fríggjadagur 30. november 2012síða 11

11 Fríggjadagur 30. november 2012 · Nr. 140 Sosialurin Hugskot og viðmerkingar – send sms til 225000 BankNordik stuðlar sendingini Onkuntíð havi eg tað sum Tóroddur Poulsen. Onkuntíð havi eg hug at skræða nossini undan onkr­ um. Tað er ikki lætt hjá mær at góðtaka, at kaffilatti-ment­ an og Hennes & Mauritz í SMS eftir øllum at døma eru ting­ini, sum skulu bjarga Før­ oyum. Tað er heldur ikki lætt hjá mær at góðtaka, at summi fólk skulu hava ein skatta­ lætta á fleiri túsund krón­ur um mánaðin, sum tey spara upp til ringar tíðir, með­an onnur verða noydd at flyta av landinum av neyð, hóast tey allarhelst vildu, at børn­ini hjá teimum skuldu vaksa upp í Føroyum. Og so blívi eg nærm­ ast í øðini um at hoyra, at fólk skulu tosa við 71 fólk, áðrenn tey fáa røttu vegleiðingina frá tí almenna. Men »Vit kunnu ikki vera samd um alt,« sum Kaj Leo Johannesen segði í ein­ari heit­ari diskussión í sjón­varp­ inum, ið vit enntá brúktu í allar fyrstu Ghetto Føroyar send­ingini. Og løgmaður, sum nærmast í hvørjari sending hevur fingið eitt skot ella bæði tvey, kundi ikki í hesum førinum havt meira rætt. Vit kunnu ikki vera samd um alt. Men eftir hondini er tónin, eftir mínum tykki serliga í fjøl­miðl­unum um at gerast í so harður og óvirðiligur – snøgt sagt ónossligur ella bara ov nógv um nossir. Als ikki tað, eg skilji væl Torodd. Mað­urin er illur við verðina – ella serliga Føroyar, og tað eri eg eis­ini, hóast eg í løtuni livi av donsku boppuni, og sum er ikki konkret merki tær broyt­ ingar­nar, sum eru farnar fram í Før­oyum seinastu tvey ár­ ini. Eg eri bara komin hartil, at alt tað, sum eg seti í samband við Føroyar er um at fara fyri skeyti. Vit verða verri at taka okkum av hvørjum ørðum; upp­sagnir, arbeiðsloysi, sjúk­lingar, fráflyting og ein systemat­isk niðurlaðing av Føroy­um uttanfyri Stóragarð eru eftir hondini bara tilvildar­ lig hagtøl. Kanska er tað tí, at tað er seinasta sendingin, at eg havi tað soleiðis, ella er tað bara tí, at eg sum ein annar Ebenezer Scrooge onkursvegna havi møtt komandi jólaandanum og síggi eina óføroyska fram­ tíð fyri mær um tað landið, sum eg altíð havi sæð sum para­dís á jørð. Men eg veit eisini, at hóast vit eftir hondini síggja alt ov nógv sum rein hagtøl, so er ongin í veruleikanum so heið­ in, sum vit hava hug at gera hvønn annan til, tá vit tosa um at skræða nossini undan hvørjum øðrum ella tá vit kalla lands­stýrisfólkini fyri ass­holes. Karsten, Jørgen, Kári, Kaj Leo, Annika, Jacob og Bjørn hava øll eisini góðar eginleikar, og tað hava Høgni, Aksel og Poul eisini. Sjálvandi kunnu vit ikki vera samd alla tíðina, men nú tað stendur á, og framtíðin – eftir mínum tykki – sær óneyð­uga døpur út, mugu vit onkurs­vegna síggja upp um hetta við, at fólk eru politik­arar, og minnast til, at tey eisini eru einstakir føroy­ingar við øllum okkara frá­líku eyðkennum. Eins og tey – politikararnir altso – kanska skuldu hugsað um, at øll í statistikk­inum eisini eru einstakir frálíkir føroyingar, sum á egn­an kropp merkja hvørja tí einastu politisku av­ gerð. Minnast vit til, at vit um­ framt at vera arbeiðsleys, stjór­ ar, lesandi, politikarar ella eru á einum øðrum bekki, so hava vit so nógv til felags mitt úti í Norðuratlantshavinum, at tað er nakað, sum er vert at verja hjá okkum øllum. Vónandi finna vit tá virðingina og fel­ ags­kensluna aftur. Poul F fær seinastu orðini í hesum tátti í Ghetto Føroyum. Tey siga í veruleikanum alt, óansæð hvørjum hagtali tú ert partur av: Vit eru føroyingar, serstøk tjóð við felags lagnu eitt felags blóð og felags minni so mong tú finnur úr tíðarflóð Ónossligu Føroyar Ghetto klumman Hetta mugu føroyskar fyritøkur eisini til at hugsa um, halda Ann Kristina Svabo Simonsen, sum er umboð fyri RØKK, felagið fyri føroyingar á RUC, og Sølvi Jespersen, umboð fyri Samvinnu, sum er felagið fyri føroyingar á CBS. – Størsti møguleikin fyri, at útisetar velja at flyta heim aftur til Føroya, er um tey fáa eitt hósk­ andi og avbjóðandi starv, halda tey bæði Ann Kristina og Sølvi. Felagsskapurin hjá føroy­ing­ um á CBS hevur virkað í mong ár, og hesi royna javnan at fáa sam­starv í lag við føroyskar fyri­ tøkur. Tey royna, at vera ein liður millum Danmark og Føroyar. – Vit vilja hjálpa føroyingum, sum byrja sín lesnað á CBS, og vit vilja samstundis royna at skapa eitt samstarv millum før­oy­ingar á CBS og føroyskar fyri­tøkur, sum allarhelst eru fram­tíðar arbeiðsplássini hjá hes­um útisetunum, sigur Sølvi Jespersen. RØKK varð stovnað í fjør, og tískil hava útisetarnir á RUC enn ikki fingið samstarv í lag við føroyskar fyritøkur. Men tey hava í hyggju at skapa eitt sam­starv, har lesandi á RUC fáa møguleikan at arbeiða við før­ oyskum viðurskiftum. RUC er í stóran mun grund­ að á verkætlanir ella »problem­ orienteret projektarbejde«, har lesandi hvørt semester skulu skriva størri verkætlanir um eitt hvørt áhugavert evni. Tað er sjál­vsagt upplagt, at hesar verk­ ætlanir vera gjørdar um før­oysk viðurskifti ella føroyskar fyri­ tøkur, sigur Ann Kristina Svabo Simonsen. Tey bæði eru samd um, at um útisetar fáa bjóða arbeiði í Før­ oyum, ella hava tilknýti til ar­ beiðs­marknaðin áðrenn tey eru liðug við sín lesnað, so er nógv størri møguleiki fyri, at tey velja at flyta heim aftur á klettarnar. Føroyskar fyritøkur mugu fáa útisetar heim Í Danmark og í londunum kring okkum eru fyritøkur av øllum slag sera áhugaðar í at fáa fólk undir útbúgving at royna seg í fyritøkunum, og yvirhøvur at fáa samstarv í lag við fólk, sum taka hóskandi útbúgvingar Ghetto Føroyar er sending hjá Rás2, beinleiðis úr Keypmannahavn hvønn hósdag klokkan 14-16. Talan er um frískt, frekt og festligt útisetaradio. Lív Højsted Horsdal, Barbara Holm, Rógvi Nybo, Eirikur í Jákupsstovu og Rólant Waag Dam gera sendingina, saman við Búgva Øster og Magna Høgnesen, ið standa fyri tekniska partinum. Á hesum síðum sæst nakað av tí, borðreitt var við í seinastu sending. »Dáma« Ghetto Føroyar á Facebook, har tú sært myndir, kanst hoyra kjak og aðrar samrøður, umframt at føstu tættirnar, sum eru live tónleikur, Klumman, Útisetin og Endabresturin.