mikudagur 28. november 2012síða 22

Mikudagur 28. november 2012 · Nr. 139 22 Sosialurin Hugskot og viðmerkingar – send sms til 225000 Mikudagur 18. juni 2012 · Nr. 72 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni, og Bjørg Róin, lærari á Føorya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. Umsóknarfreistirnar at søkja um upptøku á hægri útbúgving eru rættiliga ymiskar frá landi til land og viðhvørt eisini í landinum frá einum útbúgvingarstovni til ein annan. Her er nakað av kunning um tey mest vanligu londini. Men minst til at altíð kanna freistirnar í góðari tíð, tvs. eitt ár áðrenn lestrarbyrjan, og gloym ikki at kanna upptøkukrøvini samstundis! Føroyar Á Fróðskaparsetri Føroya eru hesar upptøkufreistir galdandi fyri upptøku 2013: Umsóknarfreist at søkja eftir kvotu 2 er 15. mars 2013. Her er møguleiki hjá umsøkjarum við útlendskum prógvi at søkja. Eisini kunnu umsøkjarar, sum ikki hava eitt nóg gott gyminasialt miðnámsskúlaprógv, søkja. Tá skulu tey vísa á aðrar viðkomandi førleikar. Triðji bólkurin eru tey sum søkja við frítøku frá teimum vanligu upptøkukrøvunum, eitt nú gyminasialt miðnámsskúlaprógv. Talan eru um fá pláss. Umsóknarfreist at søkja eftir kvotu 1 er 1. juli 2013. Danmark Kvote 2-freistin er 15. mars. Søkir tú um kvotu 2 ( 10-50%) er tað samstundis ein umsókn umvegis kvotu 1. Kvote 1-freistin er 5.juli. Umsóknarbløðini eru tøk einar 5-6 vikur undan umsóknarfreistini, tvs uml. 1. februar. Umsóknarblaðið kann útfyllast online á: www.optagelse.dk, 15. mars klokkan 12.00. Fyri kvotu 1 er umsóknarfreistin 5. juli. Les um nýggju reglurnar á www. ug.dk og leita eftir "kot optagelsesregler" Noregi Vanliga er freistin 15. apríl. Les meira á: www.samordnaopptak.no Svøriki Vanliga er freistin 15. apríl. Les meira á: www.vhs.se Ísland Tað er eingin felags upptøka til íslendskar lærustovnar. Freistirnar eru ymiskar frá stovni til stovn og umsóknarbløð fáast frá lærustovninum. Á Háskóla Íslands er freistin 5. juni fyri norðurlendskar studentar. Set teg í samband við teir einstøku lærustovnarnar og fá meiri at vita um freistir og umsóknarmannagongdir. Finnland Umsóknarfreistirnar eru ymiskar frá stovni til stovn. Vanliga eru umsóknarfreistirnar til lægru útbúgvingarnar (kandidaatti/kandidat) millum januar og mai. Umsóknarbløð fáast á lærustovnunum. Stóra Bretland Føroyingar hava síðan 2007 verið roknaðir sum EU íbúgvar í Stórabretlandi. Til ber at søkja gjøgnum www.ucas.com. Tað er møguligt at søkja frá 1. september árið áðrenn lestrarbyrjan og ein søkir sum einstakur lesandi og IKKI gjøgnum ein skúla. Við leinkjuna »Apply« er møguligt at finna góða vegleiðing. MINST TIL at umsóknarfreistirnar til Oxford og Cambridge umframt lækna, djóralækna og einstakar aðrar útbúgvingar eru 15. oktober árið fyri, sum tú ætlar tær at byrja. Lesið meira á www.ucas.com. Harafturat krevja fleiri lestrastovnar innan læknavísindi í Stórabretlandi at nýggj lesandi hava meldað seg til eina eyka roynd (BMAT ella UKAT), ella at lesandi hava søkt og fingið dispensatión fyri eina tílíka roynd í seinasta lagi september árið áðrenn lestrarbyrjan. Vanliga umsóknarfreistin fyri hægri lesna í Stórabretlandi er 15. januar, men fleiri lestrastovnar velja at umhugsa umsóknir fram til 30. juni. Onnur lond Ofta verður umsóknin send beinleiðis til útbúgvingarstovnin og oftani kann tað vera eitt hálvt ár áðrenn útbúgvingin byrjar, men tað kunnu vera tøk pláss heilt fram til lestrarbyrjan. Einstøk universitet, millum annað tey heilt kendu og virdu í USA hava umsóknarfreis eitt heilt ár fyri lestrarbyrjan Set teg í samband við lestrarvegleiðarar, International Office ella Admissions Service á staðnum, har sum tú ætlar at søkja. Ella set teg í samband við Altjóða Skrivstovuna tlf. +298 322065 so kunnu vit hjálpa tær at fáa greiði umsóknarfreistum og upptøkukrøvum um tú ivast í onkrum. Umsóknarfreistir 2013 Spurnarsíðan Spyr og fá svar um útbúgvingar. Allar. Allastaðni. Spurning 1 : Hey Eg havi ein spurning. Hatta har við at man kann falda sín studentarmiðalkarakter við 1,03 um man lesur víðari innan fyri 2 ár, hvussu virkar tað? Skal man sjálvur falda hann og koyra tað inn í umsóknina, ella gera universitetini tað sjálvi? Og kann man bara gera hetta um man søkir inn á donsk universitet, ella er tað eisini galdandi fyri bretsk universitet? Takk fyri Svar til spurning 1 : Tá tú søkir inn til hægri lestur í Danmark, og hetta er bert gjaldandi í Danmark, kanst tú fáa faldað títt eksamiumiðaltal/eksamenskvotient við 1,08, um tú søkir inn við einari atgongdsgevandi eksamiu, sum er endað í seinasta lagi upp til tvey ár undan søkingarárinum. Er eksamiumiðaltalið givið eftir 13-skalanum, fer ein tilpassan fram eftir umrokning til 7-stig skalanum. Hetta verður gjørt av útbúgvingarstaðnum í Danmark. Tað eru undantøk fyri 2-ára freistin, um ein hevur verið forðað í at byrja eina útbúgving av ein av fylgjandi orsøkum :Hesi eru : • vernarskyldu • útbúgving við ætlan um at verða útsend í samband við altjóða uppgávur hjá verjuni • adoptión ella barsil • longri sjúkralegu • ansan av familju, sum er brekað, álvarsliga sjúk ella doyggjandi • venjing til ella luttøku í OL úttikin av Team Danmark Útbúgvingarstaðið, har tú søkir inn, ger av, um tú uppfyllir treytirnar at fáa longda freist. Vinarliga Holger og Bjørg Spurning 2 : Góðan dagin Eg eri ein ungur drongur, sum bleiv liðugur við 10. flokk í 2011. Síðani tá havi eg arbeitt og eri nú byrjaður at hugsa um víðari útbúgving. Eg vil fegin sleppa at læra til politist, og mín spurningur til tykkum er: Skal man hava eina gymnasiala útbúgving fyri at sleppa á politiskúla í Danmark? Heilsan xxx Svar til spurning 2: Tað er ikki eitt krav at hava eina fulla miðnámsútbúgving fyri at sleppa á politiskúla í Danmark. Tað er ein fyrimunur, tí ein umsøkjari skal til upptøkuroyndir av ymiskum slag millum annað um almenna vitan. Um man ikki hevur eina miðnámsútbúgving, má man taka eitt forkursus, sum er eitt slag av HF- einkultfak. Fakini eru: danskt, enskt, samfelagsfak, psykologi og ítrótt. Hetta forkursus tekur ½ til 1 ár. Tú kanst lesa meira á www.ug.dk (søg: forkursus politibetjent) Fyri at kunna byrja útbúgving til politist krevst, at ein er minimum 21 ár. Les meira: www.blivpolitibetjent.dk Vinarliga Bjørg og Holger UCAS vegleiðing Hevur tú ætlanir um at søkja inn at lesa í Stórabretlandi í 2013? Altjóða Skrivstovan skipar fyri kunning og vegleiðing í at útfylla UCAS oyðibløð 2013. Tiltakið verður í Føroya Handilsskúla hósdagin 29 november kl 19.00-21.00