fríggjadagur 16. november 2012síða 8

Fríggjadagur 16. november 2012 · Nr. 134 8 Sosialurin Hugskot og viðmerkingar – send sms til 225000 piddamálið Tað kundi skjótt útilokast, at Piddi var farin av land­ inum. Beint sum Piddi var horvin, varð gitt, at hann var farin av landinum antin við Norrønu ella við flogfari. Men tað var skjótt, at tann møguleikin kundi útilokast. Eitt umboð fyri Smyril Line greiddi í rættinum í gjár frá teirra mannagongdum, sum tryggja, at vissa er fyri, hvørji fólk ferðast við skip­ inum. At fólk onkuntíð sníkja seg umborð er ein onnur søga. Ferðafólk skulu fyrst bíleggja ferðaseðil og gjalda fyri hann. Tá ið tey møta, skulu tey vísa fram goldnan ferðaseðil, og um tað verður kravt, skulu tey vísa antin pass ella koyrikort. Tey fáa eitt sonevnt lykla­ kort og eitt boardingkort, sum vaktin tekur ímóti. Boardingkortini verða skann­að, og 35 minuttir eftir fráferð veit skiparin, hvørji ferða­fólk eru við. Tí sæst eisini, hvørji fólk ikki eru møtt. Smyril Line kundi beinan­ vegin uypplýsa fyri politi­ num, at Piddi ikki fór við Norrønu 3. november. Slatur hevur gingið um, at beiggi tann ákærda hevði verið í Føroyum fyri einum ári síðan. Nei, tað var hann ikki. Beiggin hevur ikki verið í Før­oyum síðan 2009 upplýsti um­boðrið fyri Smyril Line. randi@sosialurin.fo Fór púra vist ikki við Norrønu Leo Poulsen Heili fýra vitni siga seg hava sæð Pidda við Brotið og Colo­rama fríggjadagin um 17-tíðina, og somuleiðiðs hava vitni sæð Pidda frá klokkan umleið10.30 og heilt fram til 16.30 leygardagin. Stóri spurningurin er so, hví Piddi ongantíð var heima í húsunum á Gerðisvegi 34 all­an leygardagin. Tí tað var hann ikki. Fyrrverandi kona hansara og ákærdi vóru eftir egnum vitnisfrágreiðingum í hús­ unum á Gerðisvegi 34 megin­ partin av degnum. Og sam­ bært teimum báðum høvdu tey einki sæð til Pidda. Eisini nærmastu grann­ar­ nir boða frá aktiviteti á Gerð­ is­vegi 34 leygardagin, men eingin teirra hevur heldur bor­ið eygað við Pidda Tí er stóri spurningurin: Um Piddi framvegis var á lívi leygardagin, hví var hann so leingi úti og bara, eftir øllum at døma, gekk og mól fyri vág og vind? Og tá hann hevur verið so leingi úti, hví hava ikki fleiri fólk sæð hann? Hevur hann ongastaðni verið inni frá tí fólk siga seg síggja hann fyrstu ferð klokk­an 10.30, til tey síggja hann seinastu ferð klokkan 16.30? Hevur hann als ikki etið hesa tíðina? Greitt mótprógvað Vitnini, sum sóu Pidda leyg­ ar­dagin, eru øll sannførd um, at tað var Piddi, tey sóu, og at tað var leygardagin. Einki av vitnunum kundi tó á nakran hátt prógva, at tey høvdu rætt, og einasta vitni, sum legði eitt slag av prógvi fram, varð afturvíst. Ein eldri kvinna pástóð, at hon hevði sæð Pidda í Bónus leygardagin. Hon greiddi frá, at hon sá Pidda leita eftir ein­um pakka av piparsós, og at hon enntá heitti á eitt starvs­fólk um at hjálpa Pidda at finna hesa góðu sós. Vitnið segði, at Piddi fekk sósapakkan, og við einari Cola­fløsku undir arminum fór hann at gjalda við kass­ an. Sjálv rindaði hon fyri vør­ una, hon hevði keypt, stutt eftir, og bongin vísti, at hon hevði goldið í Bónus leygar­ dagin 5. november klokkan 11.29. Tí var hon so vís í tíðs­ punkt­inum. Men ein gjøgnumgongd av øllum keypum í Bónus leygar­dagin 5. november vísti, at eingin hevði keypt pipar­sós og Cola um 11.25- 11.30 tíðina. Faktisk vóru bert tveir pakkar av piparsós keypt­ir í Bónus hendan leygardagin, og teir vóru seld­ ir langt eftir miðdag – annar um gott 14-tíðina og hin um gott 15-tíðina. Tað sigur seg sjálvt, at einki av hesum vitnum hevur log­ið í rættinum, men dømið her vísir bara, hvussu lætt tað er at minnast skeivt. Og tað førir so aftur til spurn­ingin: Hví var Piddi ongan­tíð heima á Gerðisvegi 34 leygar­dagin? leo@sosialurin.fo Hví var Piddi ikki heima leygardagin Rættarmál Vitnini hjá verjanum siga Pidda vera á lívi bæði fríggjadagin og leygardagin, og so er spurningurin, hví Piddi als ikki var heima hjá sær sjálvum leygardagin Um Piddi framvegis var á lívi leygardagin, hví var hann so ongantíð heima á Gerðisvegi 34, og hví hava bert seks fólk sæð hann frá klokkan 10.30 til 16.30, heilar seks tímar? Í rættinum í gjár førdi verjin ikki færri enn seks vitnir, sum øll vóru sannførd um, at tey høvdu sæð Pidda leyg­ar­dagin 5. november. Í rættinum í gjár kom fram, at fleiri fólk siga seg hava sæð Pidda fríggjadagin 4. november. Og tað sam­ svar­ar illa við teoriina hjá ákæruvaldinum, sum hevur hug at siga, at ákærdi hevur gjørt av við Pidda tíðliga á morgni 4. november. Fimm fólk siga seg hava sæð Pidda hendan fríggja­ dagin, harav teyu fýra siga seg hava sæð hann á sama stað og um somu tíð. Eitt vitni sigur seg hava sæð Pidda við Teymavirkið klokkan umleið 11.15 fyrra­ partin, og tá skal hann vera serstakliga illa gongdur, og hálvgum sløra út á vegin. Hini fýra vitnini siga seg hava sæð Pidda við Brotið ella við Colorama í tíðar­ skeið­inum 16.30 til 17.15. Fel­ ags fyri hesi fýra er, at tey ikki hava sæð Pidda gingið, men hann hevur staðið still­ur. Tey trý vitnini, sum sóu hann við Colorama siga, at hann stóð og skimaðist eins og ætlaði hann sær yvir um vegin. Vitnini eru øll sann­førd um, at hetta var fríggja­ dag­in um nevndu tíð, og eitt par, sum vóru tvey av vitn­unum, tengdu hetta at, at tey høvdu verið í einum handli og keypt onkra møbla­vøru. Eisini leygardagin Ein maður, sum hevði verið í ítróttahøllini við soninum hendan leygarmorgunin segði, at tá hann kom úr høll­ini um 10.30-tíðina, kanska um 11-tíðina, sá hann ein mann ganga móti fót­bólts­vøll­inum, og hann helt av­gjørt, at hetta var Piddi. Maðurin var einar 20- 30 metrar burtur, og hann sá hann bert inn á vangan. Hann varnaðist ikki, at maðurin haltaði. Nakað seinni sá ein maður úr Rituvík Pidda. Hetta var beint fyri,a t Borg læt aftur leygardagin, men hann mintist ikki, um tað var klokkan 12 ella 13. Tástóð Piddi við norðr­aru frá­koyringina við rund­ koyr­ingina frá Rituvík. Hetta vitni helt seg síggja, at Piddi sá út til at vera í villareiði. Tá vitnið hevði keypt í Borg og skuldi til Rituvíkar aftur, sá viðkomandi Pidda við Sjómansheimið. Tá gekk hann spakuliga inn eftir fjørðinum. Vitnið legði ikki til merkis, um Piddi hevði nakað í hondini, men segði, at persónurin haltaði. Hetta hevur so verið kl. gott 12 ella gott 13, alt eftir, nær Borg letur aftur. Næsta vitni sær Pidda ganga suðureftir eftir Gerð­ isvegi millum klokkan 13 og 14, og hann haltaði. Vitnið segði seg síggja í andlitið á við­komandi, og at Piddi sá út sum vanligt. Vitnið segði eis­ini, at hon einki óvanligt sá í húsunum á Gerðavegi 34. Næsta vitni, sum sá Pidda, sá hann úr køks­vind­ eyganum klokkan umleið 14.30 til 15.00 á Heiðavegi. Tá var Piddi á veg inn eftir á omaru síðu av vegnum. Hetta vitni sær tó bert Pidda í stutt tíðarbil og bert inn á vangan og í nakkan. Piddi haltaði ikki tá. Enn eitt vitni sær Pidda á Gerðisvegi, og hetta er um 16.30 tíðina. Tá er hann á veg norðureftir. Og seinasta vitni, sum segði seg hava sæð Pidda, hevði sæð hann í Bónus um 11.30 tíðina. leo@sosialurin.fo Piddi var á lívi leygardagin