Fríggjanáttina 4. novem­ ber veit politiið við vissu, at Piddi tosar við ein vinmann. Samtalan byrjar klokkan 03.12 og endar 03.31, og tí kann sigast við vissu, at Piddi tá var á lívi. Klokkan 03.56 svarar ákær­di einum Facebook boðum frá unnustuni, og teoriin hjá ákæruvaldinum er tí hon, at einaferð eftir 03.56 er ákærdi farin við Skodabilinum til Gerðisveg, hevur dripið Pidda, og so eftir øllum at døma koyrt hann til Norðoyatunnilin, har hann hevur »goymt« hann í næsta stóra víkiplássinum Leirvíksmegin frá. Við Pidda beindan av vegnum – er teoriin hjá ákæruvaldinum, at ákærdi hugsar – er leiðin opin hjá teimum báðum at flyta inn á Gerðisvegi 34. Pidda-málið Tað vóru húsini á Gerðisvegi, sum enn stóðu í navninum hjá fyrrverandi konuni hjá Pidda, sum sambært ákæruvaldinum er motivið fyri drápinum Mynd: Vilmund Jacobsen Tíðargreining 3. november klokkan 15.45 Piddi keypir inn í Rúsuni 3. november klokkan 19.20: Ein hýruvognsførari, sum hevur etið nátturða saman við Pidda, fer av Gerðisvegi 34. Piddi rættiliga ávirkaður. 3. november klokkan 15.56-24.00 Ákærdi til arbeiðis á Bakkafrost 4. november klokkan 03.12-03.31 Piddi tosar í telefon við ein vinmann 4. november umleið 03.00 Skodabilurin stolin úr túninum hjá foreldrunum hjá fyrrverandi konu Pidda. Ákærdi eltir bilin til Norðoyatunnilin og heim aftur í túnið. 4. november eftir døgurða Ákærdi koyrir til Norðyatunnilin og kannar, hvussu langt inn í tunnilin Skodabilurin kundi koyra og koma út aftur, meðan hann roykti tvær sigarettir 5. november fyrrapart Ákærdi og fyrrverandi kona Pidda hittast á Gerðisvegi 34, og fara undir at gera reint 6. november Ákærdi og unnustan í Havn til fimleikaframsýning 8. november Piddi verður meldaður sum saknaður 8., 9. 10. november Politiið kannar hjá Smyril Line og Atlantsflog, um Piddi kann vera farin av landinum, stórt leitiarbeið verður sett í verk 10. november klokkan 02.00-0.300 Skodabilurin verður stolin fyri aðru ferð uttan fyri húsini hjá unnustuni hjá ákærda. Hann stendur aftur í túninum morgunin eftir 15. november Húsini á Gerðisvegi 34 verða sperrað av av politinum, og málið broytist frá saknaðum persóni til drápsmál 8. desember Ákærdi avdúkar okkurt, sum fær politistin, ið avhoyrir hann, at steðga avhoyringini, tí hann metir, at verjin eigur at vera til staðar. Ákærdi vildi ongantíð aftur útgreina, hvat hann var í ferð við at greiða frá 17. og 22. juli Ákærdi teknar tríggjar tekningar av økjum í Neshaganum, har Piddi møguliga er grivin