mikudagur 7. november 2012síða 17

17 Mikudagur 7. november 2012 · Nr. 130 Sosialurin Hugskot og viðmerkingar – send sms til 225000 Amerikanska forsetavalið Sambært fjølmiðlunum gekk linjan heit, og til í morgun høvdu meiri enn 70.000 velj­ arar ringt hagar og kært seg um ymiskt, sum tey vóru mis­nøgd við. Fleiri av kærumálunum vóru av tí meiri álvarssama slag­num. Eitt nú var ein klaga um, at í statinum Pennsyl­ vania høvdu valeygleiðarar hjá republikanska flokkinum kravt at fáa atgongd til at­ kvøðu­kassarnar. Úr Ohio kom ein kæra frá fólki, sum settu spurnartekin við, um teldu­útbúnaðurin á val­ støð­unum var lógligur, og í Florida høvdu sjálvvirkandi telefonir sagt fólki, at valið var útsett til í dag. Sum skilst høvdu 12.000 veljarar fingið hesi boðini. arni@sosialurin.fo 70.000 klagur um valið Í sambandi við valið høvdu myndugleikarnir skipað eina neyðlinju, sum fólk kundu ringja til, um tey vóru misnøgd við eitt ella annað í sambandi við sjálva atkvøðugreiðsluna Søguligur og tryggari sigur enn væntað Tað var stórur spenningur ein stóran part av náttini um, hvør fór at vinna amerikanska forsetavalið, men so kom úrslitið úr Ohio Árni Joensen Enn hevur eingin vunnið ameri­kanska forsetavalið uttan at vinna í statinum Ohio, og tí varð bíðað við stórum spenningi eftir úrs­ lit­inum haðani. Tá tað so kom tíðliga í morgun, hevði Barack Obama vunnið har, og við tí hevði hann tryggjað sær meiri enn teir 270 val­ menninar, sum eru neyðugir fyri at vinna forsetavalið. Men hvat var tað, sum trygjaði Obama sigurin? Eygleiðarar siga, at hann vann við at brúka tann sama taktikkin sum fyri fýra árum síðani, tá hann megn­ aði at byggja eina sam­gongu millum tey ungu, teir etn­ isku minnilutarnar so sum tey svørtu og latínameri­kan­ ararnar og seinast men ikki minst kvinnurnar. Bush hevði skyldina Undan valinum vístu fleiri á, at tað fór at vera torført og kanska ógjørligt hjá Obama at vinna við einum arbeiðs­ loysi, sum togar í átta prosent. Hetta og búskapurin annars vóru eisini høvuðsvápnið hjá avbjóðaranum, Mitt Romney, sum ígjøgnum alt valstríðið endurtók, at tað eru fleiri arbeiðsleys í USA nú, enn tá Obama tók við, hóast forsetin hevði lovað tað øvugta. Men atfinningarnar hjá Romney rinu ikki rættiliga við. Tvørturímóti eydnaðist tað Obama at sannføra velj­ arar­nar ella í hvussu er nóg nógvar teirra um, at tað er ikki hann, sum hevur skyld­ ina av arbeiðsloysinum og krepp­uni, tí hetta arvaði hann frá undanmanninum, George W. Bush. At fólk góð­ tóku hesa frágreiðingina sást í gjár, tá ein kanning vísti, at 50 prosent av teimum spurdu góvu Bush skyldina av krepp­ uni. 40 prosent søgdu Obama hava skyldina. Og so var tað Sandy. Hvussu stóran ávirkan ill­ veðrið hevði á valúrslitið er ilt at meta um, men eygleiðarar eru á einum máli um, at tann nógva umrøðan, sum for­ setin fekk í fjølmiðlunum í sam­bandi við Sandy, kann hava gagnað honum í gjár. Tepurt í atkvøðum Enn er ikki heilt greitt, hvussu greiður sigurin hjá Obama er, tí uppteljingin í Florida er ikki endaliga av­ greidd. Í atkvøðubýti var mun­urin lítil. Sambært teim­ um seinastu tølunum fekk Obama 49,85 prosent av at­ kvøð­unum og Mitt Romney 49,29 prosent. Men tá tað snýr seg um val­menn, var munurin mun­ andi størri. Fyri at tryggja sær sigurin skal eitt valevni fáa minst 270 valmenn, og vinn­ ur Obama í Florida, kemur hann upp á 323 valmenn, og Romney fær 206. arni@sosialurin.fo Mitt Romney fekk ikki sannført veljararnar um, at Obama hevur skyldina av arbeiðsloysinum og kreppuni í búskapinum